مع أم ضد (تفعيل ترخيص السلاح الحى لأى مواطن)

السؤال واضح وبسيط و صريح جدا


هل أنت مع تفعيل ترخيص السلاح الحى لأى مواطن !!؟

و بالأخص أحنا أقتربنا على النقطة دى بعد قرار المجلس الأعلى للقوات المسلحه بالحق فى الدفاع عن الممتلكات و النفس بأى طريقة ممكنه و دا هيوصلنا بكل سهوله لتفعيل ترخيص السلاح للمواطنين و طبعا دا بعد إلغاء قانون الطوارئ العمليه أكيد هتبقى أكبر و أعم على كل المواطنين


أنا معاه فى حالة أنه يستخدم صح و مش معاه فى حالة أن النفس أمارة بالسوء
عشان كدة مش هدى صوتى لحاجة من الحاجات دى الموضوع مفتوح للأعضاء
و الصح معروف و الغلط معروف




أختاروا من الأستفتاءاااااااااااااااا ت
و لو عندكم تعليق يتم أضافتة فى رد

ضد طبعا مش اي حد حيعرف يتحكم في نفسه وممكن مع ابسط خناقه تلاقي السلاح طلع وتبقى حرب شوارع

ممكن لو يستخدم داخل المنزل فقط.

انا مش عارف هى دى المادة الكام بالظبط فى الدستور الامريكى و مفادها انك متقدرش تفرض رأيك على شعب مسلح و لكن ده لا يمنع ان مع انتشار الاسلحة عندهم الامان قليل جدا فالجدل عليها كبير قوى
و بما اننا شرقيين و عندنا منظومة تانية مختلفة من القيم اللى بتحكمنا و طريقة تانية فى الحياة فانا مش موافق

لا لترخيص السلاح بدون داعي
حتبقي غابه

انا ضد طبعا عشان احنا في مصر معندناش ثقافة حمل السلاح دي اصلا و اكبر دليل على كده الايام اللي احنا فيها دي اي حد لو اتخانق هيموت اللي قدامو مش هيخوفوا ( احنا عندنا كل حاجة بالزيادة )

ﻷ طبعا إلا لو هيعملوا تحليل نفسي لكل واحد هيشيل سلاح لإن فيهناس في العادي إيدهم سابقة بقهم فتخيل لو فإيده سلاح!!!
هنلاقي ببساطة فلان قتل عشان كسر على فلان وهما سايقين أو فلان قتل فلان عشان ركن مكانة تحت البيت!!!!

اقتباس:

---

المشاركة الأصلية كتبت بواسطة ams

انا مش عارف هى دى المادة الكام بالظبط فى الدستور الامريكى و مفادها انك متقدرش تفرض رأيك على شعب مسلح و لكن ده لا يمنع ان مع انتشار الاسلحة عندهم الامان قليل جدا فالجدل عليها كبير قوى
و بما اننا شرقيين و عندنا منظومة تانية مختلفة من القيم اللى بتحكمنا و طريقة تانية فى الحياة فانا مش موافق

---

مش مادة ده التعديل التاني للدستور الامريكي

يعني اية كل مواطن يكون معاة سلاح حي..دا كلام غير صحيح اطلاقا..وهيسبب كوارث
ضد الكلام دا طبعا جملتا وتفصيلا.

(الحافظ هو الله)

الحمدلله مبشلش سلاح معايا غير الاذكار والتوكل علي الله , غير كدا ميلزمنيش.

اقتباس:

---

المشاركة الأصلية كتبت بواسطة mohssenrashed

انا ضد طبعا عشان احنا في مصر معندناش ثقافة حمل السلاح دي اصلا و اكبر دليل على كده الايام اللي احنا فيها دي اي حد لو اتخانق هيموت اللي قدامو مش هيخوفوا ( احنا عندنا كل حاجة بالزيادة )

---

يعني اية ثقافة حمل السلاح؟

اقتباس:

---

المشاركة الأصلية كتبت بواسطة mahmoudselim

يعني اية ثقافة حمل السلاح؟

---

في رأيي الشخصي.... ثقافة حمل السلاح معناها ضبط النفس....
بمعنى أنك لو اتعرضت لموقف عنيف أو مستفز متستعملش سلاحك كأول اختيار.... لأ بالعكس... دا يكون آخر حاجة خااااااالص ممكن تلجألها و يبقا عشان تنقذ روحك أو أرواح غيرك.... و يكون ضد مسلحين مش عزل ....

