العربيه عزمها بيقل لما اغير الزيت

**MarEgypt** · 13-03-2011 11:23 AM

عندى مشكله بدأت الاحظها

باحس أن العربيه عزمها بيقل اول ما اغير الزيت !
انا باستخدم زيت شل هيلكس HELIX X5 الجركن الاصفر = 105 جنيه

بعد حوالى شهر او شهرين احس ان العزم اتحسن شويا

كدا يبقى المفروض الزيت المناسب لزوجته اكبر ولا أقل؟

-------------------------------

حاجه كمان
العربيه فتيس اتوماتيك
اول ما اشغل العربيه واسخن شويا (5 دقايق)
العربيه مش بترضى تنقل على الغيار التالى غير بعد ما امشى بيها حوالى 10 دقايق وتسخن

بس بعد كدا لو ركنت مثلا نص ساعه ورجعت تانى والعربيه لسه سخنه
الغيار بينقل على طول بعد دقيقه او دقيقتين؟

الميكانيكى قال الاتوماتيك كدا - ما ينقلش الغيار غير لما يسخن !!!
انا حاسه انها بتتاخر كتير على ما تنقل ومش مقتنعه بكلامه !
هو صح ولا انا عندى حاجه غلط ؟

مع العلم انى مغيره زيت الفتيس من حوالى شهرين فى اول يناير 2011
وباستخدم زيت Mobil ATF 320

**THE_HERO2005** · 13-03-2011 04:35 PM

طيب اكشف على حساس الفتيس

ولو كدا ممكن تغير الزيت كله بالفلتر يعنى تنزل الكارتيرة كاملة

**Mina-Magdy** · 13-03-2011 06:58 PM

حضرتك فى مصفا فى الفتيس ممكن يطلعها الميكانيكى و ينضفها ويحطها تانى وانا انصحك بالذات فى زيت الفتيس انة يكون موبيل

فى عيب شائع من موديل 80 الى موديل 91 وهو حاجة اسمها العقل فى الفتيس الاوتوماتيك خاصة ومش سهل تلاقية بيتباع لازم تجيبى الفتيس كامل بس جربى الاول تنظيف المصفى يمكن يبقى خير ومفيش حاجة اسمها لما يسخن هو بابور جاز

**MarEgypt** · 14-03-2011 09:50 AM

شكرا على تعاونكم

----------------------------

عندما غيرت زيت الفتيس (موبيل atf 320)
الميكانيكى فك الكرتيره والمصفه (مصفه عباره عن شبكه معدن) ونظفها كويس جدا بالبنزين
وكانت المصفه بتبرق ذى ما تكون جديده وركبها تانى

العقل دا عباره عن ايه ؟
حاجه الكترونى ؟ ولا قطعه ميكانيكيه ؟ ممكن معلومات اكتر ؟ او صوره ليه على النت ان وجد ؟

**Mina-Magdy** · 14-03-2011 05:02 PM

العقل دة شريحة الكترونية غالبيا بيتعملها ريستارت وبتشتغل كويس ولكن لو فيها مشكلة ملهاش علاج ومش بتتاع لوحدها لازم للاسف تجيبى الفتيس كامل وهحاول اجبلك شكلة ازاى بس هو ممكن يكون بحجم هارد ديسك الكمبيوتر

**MarEgypt** · 15-03-2011 09:50 AM

متشكره aramolos

العقل دا مكانه فين ؟ داخل الفتيس ؟

**Mina-Magdy** · 15-03-2011 11:25 AM

انا كان معايا 318 89 كان عبارة عن قطعة لازقة فى الفيس

انا عاوز اقول لحضرتك حاجة باين برضو العربية دية كانت عاملة معاكى مشاكل ابل كدة لية مصرة انك متغيريهاش وتجيبى حاجة تانى دة سوال لانى لما زهقت من البى ام وخصوصا ان الناس فى مصر مش بيفهمو فيها كتير الا فى حالة واحدة بس تخلى البى ام معاكى لو انتى بتحبى تجرى وتقرصى والكلام دة
اى غيرى العربية اما ب 88 او 89 او جيبى حاجة تانى غير البى ام وعايز اقولك ان قطع الغيار الى فى الحرفيين بقت قليلة وبقت الشكل الجديد بس هو الى يجى مقطع من بة الى هية الدبانة من اول 1991