مع أم ضد (تفعيل ترخيص السلاح الحى لأى مواطن)

**artyboy** · 13-03-2011 12:39 PM

مع طبعا لأن الأمن لسه قدامه فترة طويلة على ما يرجع ويكون له هيبه و تأثير بس ممكن وضع ضوابط للموضوع ده يعنى مثلا يكون لحمله المؤهلات العليا فقط و مايكونش عليه أى أحكام أو شبهات (صحيفة الحالة الجنائية ) و يجيب شهادة أدارية من ٤ جيرانه فى نفس العقار أنهم يوافقوا على حمله سلاح و شهادة من طبيب نفسى معتمد (مستشفيات عسكرية ولا حاجة) أنه لا يوجد خطر من حمله للسلاح و يمر بدوره تدريبية تعملها القوات المسلحه على حمل السلاح و كيفيه صيانته ٣ أيام ولا حاجة وفى نفس الوقت دى فرصه أنهم يختبروا ردود أفعاله و هل يصلح لحمل سلاح ولا لأ و يكتبوا تقرير يكون نهائي (ملحوظة أنا بتكلم عن الطبنجات والمسدسات )

**jisso82** · 13-03-2011 12:49 PM

أكيد ضد. دى الناس من غير سلاح ما بتمسكش أعصابها و بتموت بعض بالإيد عايز تدى الناس دى سلاح كمان عشان يبقى الموضوع أسهل

**artyboy** · 13-03-2011 01:18 PM

و أحب أضيف حاجه بس أن السلاح بالفعل فى أيد الجميع دلوقتى ماعادا الناس إللى المفروض تشيله للدفاع عن النفس يعنى بالزمه قولى لما حرامى يدخل عليك و فى أيده طبنجه أو حتى رشاش يبقى إيه الوضع و لا بلاش ده وده لما تلاقى واحد بيثبتك فى الطريق برشاش و بيقولك سيب مراتك و أمشى (حصلت مع قريب واحد زميلى و لما قاومهم مسكوه كتفوه وأغتصابوها قدامه)

**shaddadfalcon1** · 13-03-2011 01:45 PM

ونرجع بقي للكاوبوي

**aif** · 13-03-2011 02:09 PM

ضد حمل السلاح
وكمان مع تشديد العقوبة على حمل السلاح
اللي احنا فيه دلوقت ده وضع طارئ مش مقياس ابدا
التاريخ اثبت اننا نسيء استخدام كل شيء .... من اول الكلاكسات وال جي ام والزينون والسارينة .... مرور بالبمب والشماريخ والالعاب النارية.... وصولا بالاسلحة الميري وسوء استخدامها من الناس المسئولين .... مابالك بقى بعامة الشعب اللي اكتر من نصفه امي ..... الله يرحمك يا امي

**OmaR_FekrY** · 13-03-2011 03:10 PM

لو عنده ممتلكات تستوجب ترخيص سلاح حى للامان ..... يبقى اه ( شركات الصرافه مثلا)
لكن لو علشان يحمى عربيته و الكلام الفاضى اللى بسمعه اليومين دول ....... يبقى لا
واعتقد كمان ان المفروض ان الترخيص يطلع بشروط معينه زى مثلا
1-سنه لا يقل عن 40 سنه
2- ذو مركز احتماعى مرموق
3- على قدر عالى من الثقافه والتعليم
4- و طبعا الاهم من كل ده يكون عنده حاجه فعلا تستاهل الحمايه زى م قولت فوق
( مع احترامى الشديد لاوجه نظر الاخرين اذا كان فى حد مختلف معايا فى الكلام اللى قلته :) )

**dode2002** · 13-03-2011 03:27 PM

المشاركة الأصلية كتبت بواسطة hosar

انا مع حمل السلاح و تشديد العقوبة على استخدامة الخاطئ

صح كده
اولا وضع قانون صارم تشدد فيه العقوبات لحد الاعدام وذلك للاستخدام الخطاء
عدم السماح للترخيص لكل المسجلين جنائيا وسحب الترخيص من الذي يعاقب جنائيا باي جريمه
غير كده الي عاوز يرخص يرخص بس يبقي عارف ايه الي هيحصله لو استخدمه غلط

**aif** · 13-03-2011 03:49 PM

المشاركة الأصلية كتبت بواسطة dode2002

صح كده
اولا وضع قانون صارم تشدد فيه العقوبات لحد الاعدام وذلك للاستخدام الخطاء
عدم السماح للترخيص لكل المسجلين جنائيا وسحب الترخيص من الذي يعاقب جنائيا باي جريمه
غير كده الي عاوز يرخص يرخص بس يبقي عارف ايه الي هيحصله لو استخدمه غلط

التاريخ اثبت اننا عندنا قوانين كتيييييير
لكن معندناش حد ينفذه
ولما بيتنفذ بيتنفذ على حسب الاهواء والمزاج
لما الكلام ده يبقى على المرور والامور المدنية .... بتبقى مشكلة
لو بقى الكلام ده حصل على حملة الاسلحة النارية ....... تبقي مصيبة كبرى
انا اتوقع لو الاقتراح ده اتنفذ ..... ان ضحايا حوادث القتل في الخلافات المرورية حيبقو اكتر من ضحايا حرب اكتوبر المجيدة

-

-

مشاهدة نتائج الإستطلاع: هل أنت مع تفعيل تراخيص السلاح الحى لأى شخص !؟

الموضوع: مع أم ضد (تفعيل ترخيص السلاح الحى لأى مواطن)

LinkBack

أدوات الموضوع

عرض

-

-

-

-

-

المواضيع المتشابهه

ترخيص السلاح

السلاح ...

خواطر مواطن "مطحون" في وحدة ترخيص "المرور"

الكلمات الدلالية لهذا الموضوع

المفضلات

المفضلات

ضوابط المشاركة