"الوطنى" يدعو أعضاءه للتصويت بـ"نعم" على التعديلات الدستورية

أعلن الدكتور محمد رجب الأمين العام للحزب الوطنى وأمين التنظيم، تأييد الحزب للتعديلات الدستورية الأخيرة، مشيرا إلى أنه أصدر تعليمات وتوجيهات لكافة قيادات الحزب فى جميع المحافظات بضرورة المشاركة فى الاستفتاء على التعديلات الدستورية فى التاسع عشر من مارس الجارى.

وقال"رجب" لـ"اليوم السابع"، إن الحزب دعا الناخبين للمشاركة وتأييد هذه التعديلات لما لها من أهمية فى تحقيق الشرعية الدستورية والانتقال لمرحلة جديدة من العمل الوطنى.


وأضاف الأمين العام للحزب الوطنى، أنه لم ينته حتى الآن من التشكيل الجديد لهيئة مكتب الحزب واختيار الأمناء المساعدين، بعدما تقدمت هيئة مكتب الحزب باستقالتها له قبل 3 أيام.

وكان "رجب" أصدر قرار أمس السبت، بفصل 22 قياديا من الحزب على رأسهم جمال مبارك وحبيب العادلى وأحمد المغربى وأمين أباظة وعدد من رجال الأعمال، بخلاف إعلانه خلو منصب "مبارك" وإقامة مؤتمر استثنائى لاختيار رئيس بديل للحزب.
انا ناقل الخبر ده لأني حاسس انه كوميدي

الإخوان والجماعة السلفية والحزب الوطني هم الجماعات السياسية الوحيدة التي توافق على التعديلات. في رأيكم ماذا يعني هذا؟

المعنى واضح جدا يا د. نضال

اللعبة لعبة مصالح ..... قبل كل شىء

اقتباس:

---

المشاركة الأصلية كتبت بواسطة د.أبونضال

الإخوان والجماعة السلفية والحزب الوطني هم الجماعات السياسية الوحيدة التي توافق على التعديلات. في رأيكم ماذا يعني هذا؟

---

اقرار هذة التعديلات يعنى ببساطة ان الخطوة القادمة ستكون هناك انتخابات برلمانية قبل الانتخبات الرئسية ...و هذا يعنى ببساطة ان التعديلات فى مصلحتهم ...:36_2_49[1]:

اقتباس:

---

المشاركة الأصلية كتبت بواسطة د.أبونضال

الإخوان والجماعة السلفية والحزب الوطني هم الجماعات السياسية الوحيدة التي توافق على التعديلات. في رأيكم ماذا يعني هذا؟

---

طلع السلفيين برة اللعبة لأنه مش ليهم في السياسة زي ما قال الشيخ محمد حسان، بالنسبة للإخوان امبارح عرضوا على باقي الأحزاب الدخول في الانتخابات بالقائمة الموحدة، وأعتقد إن ده مش في مصلحة الإخوان، بالعكس دا في مصلحة الوفد والتجمع والباقين، أما بالنسبة للحزب الوطني فأعتقد إنهم بيحاولوا يظهروا إنهم أصبحوا كويسين وعايزين مصلحة البلد. هذا رأيي

الاخوان كده كده اعلنوا انهم مستهدفين 30 او 40 % على الأكتر من البرلمان , و بالمناسبة , فيه وجوه يسارية بدأت تدعو للتصويت بنعم برده , بغرض التخلص من وجود الجيش في الشارع و تفادي انفلات اعصابه اللي طبعا هايبقى على دماغ الشعب و مش في مصلحة البلد

اقتباس:

---

المشاركة الأصلية كتبت بواسطة د.أبونضال

الإخوان والجماعة السلفية والحزب الوطني هم الجماعات السياسية الوحيدة التي توافق على التعديلات. في رأيكم ماذا يعني هذا؟

---

كلامك فيه ريحة اتهام مش حلوة خالص واسمحلي أقولك إن أنا غيرت فكرتي عنك تماما بعد الكومنت ده
مش معنى إن أنا اوافق أبقى وطني أو ارفض أبقى برادعي

من الناحية الاخرى: البرادعي و الحزب الناصري و الوفد و الجبهة يدعون للرفض و المقاطعة

في مصلحة مين بقى؟؟؟؟

طيب أنا مش فاهم هو ده عيب في الإخوان ولا عيب في الأحزاب اللي ما كانش ليها لازمة في الشارع المصري؟
يعني ده ذنب الإخوان إنهم كانوا منظمين وواقعيين؟!!!!!!!

