الموضوع: عايز ثبات معقول

اتشرفت جدا بمشاركتك يا استاذ ممدوح

يعنى رأى حضرتك فى حالتى ان الجنوط الاسبور والكاوتش الاعرض هم افضل حل من الـ strut bar والعفشة الاسبور؟؟؟؟
انا كنت بتناقش مع زميل فاضل فى نقطة تغيير الجنوط من عادية لاسبور واعرض الكاوتش مع الحرضص على الابعاد الاساسية
ودى كانت مناقشتنا:
--------------------------------------------------------------------------------------------------------------------------------------------
الاصلى: 13\70\155

مقترح 1: 14\55\175
مقترح 2: 13\60\175
مقترح 3: 13\65\165


الزميل:
اهم الحاجات التى يجب النظر اليها فى الجنوط
1- الا تتعدد نسبة الفرق فى القطر بين الجنط الاصلى والذى تم اختيارة عن نسبة اختلاف 2.5% حتى لايتسبب ذلك فى فشل فى اداء الفرامل.
2- قطر الدوران او محيط الدائر انا شايف ان الاقتراح الثالث هو انسب واحد

انا:
عندى توضيح بالنسبة لنقطة نسبة الاختلاف 2.5%
فى المواقع بتاعة حساب الاطارات بيفضل ان النسبة تكون +- 2.5% يعنى تزيد او تقل فى الرينج ده ولمظيد من التوضيح بالنتائج على حسب المقاس المذكور فى اول الموضوع
الاصلى = حجم كلى 547مم
اقتراح 1 : حجم كلى 548مم فرق +1مم بنسبة +0.18%
اقتراح 2 : حجم كلى 545مم فرق -2مم بنسبة -0.37%
اقتراح 3 : حجم كلى 540مم فرق - 7مم بنسبة - 0.28%
ونظريا طبقا للنتائج يبقى اقتراح 1 هو الافضل لكن هلى الكلام ده له تأثير واقعى يعنى فعلا الفروق هتبقى بسيطة جدا كده ومش هتأثر على اى حاجه فى العفشة او العربية بصفة عامة
ملحوظة: انا من انصار :خللى كل حاجه على اصلها تاخد على افضل اداء
لكن بما انى ناوى ان شاء الله اجدد ففكرت فى النقطى دى منها استكمالا للشكل وطبعا ده هيكون ملحوظ وومنها زيادة ثبات ومش عارف هيبقى ملحوظ ومؤثر -+ ولا لأ؟؟؟؟

الزميل:
ايمن بالنسبة لموضوع 2.5% انت لو اخذت بالك هتلاقينى كاتب الا تتعدى نسبة الفرق عن 2.5% يعنى تبداء من 0 الى 2.5% سواء + او -,
اما بالنسبة للاقتراحات فلو بصيت فى الصورة التالية هتلاقى ان الاقتراح رقم ثلاثه احسن من الاقتراح رقم واحد فى عدة نقاط منها محيط وقطر الدائرة وده بيديلك امكانية انك تقدر تلف فى اقصر مساحة بالاضافة الى فرق السرعة بين الاقتراح الثالث والاول ان الثالث هيكون اسرع والاول ابطء من الطبيعى وانا اعتقد ان موضوع البطء سيؤثر على استهلاك البنزين.

