الموضوع: انتبه !! لا زال الاعلام المصري يمارس علينا الارهاب الفكري

كلامك مظبوط

لازم الناس تعرف ان القنوات دي اساسا فقدت مصداقيتها دة ان كان ليها اساسا مصداقيه و لازم يعرفوا انهم كانوا بيتحركوا بتوجيهات و لسة بيتحركوا بتوجيهات لان ديل الكلب عمرة ما يتعدل و عادة بيحاولوا يوصلوا افكار معنيه غاليا بيبقي عكسها هو الصحيح

المفروض المشاهد او القاريء يفكر كويس و يبعد عن تأثير القنوات دي و مش كل واحد بيطلع يقول كلام حلو او دكتور استاذ او مش عارف ايه يبقي بيفهم لان بعد 25 يناير اتضح ان الشعب كله بيفهم الحمد لله اكتر منهم و عارف مصلحته اكتر منهم

يا جماعه القنوات دي اخرها قنوات لربات البيوت يشوفوا مسلسلات ممله او برامج طبيخ او فيلم قديم او اعلانات غير كدة مش مفيدة في اي حاجه علي الاطلاق التفكير و اعمال العقل و دراسه كل الجوانب بسلبياتها و ايجابيتها هو الطريق الصح

فى ايادى كتير بتلعب لسة والمشكلة ان اغلب الناس تشوف البرامج دى وبتصدقها

المشاركة الأصلية كتبت بواسطة human12

و ايه المشكله؟؟؟
هو تنبيه لفئة من الناس مازالت بتاخد ثقافتها من تللك البرامج و لا يعملوا البحث و القراءة و التحليل ،
هو ده مش رأيهم؟؟ اللى مش عاجبه يروح يصوت
المشكله انه بيتعدي علي رأيك و بيحاول يخوف الناس من الموافقة علي التعديلات و بيوجه الناس الي ما يفعلوه ، اليس ذلك بالارهاب الفكري ؟؟

المشكله انه بيتعدي علي رأيك و بيحاول يخوف الناس من الموافقة علي التعديلات و بيوجه الناس الي ما يفعلوه ، اليس ذلك بالارهاب الفكري ؟؟


مش فاهم ازى بيعتدى على رايك ..هو حينزل يصوت مكانك مثلا ولا اية

و يعنى اية بيوجة الناس للى بيفعلوة ..دة على اساسا برضو ان اللى بيتفرج من ناقصى الاهلية مثلا و معندهمش عقل يفكرو بية و يعرفو مصالحهم فين

هو الاختلاف فى الراى بقى ارهاب فكرى..اعتقد ان رايك دة هو عين الارهاب الفكرى فى انك تفرض رايك على الاخرين وتتهم بالارهاب الفكرى ..

مافيش حاجة اسمها قناة محادية او برنامج محايد ..دى كلها مصطلحات وهمية ..كل واحد لة راى بيعبر عنة بطريقة
لو مش عجبك راى هذة القناة شوف قناة اخرى او اعمل قناة تعبر عن رايك ..الاخوان المسلمين حيعلمو قناة بالضبط عشان كدة

بالمناسبة انا مع هذة القنوات فى توعية الناس بخطورة الموافقة على هذة التعديلات و الاكتفاء بترقيع هذا الدستورالعقيم الملاء بالتنقضات و المشاكل

المشاركة الأصلية كتبت بواسطة mahmoud saloum

يا جماعة القنوات الخاصة حرة فى اتجاهها دول مش قنوات حكومية علشان نطلب منهم الحياد. كمان موضوع التعديلات مش عايزينه ياخد اكتر من حجمه انا مع التعديلات وانتخاب رئيس للاستقرار و غيرى له رأى مخالف واحترمه وكلانا يرى أن مصلحة مصر فى رأيه وما دمنا كلنا نعمل من أجل الوطن فندعو الله أن يجعل الخير فى قرار الشعب بشأن التعديلات فهو يعلم ونحن لا نعلم

بالضبط كدة يا استاذ محمود و بالرغم من اختلاف معك فى الراى بخصوص الدستور ..لكن طبعا احترم رايك و الفيصل فى النهاية هو صندوق الاستفتاء