اقتباس:

---

المشاركة الأصلية كتبت بواسطة dojuar

من الناحية الاخرى: البرادعي و الحزب الناصري و الوفد و الجبهة يدعون للرفض و المقاطعة

في مصلحة مين بقى؟؟؟؟

---

معلش بس عشان اضافتك تبقى كاملة

كل مرشحى الرئاسة المحتملين ...... ضد التعديلات

مش البرادعى بس ...... و كمان ائتلاف شباب الثورة

يعنى احنا كده كده .... عايزين ننتخب رئيس من الموجودين على الساحة ..... بعد ما نوافق على التعديلات

اللى ولا مرشح .... موافق عليها :36_2_49[1]:

حاجة غريبة فعلا

طبعا لازم الوطنى يوافق عليها ... عارفين ليه ؟

لأن الرئيس السابق هو من دعى للتعديلات الدستورية و شكل لجنة لها

و لما تنحى و الجيش مسك البلد حل اللجنة الأولى و شكل لجنة جديدة لعمل التعديلات !!!!

و من الخبر اللى حضرتك نقلته فوق ... أنا زادت شكوكى أكتر و أكتر من سبب إجراء التعديلات و أتمنى دستور جديد

اقتباس:

---

المشاركة الأصلية كتبت بواسطة mailo

كلامك فيه ريحة اتهام مش حلوة خالص واسمحلي أقولك إن أنا غيرت فكرتي عنك تماما بعد الكومنت ده
مش معنى إن أنا اوافق أبقى وطني أو ارفض أبقى برادعي

---

تمام كده
:S_thum1[1]:

وطني يأيد مايأيدش ..............أنا عندي فكري وثابت عليه نعم للتعديلات

الحزب الوطني
انا سمعت الاسم ده قبل كدة :U_thin1[1]:
..
..
يااااااه
والله زمان يا وطنطن

اقتباس:

---

المشاركة الأصلية كتبت بواسطة د.أبونضال

الإخوان والجماعة السلفية والحزب الوطني هم الجماعات السياسية الوحيدة التي توافق على التعديلات. في رأيكم ماذا يعني هذا؟

---

يا أستاذ فيه تعديلات يوم 19 تقول لا تقول نعم..حضرتك حر
لكن سؤالك مستفز لأبعد الحدود..و ملهوش لازمة التهكم على اللي موافقين على التعديلات

يا رفاق ما يصحش نهاجم بعض
احنا قاعدين هنا ندردش و نستفيد و محادثاتنا مش هايتنج عنها تغير ميزان القوى في مصر مثلا

الحزب الوطني بيقول نعم

يعني بتوع الحزب الوطنى عارفين أنهم لما يدعوا الناس لقول نعم ،فالناس هتقول لأ ومن ثم يستفيد
بتأجيل الإنتخابات حتى يمكنه تنظيم صفوفه

لذا أدعوا كل الناس بقول ( نـعـم )

أنا مش موافق على التعديلات
أريد صياغه دستور جديد
بالبلدى كده ليه أرقع هدومى ونا فى أمكانى أفصل هدوم جديده

بصراحة بغض النظر عن مين يدعو ومين لا يدعو التعديلات هى اسلم طريق لتغيير الدستور يبقى اقول نعم وتيجيى حكومة منتخبة تعمل الدستور ويطرح للاستفتاء الشعبى ده احسن حل
بدل ما كل شوية مظاهرات فئوية والحكومة الموجودة لها مسمى واضح مع احترامى لكل أعضائها حكومة تسيير أعمال، يعنى لما تيجى حكومة منتخبة تقدر تاخد قرارات جريئة ومش كل حد تطلع فى دماغه حاجة يعمل مظاهرة والدنيا تهدى والامور تمشى بشكل كويس

اقتباس:

---

المشاركة الأصلية كتبت بواسطة fepsceasar

بصراحة بغض النظر عن مين يدعو ومين لا يدعو التعديلات هى اسلم طريق لتغيير الدستور يبقى اقول نعم وتيجيى حكومة منتخبة تعمل الدستور ويطرح للاستفتاء الشعبى ده احسن حل
بدل ما كل شوية مظاهرات فئوية والحكومة الموجودة لها مسمى واضح مع احترامى لكل أعضائها حكومة تسيير أعمال، يعنى لما تيجى حكومة منتخبة تقدر تاخد قرارات جريئة ومش كل حد تطلع فى دماغه حاجة يعمل مظاهرة والدنيا تهدى والامور تمشى بشكل كويس