اقتباس:

---

المشاركة الأصلية كتبت بواسطة M!NA

في رأيي الشخصي.... ثقافة حمل السلاح معناها ضبط النفس....
بمعنى أنك لو اتعرضت لموقف عنيف أو مستفز متستعملش سلاحك كأول اختيار.... لأ بالعكس... دا يكون آخر حاجة خااااااالص ممكن تلجألها و يبقا عشان تنقذ روحك أو أرواح غيرك.... و يكون ضد مسلحين مش عزل ....

---

تمام يا مينا فهمت قصدك اية
حاجة شبيهة كدا بسياسة ضبط النفس

طيب شوف الفيديو دا كدا وقولي رأيك اية؟

YouTube - ‫ظ…طµط± ط¨ظ‚طھ ظ…ط§ط´ظٹظ‡ ط¨ظ‚ط§ظ†ظˆظ† ط§ظ„ط؛ط§ط¨ظ‡‬‎

45 % امية
45 % مابين بلطجى،مسجل خطر

و كمان نرخص السلاح ؟ صعب
ثم ان السلاح موجود فعلا
مافيش بيت بداية من العياط لغاية اسوان مافيهوش سلاح و اتنين سواء مرخص و لا لأ

العلاقة طبعا عكسية
كلما زاد السلاح قل الامن

نعم فأنا ضد أن يكون الشعب أعزل يدافع عن نفسه بالشوم.

بالنسبة للفيديو
هو إطلاق النار ده كان إيه ؟...صوت و لا حقيقى...
لو حقيقى... مش معقول الناس لسه بتتحرك و تقوم تقف بعد ما تضربت
لو صوت..وقعوا فى الأرض من إيه ؟

إذا كان الفيديو تمثيل...فرسالته طبعا وصلت و معروفة تماما من الأول

اقتباس:

---

المشاركة الأصلية كتبت بواسطة mahmoudselim

تمام يا مينا فهمت قصدك اية
حاجة شبيهة كدا بسياسة ضبط النفس

طيب شوف الفيديو دا كدا وقولي رأيك اية؟

youtube - ‫ظ…طµط± ط¨ظ‚طھ ظ…ط§ط´ظٹظ‡ ط¨ظ‚ط§ظ†ظˆظ† ط§ظ„ط؛ط§ط¨ظ‡‬‎

---

اقتباس:

---

المشاركة الأصلية كتبت بواسطة ghamrawy

45 % امية
45 % مابين بلطجى،مسجل خطر

و كمان نرخص السلاح ؟ صعب
ثم ان السلاح موجود فعلا
مافيش بيت بداية من العياط لغاية اسوان مافيهوش سلاح و اتنين سواء مرخص و لا لأ

---

أنا ليا رأي شخصي....

أن جهاز زي القوات المسلحة مثلا.... يعمل حاجة زي دورة تدريبية للي يحب ياخد رخصة سلاح....

و تكون شاملة لفيديوهات و محاضرات توعية عن خطورة السلاح و كيفية تأمينه و دواعي استعماله.... و كيفية التصرف في المواقف المتوقعة المختلفة.... و يكون فيه امتحانات و اختبارات شخصية و نفسية و أخيرا إختبار رماية.... و اللي ينجح ياخد الرخصة بكفائته... مش بشروط عقيمة زي اللي موجودة حاليا....

اقتباس:

---

المشاركة الأصلية كتبت بواسطة chato_eg

بالنسبة للفيديو
هو إطلاق النار ده كان إيه ؟...صوت و لا حقيقى...
لو حقيقى... مش معقول الناس لسه بتتحرك و تقوم تقف بعد ما تضربت
لو صوت..وقعوا فى الأرض من إيه ؟

إذا كان الفيديو تمثيل...فرسالته طبعا وصلت و معروفة تماما من الأول

---

فيه حاليا نوع من مسدسات الصوت منتشر ماسورته مفتوحة.... و بيتركبله طلقات صوت في آخرها بلية حديد... تأثيرها أقوى من الرش و أضعف من الحي... بس قوية جدا جدا.... هي غير مميتة لكن فعالة.... و في الغالب.... هو اللي بيستعملة الشخص اللي في الفيديو

عشان كدا الصوت صوت ضرب نار و التأثير كأنه طلقة رش

ديه وجهة نظر شخصية.... مش مؤكدة

انا ضد ان اي احد يمسك سلاح بدون داعي
كده اي حد حيخبط عربيتك ممكن تنزل بدل متكلمه تنشه رصاصتين وخلصنا يا عم الحج

