عايز اعمل صيانة ال ١٠,٠٠٠ بس خايف من موضوع سرقة العربيات دا

**A.Saad** · 13-03-2011 10:57 PM

روكسى ابعد عنه
ممكن تروح تكنو وان او ابو رواش
خد الدائرى لنزلة المحور او المحور من وسط البلد وانزل نزلة الصحراوى وهتلاقى بنزينة موبيل يمين ادخل من جنبها واعمل يوترن شمال عند اعلان بتاع شركة النصر فى اول يمين
كمل هتلاقيه يمين بعد بنزينة كالتكس

**moha4tec** · 14-03-2011 12:25 AM

المشاركة الأصلية كتبت بواسطة ahmed_201091

شادى باشا الاول ازيك و معلش سامحنى فى انى معرفتش اصورلك الفاميه عشان الشرطة العسكرية شالتوا

ازااااااااااااااااااااااا ااااااى شالوا الفاميه من عندك
انا مش مصدق
طب احلف كده
حوار الوكيل دا فعلا ينفع حتى لو وكيل عادى و صيانة 10000 تقريبا 550 جنيه
انا لسه عامل الصيانة يوم الخميس فى تكنو وان و كانت 405 من غير الخصم
انا روحت الحرفين عشان والدى مرضاش يخلينى اروح ابو رواش الصراحة
راى ان لو عربيتك مفهاش مشاكل ممكن تروح اى مركز كويس زى تكنو او امير و جوزيف
بس ان شاء الله مفيش مشاكل فى اى مكان انت جامد قلبك بس دا انا كل يوم على الطريق و الحمد لله مفيش حاجة

**moha4tec** · 14-03-2011 12:28 AM

المشاركة الأصلية كتبت بواسطة shod90

السلام عليكم ورحمة الله وبركات ...كنت بفكر اعمل موضوع الصيانة دا ﻷن العربية عاملة ٩٩٠٠ كيلو تقريبا بس الفكرة ان تقريبا كل مراكز الصيانة فى حتت مش وﻻ بود .. يعنى الحرفيين او عند الدائرى او فى المعادى و كل المناطق دى انا سمعت ان فيها قلق و فى عمليات بلطجة و سرقة سيارات باﻹكراه و الكلام دا .. و مش عايز ازود عن ال ١٠,٠٠٠ يعنى عشان ميضرش العربية سواء تغير زيت او اى حاجة يعنى .. طبعا الموضوع كلة قدر وﻻكن اﻻحطياط واجب .. افيدونى اروح انهو مركز صيانة او توكيل ( على حسب كلام الناس انة بقى ينفع اعمل صيانة هناك بالرغم ان العربية خليجى) يكون كويس و يكون مفيهوش قلق .. و شكرا جدا مقدماً

مبروك مقدما على الصيانه
و على فكره الشرطه نزلت باعداد كتتتتتييييييير اوى و الدنيا حلوه الحمد لله
و شفت صول فى الشرطه منزل مسجون من البوكس بتاع الشرطه مدخله القسم و بيعامله زى ابنه تقريبا و مكنش ملبسه كلابشات اصلا
و الحمد لله الدائرى عادى و المعادى عادى و الامور تمام
و السلام ختام