كومبريسور الهواء فى سيارات النقل

**ahmed_eng2001** · 13-03-2011 02:07 PM

السلام عليكم

فيه حد عنده معلومات عن كومبريسور الهواء الموجود فى عربيات النقل ؟

انا بسأل عن المواصفات الفنية و الانواع و الاسعار
و شكرا

**hondaman** · 13-03-2011 02:13 PM

انزل الباحثة فى شبرا مصر شارع الجسر من ناحية بيبو هناك تجار قطع غيار النقل التقيل
بس انت عايزة لية

**ahmed_eng2001** · 13-03-2011 02:30 PM

انا قرات عن فكرة واحد عملها فى عربيته بأنه شغل كومبريسور التكييف و كأنه كومبريسور هواء , فكرة عجبتنى و عاوز اعملها , انا حسأل على كومبريسور الهواء بتاع عربيات النقل الاول و لو لقيته غالى او مش حينفع , يبقى احط كومبريسور التكييف

**MOUSTAFA_SAAD** · 13-03-2011 03:25 PM

طبعا بتاع النقل مش حينفع لان حجمه كبير ده غير ان تمنه غالى لان ده اللى بيشغل منظومة الفرامل كلها

**ahmed_eng2001** · 13-03-2011 03:41 PM

المشاركة الأصلية كتبت بواسطة moustafa_saad

طبعا بتاع النقل مش حينفع لان حجمه كبير ده غير ان تمنه غالى لان ده اللى بيشغل منظومة الفرامل كلها

الحجم مش مشكلة ... انا عندى الحوض واسع و ممكن يساعه , تعرف حضرتك سعره يكون فى حدود كام ؟؟

**MOUSTAFA_SAAD** · 13-03-2011 03:45 PM

ياباشا فيه انواع كتير منه على حسب العربيه
انا كنت زمان فى السوق بشترى الحاجات دية لعربيات الشركه عندنا وكنت عارف اسعار قطع الغيار لكن دلؤتى معنديش فكره بصراحه
بس اتاكد الاول ينفع يركب ولا لا

**ahmed_eng2001** · 13-03-2011 04:09 PM

انا حروح اتاكد تانى من عربيتى و ارجع اقول لحضرتك ان شاء الله

**ahmed_eng2001** · 14-03-2011 10:02 AM

الحوض عندى واسع , بس حيحتاج يتعمل قاعدة للكومبريسور

**M!NA** · 15-03-2011 01:45 AM

فكرة جميلة جدا... بس المهم اللي يعملهالك ميكونش كفتجي....

بص يا سيدي... أنتا هتنزل شارع الجسر.... هتلاقي قطع غيار بتاعت نقل كتيييييييييير.... سكانيا... مان... مرسيدس.... كله...

سيبك من كل الماركات ديه....

تجيب راس كومبريسور بتاعت عربية نصر....
أيوا نصر... بس مش أي موديل.... قوللو عايز الموديل اللي من غير دورة زيت.... oil-less compressor
و دا مش موجود غير في النصر بس.... (دا اللي أسعاره في المتناول)

بعدين تجيب خزان هواء بتاع مرسيدس (قوللو خزان المجموعة الخامسة) هتلاقي حجمه متوسط و معقول...

بعد كدا تطلع على الحجار في السبتية.... و تجيب منه الوصلات....
سيفتي فالف (او زي ما بيقولوها سيكس بلف)
و خراطيم حسب مكان تركيب الكومبريسور....

بعدين تطلع عالحداد... يعمللك قاعدة... و يجيبلك طمبورة دوبل عشان تاخد حركة من الموتور عن طريق سير....

اعكس الخطوات السابقة بأة.... و اطلع عالحداد اللي هينفذ أولا.... عشان على كلامه هتبني كل اللي فات....

لو عايز حداد أستاذ و دكتور... قول لي...