انا مع حمل السلاح و تشديد العقوبة على استخدامة الخاطئ

مع طبعا لأن الأمن لسه قدامه فترة طويلة على ما يرجع ويكون له هيبه و تأثير بس ممكن وضع ضوابط للموضوع ده يعنى مثلا يكون لحمله المؤهلات العليا فقط و مايكونش عليه أى أحكام أو شبهات (صحيفة الحالة الجنائية ) و يجيب شهادة أدارية من ٤ جيرانه فى نفس العقار أنهم يوافقوا على حمله سلاح و شهادة من طبيب نفسى معتمد (مستشفيات عسكرية ولا حاجة) أنه لا يوجد خطر من حمله للسلاح و يمر بدوره تدريبية تعملها القوات المسلحه على حمل السلاح و كيفيه صيانته ٣ أيام ولا حاجة وفى نفس الوقت دى فرصه أنهم يختبروا ردود أفعاله و هل يصلح لحمل سلاح ولا لأ و يكتبوا تقرير يكون نهائي (ملحوظة أنا بتكلم عن الطبنجات والمسدسات )

أكيد ضد. دى الناس من غير سلاح ما بتمسكش أعصابها و بتموت بعض بالإيد عايز تدى الناس دى سلاح كمان عشان يبقى الموضوع أسهل

و أحب أضيف حاجه بس أن السلاح بالفعل فى أيد الجميع دلوقتى ماعادا الناس إللى المفروض تشيله للدفاع عن النفس يعنى بالزمه قولى لما حرامى يدخل عليك و فى أيده طبنجه أو حتى رشاش يبقى إيه الوضع و لا بلاش ده وده لما تلاقى واحد بيثبتك فى الطريق برشاش و بيقولك سيب مراتك و أمشى (حصلت مع قريب واحد زميلى و لما قاومهم مسكوه كتفوه وأغتصابوها قدامه)

ونرجع بقي للكاوبوي

ضد حمل السلاح
وكمان مع تشديد العقوبة على حمل السلاح
اللي احنا فيه دلوقت ده وضع طارئ مش مقياس ابدا
التاريخ اثبت اننا نسيء استخدام كل شيء .... من اول الكلاكسات وال جي ام والزينون والسارينة .... مرور بالبمب والشماريخ والالعاب النارية.... وصولا بالاسلحة الميري وسوء استخدامها من الناس المسئولين .... مابالك بقى بعامة الشعب اللي اكتر من نصفه امي ..... الله يرحمك يا امي :angelme:

اقتباس:

---

المشاركة الأصلية كتبت بواسطة aif

ضد حمل السلاح
وكمان مع تشديد العقوبة على حمل السلاح
اللي احنا فيه دلوقت ده وضع طارئ مش مقياس ابدا
التاريخ اثبت اننا نسيء استخدام كل شيء .... من اول الكلاكسات وال جي ام والزينون والسارينة .... مرور بالبمب والشماريخ والالعاب النارية.... وصولا بالاسلحة الميري وسوء استخدامها من الناس المسئولين .... مابالك بقى بعامة الشعب اللي اكتر من نصفه امي ..... الله يرحمك يا امي :angelme:

---

+1 شكرا

لو عنده ممتلكات تستوجب ترخيص سلاح حى للامان ..... يبقى اه ( شركات الصرافه مثلا)
لكن لو علشان يحمى عربيته و الكلام الفاضى اللى بسمعه اليومين دول ....... يبقى لا
واعتقد كمان ان المفروض ان الترخيص يطلع بشروط معينه زى مثلا
1-سنه لا يقل عن 40 سنه
2- ذو مركز احتماعى مرموق
3- على قدر عالى من الثقافه والتعليم
4- و طبعا الاهم من كل ده يكون عنده حاجه فعلا تستاهل الحمايه زى م قولت فوق
( مع احترامى الشديد لاوجه نظر الاخرين اذا كان فى حد مختلف معايا فى الكلام اللى قلته :) )

اقتباس:

---

المشاركة الأصلية كتبت بواسطة hosar

انا مع حمل السلاح و تشديد العقوبة على استخدامة الخاطئ

---

صح كده
اولا وضع قانون صارم تشدد فيه العقوبات لحد الاعدام وذلك للاستخدام الخطاء
عدم السماح للترخيص لكل المسجلين جنائيا وسحب الترخيص من الذي يعاقب جنائيا باي جريمه
غير كده الي عاوز يرخص يرخص بس يبقي عارف ايه الي هيحصله لو استخدمه غلط

اقتباس:

---

المشاركة الأصلية كتبت بواسطة dode2002

صح كده
اولا وضع قانون صارم تشدد فيه العقوبات لحد الاعدام وذلك للاستخدام الخطاء
عدم السماح للترخيص لكل المسجلين جنائيا وسحب الترخيص من الذي يعاقب جنائيا باي جريمه
غير كده الي عاوز يرخص يرخص بس يبقي عارف ايه الي هيحصله لو استخدمه غلط

