تحياتى ........... خلى بال حضرتك ان الفيوزات موزعه على مكانين الأول في علبه الفيوزات اللى تحت غطاء الموتور واكيد عارفها والتانيه على يسار التابلوه من جهه السائق هتلاقى زى مقبض غاطس ووراه الفيوزات التانيه شوف وانا معاك .
عرض للطباعة
السلام عليكم
الحمد لله تم قراءة 108 صفحه من 2011 حتى 2016
تاريخ حافل ملئ بالنجوم ذوى الخبره الكبيره
انا حاليا بخلص فى شراء هذه السياره ودفعت جزء وبانتظار باقى الورق ﻹتمام البيع وبصراحه فى تردد ﻷنى لسه مطلعتش رخصة قياده (متستغربوش)وخبرتى تتلخص فى ال108 صفحه دول فقط
العربيه 2007 عامله 100 الف كيلو فبريكا بره وجوه عدا رفرف يمين راشش
انا ساكن فى حلمية الزبتون عايز حد قريب منى للتواصل عشان قطع الغيار وأماكن الصيانه خصوصا ان مىكز المتحده المذكور سالفا بعبد جدا عنى
وتحياتى لكل نجوم الموضوع
بالتوفيق فى الشراء و ان شاء الله حد من القاهره يرد عليك
شكرا لذوقك
واتمنى عمل تلخيص لما سبق يتمثل فى المواضيع المختلف فيها:
1-نوع زيت الماتور باﻷفضليه ودرجة اللزوجه واماكن التوفر المتاحه
2-نوع زيت الفتيس وموعد تغييره وتغيير فلتر زيت الفتيس
3-انواع فلتر البنزين وتوافرها
4-العفشه اﻷماميه والخلفيه والبدائل والتعديلات واماكن التوفر واﻷسعار
5-افضل نوع سير كاتينه وشداد والمجموعه كلها
6-القول الفصل فى ترموستات الكوعه شيله تركه تغييره بجالنت وهل متاح ترموستات الجالنت
7-كنترول المراوح افضل نوع وسعر
8-البوجيهات افضل نوع بالترتيب بالسعر والفرق فى عدد الشمعه
9-علبة البيئه والشكمان والحلول المتاحه
10-مشاكل الفيوزات وأماكنها ووظيفتها ومشاكل الكهرباء عامة
أكيد نسيت حاجات والبركه فيكم
ياريت طبعا كل حاجه ملحق بيها اﻷسعار الجديده واماكن التوفر الحاليه وبدائل للأنواع بترتيب اﻷفضليه
ودمتم بهيى حال
فيه كتالوجات كامله جدا للعربيه او للاصلاح فى قسم الكتالوجات فى المنتدى انا كنت وضعتهم هناك
1- ودرجة اللزوجه واماكن التوفر المتاحه
اللزوجه المفضله فى الكتالوج هى 10W30 .. و فيه كمان لزوجه فى الكتالوج 5W40
10W30 بس بشرط انك ما تقرص على الموتور او تحمل عليه .. محدش بيستعمل اللزوجه ال 30 هنا و كله بيستعمل لزوجه 5W40 .. بس طبعا لزوجه ال 30 انعم بكتير جدا فى المشى ( انا باستعمل لزوجه 30 )
حسب كلام الزملاء ان التوكيل بيحط موبيل لزوجه 0W40 ده اعتقد حيكون مشيه ناعم قريب من مشى لزوجه ال 30
نوع زيت الماتور باﻷفضليه
اولا .. تخلى بالك ان حاله الموتور تكون كويسه قبل استعمال الزيوت التصنيعيه ( لو كان صاحبها القديم كان بيستعمل زيوت معدنيه عاديه
الزيوت .. انا استعملت فالفولين انجن ارمر 5W40 و معجبنيش بلاش تستعمله
عندك امسويل 10W30 بس ده غالى جدا لو حتستعمل لزوجه ال 30 ( و حتحتاج منه 5 عبوات موش اربعه لان عبواتهم بالكوارت موش باللتر )
موبيل 0W40 .. اختيار كويس من وجهه نظرى لان لزوجته خفيفه شويه قريبه من ال 30
