عايز الصق مرآة الصالون مطلعه عينى

**egman** · 13-03-2011 02:13 PM

السلام عليكم ورحمة الله وبركاته

انا عندى فى البربريز شرخ بسيط عند مراة الصالون وكل ما اروح اغسل العربية غالبا كده بتدخل ميه وتفك لزق المراية قولى لى اتصرف ازاى اجيب لزق اية واعمل اية والزقها باية وازاى ؟
تانى حاجة مين احسن محل زجاج ممكن اغير عنده البربريز يكون فى نظاق القاهرة طبعا اى مكان جسر السويس مدينة نصر مصر الجديدة وممكن التلكفة تكون كام ؟
وهل فية اماكن تركيب لمصانع دكتور جريش موجودة داخل البلد فى المناطق الى ذكرتها او فى مناطق اخرى داخل البلد وهيكون السعر كام ؟
هل كل عربية لازم يكون ليها موديل الزجاج بتاعها ولا ممكن يكون عندهم حاجات استاندرد تنفع لاى حاجة ولا اية ولا كل موديل وله الزجاج بتاعه ؟
بيكون متوافر زجاج بربيز الايبزا موديل 94 ولا اية النظام ؟
اه كمان مرآة الصالون ده هل هى استاندرد بتاع العربية ولا ممكن اى مراية تركب عادى طيب موجود منها جديد ولا استيراد ولو جديد الاقيها فين فى اى محل اكسسوارات ولا عند بتوع الايبيزا ؟ وهل فية مواصفات معينة ليها ؟ وتعمل فى حدود كام فلوس ولزقها بيكون اية ؟

مع خالص شكرى وتقديرى ،،

**windofchange** · 13-03-2011 02:55 PM

طيب متلحم الزجاج عند اي فرع دكتور خالد وقول له علي ان اللزق بيفك واللحام هينهي المشكلة ولا الافضل تغيير البربيز والمراية بتتلزق بلزق علبتين بتخلطهم مع بعض اسمه ab وممكن تجيب ايبوكسي شفاف برضه علبتين يتخلطو مع بعض بس عندي يوم موقعت عملتها ب ab بيتباع عند بتوع الاكسسوار (هو والايبوكسي شفافين) والمراية بتباع استيراد لو جديدة مش هتبقي اصلي ولو اصلي اكيد غالية جدا واعتقد ممكن مرايات مش اصلي تأدي الغرض عموما هي موجودة ان شاء الله استيراد

**aif** · 13-03-2011 03:17 PM

بالنسبة للأماكن
عندنا في العباسية في عبده باشا فيه 2 بتوع زجاج واحد في شارع العباسية عند الحفر بتاع محطة عبده باشا بتاعت المترو
والتاني قريب منه في الشارع الموازي ( شارع السرجاني ) ... امام مكتب يريد العباسية قرب مسجد ناصر الحق
واعتقد بيبقى فيه مقاس الابيزا من الانواع الموجودة في السوق
دكتور جريش وامام وسيكوريت
لكن لازم تفاصل كويس في السعر وتسأل اكتر من واحد وانصحك تجيب الزجاج دوبلكس مش تريبلكس
شوف الموضوع ده كدة ممكن يكون مفيد لأختيار نوع الزجاج اللي تشتريه

http://www.nilemotors.net/Nile/133716-a.html

**egman** · 13-03-2011 08:19 PM

ا / windsofchange

تحياتى لحضرك ومتشكر جدا لإهتمامك وليا عندك كام سوال :

للزق ده انت ممكن تعمله بنفسك عادى يعنى اشترى اللزق وانا الزقها ؟
طيب دلوقتى انا عندى مكان المراية الجزء المخصص فى البربريز بوضع المراية مدغدغ تقريبا لكن انا كنت لصقت عليه قبل كده وكان متماسك جدا هل اقوم بلصقها اسفل المنطقة ده مباشرة عاد ولا فى نفس المكان ؟
ممكن تقولى فروع دكتور خالد ده فين بالضبط او لو فية تليفون لاى فرع قريب من حدائق القبة او جسر السويس روكسي مدينة نصر يا ريت تقولى عليه ؟
هل يوجد لديهم تغيير الزجاج ولا هو بس لعلاج الشروخ ويا ترى سعره هيكون كام بربريز العربية ؟
بخصوص المراية هى الى راكبة عندى الاصلى بتاعت العربية وسليمة تماما بس هى لما وقعت كان لازق فيها بقايا مادة اللصق هل ده تطلع عادى وتتساوى ويتحط عليها الجديدة ؟
طيب الايبوكسي او AB بيكون عند مين اكسسورات العربيات ولا محلات الحدايد وبكام سعره ؟

