المشاركة الأصلية كتبت بواسطة faragalla
الف مبروك عليك
الميزه فى العربيه دى ان الموتور متسوبيشى و ده بينهى مشاكل كتير
اما المشاكل اللى هتواجهك
قربة المياه خامتها و حشه جدا و الغطاء بيتغير كل فتره و سن القربه بيتأكل و بتضطر للتغيير انا غيرتها مرتين خلال سنه
المساعدين الخلفى لسا مغيرهم لانهم بيعملو صوت رخم و الاداء كان و حش
عزل السياره ضد الصداء سىء جدا و لانى من الاسكندريه و طول الشتاء مبلبطين فى مياه الامطار فبداء ظهور البرومه
اليوم غيرت رولمان بلى امامى كان بداء يبوظ و ده طبعا من مياه الامطار
عزل الكابينه هيبداء يقل مع الاستعمال و انتا على السرعات العاليه بعد ال 120 هتحس بصوت بالهواء من الابواب و فتحه السقف
دا اللى انا غيرته فى العربيه و على فكره انا عامل 130 الف كم العربيه شاريها من سنه و كام شهر
العربيه موديل 2008 و انا بعمل كل يوم 160 كم على الاقل