انا:
واضح ان حضرتك تعبت معايا واهتميت لانك قربت الاختيارين بعض لسهولة المقارنة وده مش جديد عليك وعشمنا فيك برضه
انا مستوعب تماما كل اللى حضرتك قولته عن نسبة 2.5% ولو كده هيبقى اختيار 1 يعتبر اقل نسبة =0.18%
بالنسبة لنقطة محيط وقطر الدائرة ايه الرقم اللى حضرتك تقصدة بالظبط او تعريفة من الصورة؟؟؟
لان عندى لما قارنت الحجم الكلى زى ماهو مكتوب فى المشاركة اللى فاتت كان الحجم الكلى 548 اقرب للـ 547 الاستاندارد اكتر من 540 اللى فى الاختيار 3
ومن ناحية تانية لو قصدك القطر نفسة اللى هوه:
قطر الجنط نفسة 14+ارتفاع الكاوتش 55=542.5مم الاختيار 1
قطر الجنط نفسة 13+ارتفاع الكاوتش 65= 535مم الاختيار 3
الاستاندارد قطره 542 يبقى الاول اقرب للاصلى ويزيد عنه 0.5مم ويبقى معناه ااقدر الف بنفس المعدل الاساسى(وبعدين حضرتك تقصد دوران العربية نفسها فى الملفات كمسافة ولا دوران العجل تحت الرفرف؟)
ومن ناحية البنزين او قراءة العداد(اعتقد ان الفرق مش هيكون كبير يعنى 0.2 كم فرق فى القراءة مش حاجه- انا العداد عندى حاليا مقدم 5كم وده احسن لى عشان مثلا لما اوصل 90 يبقى انا ماشى على 85 ) فكره برضه مش كده ههههههههههه
-------------------------------------------------------------------------------------------------------------------------------انتهى الحوار
دى كانت مناقشتنا واستنادا لرأيك عايز اعرفة برضه رأيك فى افضل مقاس من السابق ذكرهم
انا عارف ان موضوع الجنوط والكاوتش ده متكرر كتير فى المنتدى لكن انا بسأل عن حاله محدده بمقاسات مقترحة
لعل حضرتك تفيدنا برضه

اعتقد برضة ان المقاس 175\65\13 افضل عشان بصيت مكان العجل الخلفى لقيت مساحة قليلة جدا على جنبين الكاوتش (من جوه ناحية الشاسية ومن بره ناحية الرفرف) مع العلم ان رفرف الـ ax مستقيم وقافل على العجل
دى صورته

هى الصور مش واضحة عشان الزاوية من فوق شوية لكن الوصف زى ماقولت لحضرتك كده
وفى حاجه كمان عرفتها اسمها offset ولقيت ان الرقم ده عندى تقريبا ET 25 والمعلومة اللى عرفتها ان الـ offset اغلب اللى موجود فى السوق(للجنوط الاسبور) من 30 الى 40 فا خايف ان الفرق ده يأثر على حاجة فى العفشة غير انى خايف حتى عرض 175 يحك فى اى ناحية من الرفرف او الشاسية
هل الجنط والكاوتش بيتجربوا قبل الشراء عشان المقاس ولا البياع يقدر يحكم على مدى منفعته من ضررة؟؟؟؟

مافيش جديد ؟؟؟؟؟؟

استاذ ممدوح
اكتشفت حاجه تانية بالنسبة للثبات (البودى كيت- وتوطية العربية- والاسبويلر) مش عارف بقى الكلام ده ممكن يأثر عندى ولا لأ؟؟

انا استبعدت فكرة العفشة الاسبور برضه عشان معظم الطرق مطبات حتى ع الدائرى فاعايز راحة برضه مع الثبات

فا مش عارف ايه اللى ممكن ينفع معايا على الرغم ان عربيتى هاتش باك ومافيش شنطة عشان الهوا يضغط عليها (من الاسبويلر) وكمان على وضعها الحالى لما بيكون معايا 3 افراد بحس ان فى المطب العالى ممكن تحك الا لو اخدت المطب بالورب (سمبوكسا)
والاهم بقى ان الجنط الاسبور الـ 3 خرم قليل جدا وصعب الاقيه مافيش حل اعدل بيه الطنابير عشان يركب عليها جنط عادى 4 او 5 خرم
وموضوع الرفارف والحك والافست ده عاملى قلق !!!!!!!!!
اتصرف ازاى؟؟؟؟؟؟؟؟؟؟؟؟؟؟؟؟؟؟؟