المشاركة الأصلية كتبت بواسطة ALshahba
- نسيت اقولك ان البوجيهات "سن رفيع"
- طيب وايه اخبار الحراره الايام دي معاك !!
طبعا تزويد مياه عاديه (حنفيه) علي مياه معالجه (حضراء) ....مش كويس ومرفوض
اما لو دائما بتنقص منك ..... لازم تكشف عليها كويس لان كده فى تسربيب ,من خراطيم من كوليه مش رابط كويس او من صامولة التسريب البلاستك او من الاربة ممكن تكون اتخرمت او من الريداتير نفسه(بس دي بعيده شويه)
- زيت الفتيس gunk حتلاقيه موجود فى بنزينة الامارات فى الماركت جوه , ولو مالقيتوش ممكن تدور عليه عند اي حد بتاع قطع غيار واكسسوارات بيبيع زيوت وتسأله عليه, حتلاقي اول سؤال يقولهولك "عربيتك نوعها ايه يا باشا" واول ماتقوله اسبيرانزا حتلاقيه بيبص كده ويقولك "صيني لا لا خد ظيت كزا هو ده بتاعها gunk ده بتاع العربيات العاليه " المهم ماتاخدش بكلامه وماتتنرفزش وقوله بهدوء " لو "سمحت اشوفو" واقرأ اللي عليه كويس وتكون بنفس المةاصفات اللي كتبناها قبل كده , واسأله عن السعر وتوكل علي الله
مبدأيا زيت الفتيس للاوتوماتك الصح انه يتغير علي 40,000كم
- طبعا كويس اوي انك لقيت شل اصلا , والافضل انك حطيت نفس المواصفات لان شل الترا له نفس مواصفات موتورنا ..... اما موضوع 10,000كم ده مش الزامي , يعني تيجي كده عند 10,000 وتبص علي الزيت لو لقيت لونه لسه فاتح خليك عليه.....لانه ممكن يتحمل معاك لحد 15,000كم وبدون قلق ومش عايز اخضك واقولك انه ممكن يتحمل معاك الي 20,000كم كمان ..... بيرجع لحالة الزيت ولونه ......... ماتخليش حد يحطه علي ايده ويدعكه ويقولك "اصله مفيهوش لزوجه" ده كلام فاضي لان الزيت ده فى درجة الحراره العاديه بيكون خفيف جدا
دمت فى امان الله