---

:S_thum1[1]::S_thum1[1]:

اقتباس:

---

المشاركة الأصلية كتبت بواسطة fepsceasar

الحزب الوطني بيقول نعم

يعني بتوع الحزب الوطنى عارفين أنهم لما يدعوا الناس لقول نعم ،فالناس هتقول لأ ومن ثم يستفيد
بتأجيل الإنتخابات حتى يمكنه تنظيم صفوفه

لذا أدعوا كل الناس بقول ( نـعـم )

---

:S_thum1[1]: بالظبط الثورة حاليا في أفضل وأقوى حالاتها والوطني في أسوأ حالاته بمعنى لن ينتخبه أحد لو أحتفظ بحزبه وبنفس المسمى
مع تطويل الفترة فالوقت هايبقى في صالحه لأنضمامه من الباطن مع أحزاب وقوى سياسية أخرى ولو من المعارضة أو أنشاء أحزاب بمسميات جديدة ويكون أعضاء من الوطني المحركين الرئيسيين لها

اغبى تصريح كعادة الحزب الوطني
ضرب الموصوتين بنعم في مقتل ههههههههه
علشان لما نقولكم افهموا وجهة نظرنا وان تعديلات سريعة هتجيب الحزب الوطني بالاغلبية تصدقونا
ده حتى الاخوان مفيش خوف منهم لانهم مستهدفين 30% لكن طبعا الحزب الوطني هيقش الباقي يعني الاغلبية واعضاءه يعملوا دستور جديد على مزاجهم طبعا لان ساعتها الشباب خرج برة اللعبة ويمكن يعملوا عفو عام يشمل احمد عز وحبيب العادلي وطبعا جمال او زكريا عزمي هيبقى رئيس الحزب
كده وضحت الصورة
وضاعت الثورة بقولة "نعم"

يا سيدى ولا ضاعت ولا حاجة هم دلوقتى فى أضعف وضع ليهم
دبه دعوة تهدف إلى عكس ما تدعو اليه
هم عايزين الناس تقول لا على ما يرتبوا نفسهم
وبعدين انتوا مفكرين الحزب الوطنى دول ناس ليهم ايدولوجية معينة أو مبادئ بيتجمعوا عليها دول ما تطرح ما ترسى بيدقولها
التصريح ده هدفه البلبلة واللخبطة وضرب كل اللى عايز يقول نعم وخلاص

سأصوت ب لا لا لا

أتعجب ممن هاجموني وغيروا فكرتهم عني واتهموني بأنني أتهكم....
عندما قرأت تعليقي مرة ثانية لم أجد فيه غرابة، أنا لاحظت شيئا وسألتكم رأيكم في ملاحظتي، ويمكنني إعادة الملاحظة بصيغة أخرى، القوى الوحيدة التي لها وجود في الشارع هي الوحيدة التي توافق على التعديلات، فما رأيكم وما معنى ذلك؟
عن نفسي أرى أنهم محقون في الموافقة، فهم وحدهم سيكسبون كثيرا من الإسراع في الانتخابات

اقتباس:

---

المشاركة الأصلية كتبت بواسطة د.أبونضال

أتعجب ممن هاجموني وغيروا فكرتهم عني واتهموني بأنني أتهكم....
عندما قرأت تعليقي مرة ثانية لم أجد فيه غرابة، أنا لاحظت شيئا وسألتكم رأيكم في ملاحظتي، ويمكنني إعادة الملاحظة بصيغة أخرى، القوى الوحيدة التي لها وجود في الشارع هي الوحيدة التي توافق على التعديلات، فما رأيكم وما معنى ذلك؟
عن نفسي أرى أنهم محقون في الموافقة، فهم وحدهم سيكسبون كثيرا من الإسراع في الانتخابات

---

و الله يا د.ابو نضال انا استغربت من اللى بيقول انك بتتهكم لانك ببساطة بتتطرح ملاحظة عن اتجاه التيارات القديمة للموافقة على التعديلات و التفكير فيما مغزى هذا و ما تقوله هو روح الديموقراطية لابد ان افكر فى كل فعل ينتج من كل قوى و احلله
و لم الاحظ ان حضرتك ذكرت اى احد من الاعضاء الموافقين على التعديلات بالسوء
تبقى مشكلة المصريين الاختلاف فى الرأى يعنى انك تتهكم و لابد انك تكون متفق مع ما اراه حتى تكون صديقى
فى الاخير اعتقادى والله اعلم اتفقت التيارات القديمة على التعديلات حتى تستبعد القوى الشبابية الجديدة التى ظهرت فى ثورة 25 يناير

