عرض للطباعة
يعنى ايه العربية جابت وش سلندر ؟؟؟
النهاردة وانا مسافرة فجأة العربية بطلت ومرضيتش تدور نزلت لاقيت الميا اللى فى الراديتير كلها اتبخرت ولما جيت اقيس الزيت لاقيت الزيت مبيض واعلى من مستواه شوية
زودت ميا وفضلت احاول ادور لحد مادارت اضطريت اجيب ازايز ميا كتير وفضلت ازودها طول الطريق وكل مااقف تفصل لحد مارحت للميكانيكى وقالى سيبيها هحل وش السلندر واشوفه
وكمان الشكمان لاقيته بيطلع دخان لونه ابيض
مع العلم ان الدخان ده مكنش موجود قبل كده مش عارفة ايه اللى حصل وفيه واحد قالى شكلها جابت وش سلندر !!!!
مع كل أسف
الميه نزلت من الرادياتير والموتور سخن لغاية أما وش السيلندر قفع وخلط ميه مع الزيت وحرق ميه
وده كان سبب خروج دخنة بيضا من الشكمان .. بخار ماء
ودخول المية مع الزيت خلا الزيت بقي شبه الطحينة
لازم وانت سايقة تبقي واخدة بالك من مؤشر الحرارة جداا
انا دايما بخلى بالى من مؤشر الحرارة والغريب ان المؤشر معليش فعلا
طيب هو وش السلندر ده الحل فيه ايه والتكلفة تكون كام
ماعليش ومفيش نقطة مية في العربية ؟
ده وقته يبوظ !
معلش بقي ماتزعليش
لو هينفع يتخرط ويظبطه .. وده صعبه .. ممكن تبقي بسيطة
أو وده أحتمالها كبير .. عمرة موتور
أسعار مش عارف الحقيقة
بس شوفيه هيعمل أيه الأول وأسألي هنا
عالعموم الحمد لله على كل حال وان شاء الله خير
هو ممكن تقولى نوع عربية حضرتك اية وعموما
جوان وش السلندر مش غالى يعنى ممكن الموضوع كلة ميعديش 100 جنية بمصنعية الميكانيكى وممكن اقل ولكن بدون
انك هتجيبى جركن زيت بحوالى 110
وكمان مياة ردياتر انصحك بالمياة الى بتتباع فى موبيل ب 58 جنية وبلاش مياة الحنافية بليز
وكمان ياريت تكشفى هل الردياتير فى تسريب مياة ولا سليم او بمعنى اخر اكشفى على دورة المياة كاملا
والحمد للة على كدة اكيد الفلوس دى فداكى
بصراحة عامةً .. كل النصائح غطت الموضوع .. لأي أخ هنا حاول مساعدتك .. بجد تسلم أيديهم غطوا كل الموضوع ... و للأسف فعلاً هوا كده يبقى وش سايندر ... بس سيبي الميكانيكي يشوفلك يمكن يكون جوان مش أكتر ... مع أني أشك !! :coolio:
بس ممكن يكون ....
:S_thum1[1]:اقتباس:
المشاركة الأصلية كتبت بواسطة aramolos
نصايح روعة .. بس السعر قليل أووي :))))
100 جنيه قليلة على شراء وش سليندر و مصتعية تركيبه كمان :)
هو بالنسبه ليه لا وجد اضافه علي ما اكده اخواتي الكرام سوي في ملاحظه واحده
انتي ليه كملتي بالعربيه والوضع كده طبعا هو دا اكبر غلط كان المفروض تركني فورا والعربيه تتقطر
يله الحمد لله علي كل شيء وانشاء الله الامور كون ابسط من التوقع واللنسر تبقي جدعه وحمال اسيه
الحمد لله طلع جوان
جبته ب 40 جنيه
والراجل بيحل لقى سير الدينامو قرب يتقطع فغيرته جبته ب 30 جنيه تقريبا
والراجل نفسه خد 100 جنيه شغل بس بصراحة حسيته بيستهبلنى بس عديتها
النهارده ان شاء الله هغير الزيت ادى 120 جنيه كمان
وقالى انضف دورة التبريد وبالمرة هخلى الراجل يكشفلى على الرادياتير وانا قاعدة والميكانيكى قالى متحطيش ميا خضرا لان عربيتى فيها املاح كتير ولو حطيت ميا خضرا كل شوية حاجة هتضرب وقالى استخدمى ميا عادية
وهروح اغير ساعة الزيت لان الحرارة معليتش فى العداد لما العربية سخنت
وبعدين اروح اولع فى نفسى بالمرة:36_2_49[1]: :first:
الحمد لله انها جت على قد كده
عربيتى لانسر 99 على فكرة عشان العضو اللى سألنى
وميرسى بجد على نصايحكو
ومن الحاجات اللى عرفتها ان لو كان وش سلندر العربية متدورش اساسا انما لو جوان العربية تنقص ميا بشكل ملحوظ جدا وتطلع دخان ابيض من الشكمان بس العربية تدور
الحمد لله انها جت سليمة .. و الحمد لهل برده ان ظني طلع في محله .. :) طلعت بفهم اهو !! :))
ههههههههههههه طبعا وميرسى ليكوا كلكوااقتباس:
المشاركة الأصلية كتبت بواسطة smsm_nabawy
الحمد لله انها جت على كده
الحركة دى حصلتلى مرتين واخرهم يوم الجمعة اللى فات وبنصح اى حد يلاخظ دخان طالع من الكبوت او صوت كركبة وكده يبطل العربية على طول لان فى حالات كتير فعلا المؤشر مش بيعلى والمية كلها بتروح بس طبعا مع التبطيل السريع مش بيبوظ الماتور او الوش ولا حتى الجوان
يعنى انا مثلا يوم الجمعة خرطوم الماية اللى بيوصل الماية من القربة للريداتير اتقطع وطلع دخان كتير جدا من الكبوت "بخار ماية" اول حاجة بطلت العربية -والمؤشر بتاع الحرارة كان قبل النص- وزهقتها على جنب وربطت الخرطوم بعد ما اكتشفت العيب بشريط لحام مؤقتا وغيرت الخرطوم والموضوع خلص والعربية تمام لكن لو كنت استمريت او بتها مدورة كانت الوش باظ او جاب جوان
والحمد لله على كل شىء