انهيار اليابان الدولة العظمى و القوة الاقتصادية الهائلة....

**wawoo** · 13-03-2011 12:53 PM

اليابان تنهار الان ...الملايين من الشعب اليابانى الان بدون مواد غذائية او مياة تصلح للشرب او طاقة .. والتقديرات الاولية بحاولى 10 الاف ضحية نتيجة الزلزال الاول و توابعة المستمرة والتسونامى الهائل الذى ضرب اليابان

بالاضافة الى كل هذا تسربات اشعاية خطيرة بعد انهيار اثنين من المفاعلات الياباية

مش عارف حد شاف الصور على الانترنت او كدة لكن الدمار على ارض الواقع رهيب و هناك كارثة انسانية تحدث حاليا لليابان و هناك المللاين على وشك المجاعة الحقيقية ..

و بالرغم ان عدد قوات الجيش التى دفع بها لنقاذ الناس و التى بلغت 100 الف فرد ..الا انها غير كافية للوصول لكل المناطق المنكوبة

الحمد للة على النعمة اللى احنا فيها و اللى لا تقارن بكارثة بمثل هذا الحجم و ادتت لانهيارالصناعة و التجارة فى اكبر الدول العظمة اقتصاديا الان ...

**Mahmoud Saloum** · 13-03-2011 01:01 PM

ده ذنب اللى اشتروا عربيات تويوتا معيوبة من عندهم.

**SeiffoZ** · 13-03-2011 01:05 PM

أنا أعرف ناس يابانين معرفة وثيقة جدا ...

معرفتى بيهم ... إن اليابان بعد 5 سنين بالضبط ... هتبقى أقوى بكتير جدا من ما قبل الزلزال تانى ...

الناس دى مش بتهدى و مش هتهدى .

**تامر.محمد** · 13-03-2011 01:12 PM

سبحان الله

بس اظنهم ان شاء الله هايرجعوا بسرعة زي ما سيف قال

**الطنطاوي** · 13-03-2011 01:31 PM

مش اليابان اللي تقع

الزلزال اللي حصل في هاييتي كان اقل من ده بكتير ومع ذلك عدد الوفيات تعدة ال 130 الف

معنى ده ان حتى تأثير الكوارث الطبيعية بيفرق من بلد لبلد على حسب تقدمها واستعددها الاولي للكارثة قبل وقعها

وبعدها كيفية ادارة الكوارث والخروج منها

تحية كبيرة لليابان ولشعب اليابان

**wawoo** · 13-03-2011 01:33 PM

المشاركة الأصلية كتبت بواسطة tlrsiap

سبحان الله

بس اظنهم ان شاء الله هايرجعوا بسرعة زي ما سيف قال

ان شاء الله يرجعو ..بس يعتبرو بقى هذة المرة من قدر اللة

لكن المشكلة الان فى الملايين اللى مش حتلاقى تاكل دى..يترى ممكن نساعد ازى ..هما برضو اخوة فى الانسانية
و يترى المصريين هناك اخبارهم اية ..

**MASERATI** · 13-03-2011 01:41 PM

السلام عليكم و رحمة الله و بركاته

لو اليابان بتنهار من الحاجات الصغيرة دى, كانت انهارت بعد الحرب العالمية التانية, دول ناس راكبهم عفاريت مابتهمدش خالص !!!!!

بكره تلاقيهم طالعين من الأزمة دى أقوى من زى قبل و تلاقيهم بيهدوا اليابان و يبنوها تانى من أول و جديد بمبانى جديدة عشان تستحمل زلازل 10 ريختر .

خلينا احنا بس فى الاستفتاء بتاع الدستور و بعد كده انتخابات البرلمان و بعد كده انتخابات الرياسة .

**kogak1987** · 13-03-2011 01:56 PM

شعب محبوب جدا و مخلص و عارف بيعمل ايه انا عن نفسي بحب البابانيين جدا و ان شاء الله يرجعوا احسن من الاول بس انا صعب عليا كمية العربيات اللي كانت عايمة على وش الفتة :| يوووه قصدي المية مش كانوا يفتكرونا ولو بحتى موتسيكل هوندا كده

**wawoo** · 13-03-2011 02:00 PM

وَإِن مَّن قَرْيَةٍ إِلاَّ نَحْنُ مُهْلِكُوهَا قَبْلَ يَوْمِ الْقِيَامَةِ أَوْ مُعَذِّبُوهَا عَذَابًا شَدِيدًا كَانَ ذَلِك فِي الْكِتَابِ مَسْطُورًا ...صدق الله العظيم

اعتبرو يا اولى الابصار ...الصورة مؤلمة
Japan Earthquake and Tsunami Aftermath

سبحان الله العظيم

-

الموضوع: انهيار اليابان الدولة العظمى و القوة الاقتصادية الهائلة....

LinkBack

أدوات الموضوع

عرض

-

-

-

-

-

المواضيع المتشابهه

أن صدق ما قبل فمصر الدولة العظمى ستصيح واقعا فى خلال شهور

جيل جديد من المحركات الاقتصادية.

المقابلة السيراتوية العظمى

الكلمات الدلالية لهذا الموضوع

المفضلات

المفضلات

ضوابط المشاركة