أ / aif

انا متشكر جدا جدا على المعلومة الى فى موضوع حضرتك قد اية هى مهمة ومفيدة جدا جدا .
يا ريت تقولى هل دكتور جريش وامام وسيكوريت ده انواع الزجاج المتوافرة فى السوق طيب مين احسن من التانى ولو عند حضرتك فكرة عن سعر بتاع الايبيزا ؟

أ / ferrari

شكرا على مداخلتك ويا ريت لو عندك تعامل سابق مع دكتور خالد تقولى عليه او لو تعرف اسعاره يبقى جزاك الله كل الخير ؟

**aif** · 13-03-2011 08:30 PM

المشاركة الأصلية كتبت بواسطة egman

أ / aif

انا متشكر جدا جدا على المعلومة الى فى موضوع حضرتك قد اية هى مهمة ومفيدة جدا جدا .
يا ريت تقولى هل دكتور جريش وامام وسيكوريت ده انواع الزجاج المتوافرة فى السوق طيب مين احسن من التانى ولو عند حضرتك فكرة عن سعر بتاع الايبيزا ؟

انا آسف للغلطة الكيبوردية
النوع التاني اسمه امان مش امام
واعتقد انه من نفس شركة سيكوريت
المنتشر جدا حاليا وبيعمل زجاج المصانع اللي بتجمع سيارات في مصر هو دكتور جريش
السعر مش ح اقدر افيدك فيه

**ehab_mansour** · 14-03-2011 07:54 AM

لو الزجاج متبهدل قوي ومش هينفع تصليح الشروخ اللي فيه
يبقي عليك وعلي مصانع دكتور جريش في العاشر وانا عارف انك مستكتر المشوار من القاهرة للعاشر ولكن المميزات هناك كتيييييير
1- السعر (سعر المصنع) وتقريبا كان ب 270 جنيه
2- مصنعية التركيب
لأن عندهم حرفية عالية في تركيب زجاج السيارات عشان اهم شيء المصنعية عشان لما تركب يبقي المنظر العام والتثبيت زي الفبريقة

لكن بخصوص الاصلاح فأنا عندي اكثر من نقرة في الزجاج وكمان فيه شرخ في نفس المنطقة (خلف المراية) وصلحته بقاله كتييييير دخل علي سنة و زي الفل
وبخصوص عملية لصق المراية فأهم شيء هو تنظيف مكان التثبيت جيدا في المراية وعلي الزجاج ولما تضع مادة اللصق بينهم خليها طبيقة بسيطة وحاول تضغط جامد للتثبيت وتفريغ الهواء في منطقة اللصق وحتي تملأ مادة اللصق كل المنطقة لأن ده اهم شيء لنجاح اللصق وعدم سقوط المراية مرة أخري
والله الموفق

**OmaR_FekrY** · 14-03-2011 01:58 PM

المشاركة الأصلية كتبت بواسطة egman

أ / ferrari

شكرا على مداخلتك ويا ريت لو عندك تعامل سابق مع دكتور خالد تقولى عليه او لو تعرف اسعاره يبقى جزاك الله كل الخير ؟

يا باشا لا شكر على واجب
اه فعلا كنت اتعاملت معاه قبل كده مره كان برابريز العربيه وانا على الطريق خبطت فيه طوبه واتشرخ ف وديتهاله و حقنها ومن ساعتها لا الشرخ رجع تانى ولا اساسا باين مكانه
الناس هناك فاهمه وعارفه هى بتعمل ايه كويس

هو اللى انا اعرفه ان له فرعين واحد فى ميدان لاظوغلى عن وزاره الداخليه
والتانى فى شارع الهرم على ناصيه شارع فاطمه رشدى .... هتلاقى على ناصيه الشارع توينكى بس اللى وانت رايح ميدان الجيزه علشان فى 2 فى شارع الهرم

-

-

الموضوع: عايز الصق مرآة الصالون مطلعه عينى

LinkBack

أدوات الموضوع

عرض

-

-

-

-

-

المواضيع المتشابهه

كيف أثبت مرآة الصالون في الزجاج الأمامي؟

مشكلة فى القراءة من على الكمبيوتر عينى بتوجعنى؟؟؟ عايز حل

معايا اكسيل 95 مطلعه عينى

شوفو الدلع بتاع المرسيدس .......يا عينى يا عينى

العربيه فى الجو البرد مشكله مطلعه عينى

الكلمات الدلالية لهذا الموضوع

المفضلات

المفضلات

ضوابط المشاركة