معلش محدش يزعل من اللي هقوله

**medo_2060** · 13-03-2011 11:24 PM

المشاركة الأصلية كتبت بواسطة osoliman88

قدر الله ما شاء فعل
أرجو ألا تنسى أن هناك من قدم ما هو أغلى من المال
قدم الدم والروح وليس 80 الف
لو سألت أهل الشهداء كم يدفعون كي يعود لهم أبناءهم ستعرف أن هناك من خسر ما هو أكبر وأغلى مما خسرت انت
ربنا يعوض عليك

أرجو ألا تغضب مني

اتفق مع حضرتك ...
وربنا يعوض عليك ان شاء الله

**Mahmoud Saloum** · 13-03-2011 11:52 PM

أخى العزيز صاحب الموضوع أولا أدعو الله أن يخلف عليك خيرا مما كان عندك
ثانيا الإخوة اللى بيتكلموا عن فقد أمهات لأبنائهم عندكم حق ولكن ده اختيارهم و كمان لا يوجد فى الدنيا افضل من الشهادة يعنى اختيارهم و فازوا فوزا عظيما ولكن صاحب الموضوع خسر وغصب عنه لأنه لم يختر الثورة فالمقارنة غير صحيحة
ثالثا أخى صاحب الموضوع انت تسأل قبل الثورة أفضل ام بعد الثورة؟ وأنا أجيبك لا بعد الثورة أفضل كثيرا جدا جدا جدا جدا من قبلها والثورة ليست سببا فيما حدث لممتلكاتك لأن هذا هو قدر الله لك سواء قامت الثورة أو لم تقم فلم يكن ليخطئك ما هو مصيبك؟ يا أخى عندما يصاب أحدنا بمصاب خارج عن ارادته وعن فعله لابد أن يعلم أنه اما اختبار من الله او تطهير من الذنوب وهو خير فى الحالتين. أنا أعلم ان تفهم هذا الامر وقبوله والتعايش معه أمر يحتاج الى إيمان كبير وعميق وهذا هو الوقت الذى تظهر فيه قوة ايمانك وصدقنى انه لا راد لقضاء الله. سأعطيك مثالا اليوم حصل فى منطقتى زيادة فى الجهد أدت الى احتراق ريسيفر عندى تمنه حوالى 1000 جنيه ومكانش شغال يدوب واصل بالفيشة شيئ سيئ لأى حد بس هل الأفضل ان ده بس اللى يحصل واللا التليفزيون والغسالة وغسالة الأطباق والثلاجة كانوا كلهم راحوا فى نفس الوقت لذلك الحمد لله انه سبحانه وتعالى يرفق بنا حتى فى قضائه وفى النهاية فإنى ادعو الله ان يثبتك ويعينك ويرزقك من حيث لا تحتسب اللهم آمين

**tito_1980** · 13-03-2011 11:58 PM

المشاركة الأصلية كتبت بواسطة nicegypt

السـلام عليكم ورحمة الله
الاستاذ المهندس احمد ..
قرأت مشاركتك وفكرت فيها كتير .. علماَ ان ظروفي هي نفس ظروفك تقريباَ وتأثرت كثيرا جدا بما حدث من الثورة مادياَ ومعنوياَ .. الا انى سعيد بالثورة ومعاها قلباَ وقالباَ وموافق على اللى حصل رغم تضرري الا ان ضرري لا يسوي شيئ فى الحرية وهو ثمن طبيعي للحرية .. هناقش بشكل علمى النقاط اللى حضرتك كتبتها نقطة نقطة

* امتلك شركة برمجيات وتصميم مواقع .. ولدى سيرفر داخل مقر الشركة .. وسيرفرات اخري خارج مصر
بالنسبة لللسيرفر الموجود داخل المقر لم يتأثر بالأزمة هل تصدق ؟؟ والسبب استخدامى لشركة اجنبية عن طريق الستالايت
وموفر 2 طبق لهذة الامر منهم واحد احتياطي يعمل حين اللزوم .. وبتالى ماذا نـستنتج من ذلك ؟؟ هقول لحضرتك واتمنى تأخذ كلامى بصدر رحب
* المشكلة اللى واجهت حضرتك هي عدم وجود انترنت عن طريق القمر الصناعى ولدي شركة اجنبية وغير عربية .. وبالتالى دة السبب الرئيسى
مش الثورة ... والدليل ان مواقع عملائى موجودة ولم تتأثر بعملها لانى عامل حساب بعض الظروف .