---

التاريخ اثبت اننا عندنا قوانين كتيييييير
لكن معندناش حد ينفذه
ولما بيتنفذ بيتنفذ على حسب الاهواء والمزاج
لما الكلام ده يبقى على المرور والامور المدنية .... بتبقى مشكلة
لو بقى الكلام ده حصل على حملة الاسلحة النارية ....... تبقي مصيبة كبرى
انا اتوقع لو الاقتراح ده اتنفذ ..... ان ضحايا حوادث القتل في الخلافات المرورية حيبقو اكتر من ضحايا حرب اكتوبر المجيدة

طبعا مع حمل السلاح
مع تقنينه ((بنوع بسيط غير آلى &ووضع شروط مثل شرط السن واختبارات طبيه و..و..))+تشديد العقوبة فى حالة الاستخدام الخاطئ

واعتقد ان وجود السلاح مع --الكويس والوحش --
هيخلى الوحش يعمل حساب للكويس
معلشي للاسلوب انا تعمدت البساطة لتوصيل الفكرة
وبمعنى آخر وجود السلاح مع الكل ممكن يحقق فكرة الردع للحرامى والبلطجى

لألألألألألألألألألألألأل ألألألألألألألألألألألألأ لألألأ
دي هاتبقى غابة

ضد طبعا و فى وسائل حماية كتيييير بديلة امال الشرطة و الجيش و شركات الامن و مسدسات الصوت و الرش و غيرهم فايدتهم ايه

ممكن حقك لإقتناء السلاح و ليس حمله ...

يعنى يفضل فى بيتك للدفاع عن نفسك فى ممتلكاتك

أسف عشان مقدرتش أرد على كل الناس لكن متابع ردودكم كلها
و بجد نقاش جميل جدا و غايه فى الأحترام بين الأعضاء




و موضوع حمل السلاح للناس إلى عندها ممتلكات تخاف عليها ماهو ده الموجود حاليا لأنه بيدفع رشاوى و بياخده و المصايب كلها بتحصل من كده لأن العمليه بقيت كوسه و ممكن كمان أبن الباشا يبقى معاه مسدس و حفيد الباشا زى فيلم كريم عبد العزيز و منه شلبى ده

و بالنسبه لموضوع يفضل فى البيت طيب ماهو لو واحد عمل مشكلة مع جيرانه ههههههههههه

اقتباس:

---

المشاركة الأصلية كتبت بواسطة chato_eg

بالنسبة للفيديو
هو إطلاق النار ده كان إيه ؟...صوت و لا حقيقى...
لو حقيقى... مش معقول الناس لسه بتتحرك و تقوم تقف بعد ما تضربت
لو صوت..وقعوا فى الأرض من إيه ؟

إذا كان الفيديو تمثيل...فرسالته طبعا وصلت و معروفة تماما من الأول

---

بص يا باشا دا لو مسدس حى عمره ماهيضرب كمية الطلقات دى
و كمان مفيش شخص متدرب كفايه لأنه يضرب حولين الناس كده بالطريقة دى حتى الشرطة نفسها
يا جماعة دا البيترا لو أتضرب بيه طلقات حيه ورا بعض ممكن الفارغ لو إلى بيضرب مش متدرب عليه كويس تقتله مش هقولك الطلقة نفسها يبقى أستحاله يكون ده مسدس طلقات حيه

بالنسبه للصوت مكانش هيقع خالص

بالنسبه للمسدس الرش ممكن يكون هوا ده و الراجل وقع من الفجعه بس لكن مسدس الرش مش هيعمل حاجة خالص غير أنه يخربش

لو ده مسلسل زى ماحضرتك قولت يبقى بكل وضوح و صراحه
الشرطة عملت مسلسل و من أخراج ممثلين فاشلين زى الممثلين إلى دافعوا عنهم
عشان نقولهم تعالوا و النبى أحمونا و دا أستحاله لأن الشعب قادر يحمى نفسه أكتر من مليون جهاز شرطة
و لو مكانش الشعب أقوى من الشرطة مكانوش هربوا زى الحريم
(يبقى لما جهاز الشرطة يقف أدام مجرم هيعمل أية؟)

لا أعتقد إن الشرطة هى إللى عاملة المسلسل ده...
ببساطة لإن ده بيحصل على طول و فى كل المناطق و فى الظروف المعتادة....
و كده كده أى شرطة تانية مش هتقدر تمنع الجريمة....
أنا شخصيا لم تطرأ فى ذهنى الشرطة....كل إللى كنت متخيله إنها دعوة للحد من انتشار السلاح أو التحلى بالصبر عموما