بترومين A1 لو وجدت لزوجه 10W30 منه .. هى موش موجوده لغايه اخر مره سألتهم ( ما بتنزلش مصر )
شل الترا 5W40 و كاسترول ايدج 5W40
2-نوع زيت الفتيس وموعد تغييره وتغيير فلتر زيت الفتيس
فى الكتالوج مكتوب ديكسرون 3 موبيل 320 .. كل سنتين او 30 الف على ما اتذكر ؟؟
او امسويل OE العادى ( بس لاحظ ان ده زيت مالتى يستخدم كبديل لعده زيوت .. يعنى زيت متعدد الاستخدامات موش لنوعيه زيت واحده )
ملحوظه .. بالصدفه شفت على مقاس زيت الفتيس مكتوب ان الزيت المطلوب هو زيت فتيس ميتسوبيشى الاصلى SP iii ( ده نوع غير المطلوب فى الكتالوج )
3-انواع فلتر البنزين وتوافرها
الفلتر الاصلى لو لقيته وبيكون اغلى من الفلاتر الغير اصليه اللى بتتباع فى التوكيل يعنى كان ثمنه 55 حم و التانى كان ب 35 ( الاتنين بيتباعوا فى التوكيل )
لو لم تجد الاصلى ابو 55 جم يبقى .. فلتر بنزين اوبترا
فيه زملاء قالوا فلتر لانسر بس لم اجده و اللى وجدته كان مختلف عن اللى عندنا
4-العفشه اﻷماميه والخلفيه والبدائل والتعديلات واماكن التوفر واﻷسعار
يفيدك الزميل akm
5-افضل نوع سير كاتينه وشداد والمجموعه كلها
موش حاقدر افيدك لانى لسه ما غيرتش .. بس فيه ماركه تقريبا اسمها جيتس .. ياما تجيب الاصلى و تركبه فى التوكيل بالضمان
التغيير ما يزيدش عن 40 الف كم نهائى و يفضل اقل شويه
6-القول الفصل فى ترموستات الكوعه شيله تركه تغييره بجالنت وهل متاح ترموستات الجالنت
طبعا تخليه راكب .. و لو باظ اشترى الاصلى من التوكيل .. او بتاع جالنت لو موجود و نفس درجات الحراره زى الاصلى
و استعمل ميه حسب الكتالوج بتتغير كل سنتين او ثلاثه و ممكن اكتر من كده ؟؟ موش فاكر
8-البوجيهات افضل نوع بالترتيب بالسعر والفرق فى عدد الشمعه
البوجيهات نحاس و رقمها فى ماركه NGK هو BKR6E-11 .. بس ابحث اكثر و اتأكد بنفسك
على فكره الموضوع هنا حركته بطيئه و صعب انك تلاقى ردود بسرعه على اسئلتك
بالتوفيق
الزميل akm
لى سؤال فى المساعدين
هل مساعدين ال 620 زيت بس .. ام زيت و غاز ..
انا بأسال عن المساعدين الفابريكه الاصلى اللى كانت العربيه نازله بيهم
مع وافر الشكر و التحيه
السلام عليكم
ازيكم يا شباب......هى العربيه عادى تمشي وفرامل اليد مشدوده وﻻ كده هى بايظه....انا لسه بتعلم وبنساها مشدوده وتسلموا جميعا
طبعا اى عربيه ممكن تمشى عليها و فرمله اليد مشدوده لما تدوس بنزين جامد شويه او ان الفرمله تكون مشدوده نصف شده
بس ده حيبوظ فرمله اليد و التيل الخلفى و حمل على الموتور .. يعنى كله خساير
حاول ما تعملشى كده تانى
علشان تعرف فرمله اليد مظبوطه ام لا .. شد فرمله اليد على اخرها جدا ( المفروض تكون 6 او 7 او 8 تكات بالكتير ) .. عشق ال d او r بدون ما تدوس فرامل .. و طبعا بدون ما تدوس بنزين
لو فرمله اليد كويسه و مظبوطه .. المفروض العربيه ما تتحركش من مكانها
بالتوفيق