وصلــــــــــــــــــــــ ــــت

**mido777** · 01-06-2007 04:57 PM

اخيرا والحمد لله استلمت عربيتى الألنترا بعد 3 شهور ويوم بالظبط

طبعا انا يادوب ماشى بيها لغاية دلوقتى 100 كيلو تقريبا يعنى لسه مفيش اى تقيم

بس ليا كام سؤال ياريت الأخوه اللى معامهم العربية يقدروا يفيدونى فيهم..

1- بالنسبه لل لوك بتاع الأبواب لما بدور العربيه بعد حوالى 15-20 ثانيه بيقفل لوحده بس المشكله ان لما اجى افتح الأوكره من جوه الباب بيفتح انما من بره بيفضل مغلق

2- حاسس ان العربيه فيها حدفه ناحية الشمال شويه مش عارف ممكن حيظبطوها فى صيانة ال 1000

3- بالنسبة للأنذار كان لما اجى اغلق العربية والزجاج مفتوح كان بيغلقه وبعدين بعد كام مره لما اجى اقفل الأبواب والزجاج مفتوح بيفضل زى ما هو

انما غير كده العربية مشاء الله عليها زى الفل

**PAYOO** · 01-06-2007 05:07 PM

المشاركة الأصلية كتبت بواسطة mido777

اخيرا والحمد لله استلمت عربيتى الألنترا بعد 3 شهور ويوم بالظبط

ألف مبروك عليك

كود:

1- بالنسبه لل لوك بتاع الأبواب لما بدور العربيه بعد حوالى 15-20 ثانيه بيقفل لوحده بس المشكله ان لما اجى افتح الأوكره من جوه الباب بيفتح انما من بره بيفضل مغلق

بالنسبه للـ لوك بتاع الأبواب ده عن طريق جهاز الأنذار لو عاوز تلغي الخاصيه دي يبقى من جهاز الأنذار عن طريق الفني المتخصص في التوكيل أو "عشم نواره" في مصر الجديده
وبالنسبه لفتح الأبواب من الداخل دي خاصيه في أبواب السياره نفسها وماينفعش تتغير

أما الأبواب الخلفيه ممكن تخليها ماتتفتحش من جوه خالص سواء بالـ لوك او منغيره (والخاصيه دي عشان أمان الأطفال) وهاتلاقيها في الباب لما تفتحه وتبص تحت القفل

2

كود:

- حاسس ان العربيه فيها حدفه ناحية الشمال شويه مش عارف ممكن حيظبطوها فى صيانة ال 1000

دي مشكلة ظبط زوايا ومانصحكش أنك تمشي 1000 وهيه مش مظبوطه يا ريت تروح لهم التوكيل او تروح لـ"لدرش"
http://www.nilemotors.net/Forum/viewtopic.php?t=766

كود:

3- بالنسبة للأنذار كان لما اجى اغلق العربية والزجاج مفتوح كان بيغلقه وبعدين بعد كام مره لما اجى اقفل الأبواب والزجاج مفتوح بيفضل زى ما هو

انما غير كده العربية مشاء الله عليها زى الفل

دي مشكلة ماكينات الرفع وبسيطه إن شاء الله ماتقلقش لأن ماكينات الرفع مشكلتها بسيطه وسعرها كمان بسيط وعلى أي حال همه هايغيروهم لو فيهم حاجه

بس عاوز أقولك حاجه لو انت لزقت على الزجاج فاميه أو أي حاجه تثل عائق لمشوار الزجاج ده هايأثر على أداء ماكينات الرفع