الموضوع: كل شئ عن 620

ايه يا جماعه مفيش مشاركات ليه ؟؟
انا بكتب هنا لوحدي ولا ايه..... ياريت نشارك كده وكل واد يحط خبراته بالسلب او الايجاب

استهلاك البنزين داخل المدينه فى الزحام الشديده وتشغيل التكييف بعض الاحيان:
فى اليومين اللي فاتو دول حصلي اكثر من موقف فى الطرق وهو الزحام الشديده , يعني بفضل فى المشوار ساعتين ونفس المشوار فى يوم تاني 3 ساعات (القريه الذكيه-الهرم) وطبعا السرعه لاتزيد عن 20-40كم يعني سرعة السلحفاه واحساس بالملل رهيب
المهم عملت قياس للبنزين لقيته بيعمل حوالي 165كم فى 20 لتر

سافوافيكم باخر الاخبار

المشاركة الأصلية كتبت بواسطة ayman66

ربنا يباركلك فيها--برجاء موافتنا بلتسارع اخباره ايه.

الله يبارك فيك
التسارع حتي الان جيد جدا ...يعني بطلع من الثبات وانا فى الزحام من اي عربيه بكل سهوله مجرد اني اضغط زياده علي دواسة البنزين.... او استخدام وضع المانوال وده عزمه اكبر
اما بالنسبة للسحب علي الطريق بيكون سلس... وانا علي الطريق السريع مجرد ما اسحب عادي افاجأ اني داخل علي 120 وكمان شويه بوصل 140..... فلابد من الحذر من السرعات العاليه

الاختبار الثالث لاستهلاك البنزين

بعد التفويل التام والمشي الى 114 كم واعادة التفويل مره اخري وجدت الاتي:
تم التفويل الكامل ووضعت 10 لتر فقط..... يعني بالحساب الرياضي البسيط نجد
ان لكل 1 لتر يستهلك 11.4كم

^^^^^^^^^^^^^^^^^^
نسيت اقول لحضراتك ان الاختبار ده فى الظروف الاتيه:
- عداد ار بي ام عند 2000 لفه
- سرعة ثابته تقريبا عند 80كم
- مشي مسافه طويله وتفادي الوقوف فى الاشارات والمشي ليلا

انما لو المشي فى شوارع القاهره نهارا وسط الزحام الغريبه والحراره .... فلايمكن عمل حساب ثابت لاي نوع سياره..... وكما حسبت سابقا وسط الزحام تعطي قراءات مختلفه

السلام عليكم ورحمة الله وبركاته
اصدقائي وحشتوني
اسمحولي استعرض مع حضراتكم صيلنة 20الف وشرح بعض التاصيل
ذهبت الي الصيانه يوم السبت الماضي صباحا الساعه 8:30 وطلبت عمل صيانة 20الف وسالني لو عندي اي شكوي اخري
جاوبت وقلتلو دخول هوا من عند دواسة السائق.....وسماع صوت فى المطبات فى الخلف....الكشف علي التكييف
بدأت حركة الصيانه ودخلت العربية الساعه 8:55 صباحا وكنت مراقبها علي الساعه...وغيرولي الااتي:-
1-زيت المحرك (موبيل1)
2-فلتر زيت المحرك
3-فلتر البنزين
4-فلتر الهوا
5-البوجيهات (مع انها كانت ممتازه وادولي القديمه)
*وبعد الكشف قالولي ان التيل الخلفي خلص ولازم يتغير وخيرني بالموافقه او الرفض...ووافقت
6-تغيير تيل فرامل خلفي
*بعد الكشف علي العفشة الخلف ...قالولي ان المساعد الشمال تلف ولابد من تغييره...وكان علي الضمان وبدون اي مصروفات
7-تم ربط بوابات الهواء السفليه لمنع تسريب الهواء داخل الكبينه
خلصت العربيه الساع 12:30 ظهرا
النتائج:
1-قالولي ان يوم السبت مابنغيرش اي قطع غيار علي الضمان وياريت تعدي علينا بعد يوم او اثنين...وعديت فعلا بعد يومين يوم الاثنين الماضي ورفعولي العربيه ولسه قبل ما يفكو اكتشفو انهم ماعندهمش مساعد لل620 وانه خلصان ولازمانتظر من اسبوع الي شهر انا وحظي..ومدير الضمان مشكور قالي اذهب الي ابو رواش وخلص نفسك بدل ما تنتظر كتير
2-بعد تجربة العربيه فى السرعات وجدت انه لا اثر لتسربالهواء من فتحة التهويه السفليه للسلئق والحمد لله
3-وانا طالع من عندهم طبعا لقيت ان الفرامل مش مظبوطه وواخده هوا ..ضحكت وقلت "لازم ارجع تاني..مافيش حاجه بتخلص من اول مره" ورحت يوم الاثنين الماضي فى نفس يوم المساعد وفضو الهوا من الفرامل وشدولي فرامل اليد.... وطالبونب بمصنعيه اخد هوا ودخلنا فى مشكله لاني رفضت وقلتلهم ان دي من شغلكم وده تظبيط شغل....المهم بفضل الله غلطو وكتبو ان الفرامل ضمان بدل المساعد وماتحسبتش عليا والمهندس كان حيلطم لانه حيشيلها ... اا حمدت ربنا لانه من واجباتهم ولكن دائما يحبو التنصل من بعض الواجبات وخرجت ومدفعتش مليم والحمد لله

معلومه جديده:
لقيت فيشه فى المقدمه عند الاكسدام امامي مستخبيه ومالهاش عمل...بعد السؤال عرفت نها معموله احتياطي لو حبيت تقلب العربيه لغاز او احتياطي لفيشة الكالاكس

مجموع الفلوس = 815جنيه

ساوافيكم باخر الاخبار