يبدو أنى سأصوت ب "لا" لمجرد كراهيتى ل "نعم" اللى مشينا عليها لما شاء الله
---------------
سؤال: لماذا حتى الآن يوجد ما يسمى الحزب الوطنى؟؟؟؟؟؟
كان لابد من هدمه قبل مباحث أمن الدولة!!!! كيف فلت؟؟؟؟؟

اقتباس:

---

المشاركة الأصلية كتبت بواسطة dr ahmed

يبدو أنى سأصوت ب "لا" لمجرد كراهيتى ل "نعم" اللى مشينا عليها لما شاء الله
---------------
سؤال: لماذا حتى الآن يوجد ما يسمى الحزب الوطنى؟؟؟؟؟؟
كان لابد من هدمه قبل مباحث أمن الدولة!!!! كيف فلت؟؟؟؟؟

---

نشنت و نيشانك رشق يا دكتور

اقتباس:

---

المشاركة الأصلية كتبت بواسطة ahmedjumpo

و الله يا د.ابو نضال انا استغربت من اللى بيقول انك بتتهكم لانك ببساطة بتتطرح ملاحظة عن اتجاه التيارات القديمة للموافقة على التعديلات و التفكير فيما مغزى هذا و ما تقوله هو روح الديموقراطية لابد ان افكر فى كل فعل ينتج من كل قوى و احلله
و لم الاحظ ان حضرتك ذكرت اى احد من الاعضاء الموافقين على التعديلات بالسوء
تبقى مشكلة المصريين الاختلاف فى الرأى يعنى انك تتهكم و لابد انك تكون متفق مع ما اراه حتى تكون صديقى
فى الاخير اعتقادى والله اعلم اتفقت التيارات القديمة على التعديلات حتى تستبعد القوى الشبابية الجديدة التى ظهرت فى ثورة 25 يناير

---

أشكرك وأتفق معك
أعتقد والله أعلم أن كل من وافق على التعديلات يعتقد في داخله أنه سينجح في اكتساح الانتخابات وصياغة دستور على هواه... لكن هل هم محقون؟

اقتباس:

---

المشاركة الأصلية كتبت بواسطة د.أبونضال

أشكرك وأتفق معك
أعتقد والله أعلم أن كل من وافق على التعديلات يعتقد في داخله أنه سينجح في اكتساح الانتخابات وصياغة دستور على هواه... لكن هل هم محقون؟

---

الشعب هو اللي يقرر..محدش هيكسب في الانتخابات غصب عن الشعب
يختار إخوان.. يختار البرادعي..هو حر

اقتباس:

---

المشاركة الأصلية كتبت بواسطة SkyBird

اغبى تصريح كعادة الحزب الوطني
ضرب الموصوتين بنعم في مقتل ههههههههه
علشان لما نقولكم افهموا وجهة نظرنا وان تعديلات سريعة هتجيب الحزب الوطني بالاغلبية تصدقونا
ده حتى الاخوان مفيش خوف منهم لانهم مستهدفين 30% لكن طبعا الحزب الوطني هيقش الباقي يعني الاغلبية واعضاءه يعملوا دستور جديد على مزاجهم طبعا لان ساعتها الشباب خرج برة اللعبة ويمكن يعملوا عفو عام يشمل احمد عز وحبيب العادلي وطبعا جمال او زكريا عزمي هيبقى رئيس الحزب
كده وضحت الصورة
وضاعت الثورة بقولة "نعم"

---

:S_thum1[1]: و الحرامية يبرطعوا براحتهم و احنا نقولهم نعم كمان

اقتباس:

---

المشاركة الأصلية كتبت بواسطة Moh.Abdelbaset

الشعب هو اللي يقرر..محدش هيكسب في الانتخابات غصب عن الشعب
يختار إخوان.. يختار البرادعي..هو حر

---

:S_thum1[1]:

اقتباس:

---

المشاركة الأصلية كتبت بواسطة moh.abdelbaset

الشعب هو اللي يقرر..محدش هيكسب في الانتخابات غصب عن الشعب
يختار إخوان.. يختار البرادعي..هو حر

---

تضمن ده يحصل ؟؟؟؟؟؟؟