* لم يمنع ذلك من التأثير عليا بخسارة فادحة .. اتأثرت بأنقطاع الانترنت بشكل كبير مثلك تماماَ .. والنت الستالايت ما قام بة هو الحفاظ على
مواقع العملاء القديمة المنشأة فى الاساس سابقاَ " كي يكون كلامى واضح " ايضا وكما تعلم بأن عندنا مدفوعات شهرية بتدفع بالكريدت كارد .. اللى عملتة حضرتك انى قدمت شكاوي للشركات واتصلت بيهم وفهمتهم الوضع وفية منهم اللى تقبل الامر ومنهم لم يتقبل ومنهم وضع غرامات وتقبلتها فى مقابل رجوع هذة الاشياء . . ومع ذلك باردو خسرت بعض الشغل القـديم !
خسارتى ممكن تقول 20 % من الشغل القديم .. بدلا من خسارة 100 % صح ؟ يعنى حاولت والباقي على الله سبحانة وتعالى

* بالنسبة لسيارة حضرتك .. والله وبحلف بالله حاسس باللى انت فية .. وادعوا الله ان يرزقك بأحسن منها واعلم ان الله لة فى ذلك اسباب وؤاكد
على ذلك بأن سيارتى عافها الله من ازمات كتيرة اثناء الثورة .. لدرجة ان ضرب النار كان حواليها وتوفي احد اصدقائى امام سيارتي وهى مركونة وايضا اصاب احد الاشخاص بطلق ناري على جانبها الايسر .. ولم يصبها اي مكروة بفضل الله !!!! تخيل عظمة الله ؟ اذن سبحانة لة فى ذلك حكم .. واعلم ان ما حدث معك هو حكمة وادعوا الله ان يرزقك بأفضل منها ... بالاضافة وللعلم فقط بأن كان لدي سيارة لانسر بومة وكنت بحبها جدا جدا وزيرو .. وبعتها للاسباب مادية خاصة بشغلنا وحاليا لدي سيارة مستعملة فيات ! تخيل نقطة التحول ؟ من فوق لتحت ايضاَ .. من زيرو وفول اوبشن .. لسيارة انت نفسك اوبشن فيها !

وشوفت الويل معاها الى ان وفقنى الله وبقت شيئ اخر جديد .

ماذا عن الوضع الحالى ؟؟
* الخسائر التى لدينا جميعا كأصحاب اعمال صغيرة وشركات صغيرة على قدنا .. هى العملاء الجدد .. كنت بحل مشكلة العملاء الجدد فى البداية
بالعمل مع دول عربية .. وكانت الحياة ماشية .. لكن حاليا اصبح فية ركود داخلي .. وركود وخوف من دول الخليج بالتعامل معاك لانة ميعرفش
هيشوفك تانى ولا هينقطع عنك الاخبار .. وبالتالى دى خسـارة عـامة علينا وعلى الكل .. وطبعا لا يوجد موظفين ولن يوجد للظروف الحالية

وفى النهاية .. انا حاسس ومقدر جداَ وظروفك مشابة كتير لظروفي كأصحاب اعمال توقفت بشكل كامل .. ولدينا مصروفات شهرية بالالافات
ومحدش بيقدر وفية خوووووف او قلق شديد من الفترة القادمة بالنسبة لى على وجة شخصي واكيد الكل قلقان على عملة ومستقبلة ..ويمكن نايل موتورز بغير فية جو شوية علشان انسى المشاكل اللى فيها والظروف الصعبة .. لكن نقول الحمد لله على كل شيئ ودة ثـمن مؤقت بندفعة كلنا .. زى مدفع شهادئنا الثمن بدمائهم .. على الاقل
احنا بندفع بناحية اخري.. وهما دفعوا دم .. المهم ان دة عام ومعمم على الكل .. والحل اننا نحاول نفكر فى حـلول تطلعنا من الازمة دي .. ولا نـكتفى بالشكوي
لان الشكوي مش هتحللنا حاجة .. نفكر وندعوا الله ونحمدة على الحرية ولا تكن ابداَ غاضباَ مما حدث فالله لة فى ذلك شـئون . وكل ما حدث .. حدث بعلم من الله وتأكد ان الله لا ينسى احد ابداَ . .. ارحب بأي اقتراحات من حضرتك وأراء . خصوصا ان مجالنا متشابة تقريبا واعمالنا تضررت بشكل كبير . فى انتظار مشاركة حضرتك فى التفكير فى حلول او افكار تفيد اعمالنا

المشاكل عندي كالتالي :
بسبب قطع النت السيرفر سقط لان معاد دفع فلوسه جه و النت قاطع و مكنتش سايب فلوس في الاكونت لاني مكنتش عالم ان في ثوره هتحصل و حكومتنا الجميله هتقطع النت و طبعا مكنش في مجال اني اتصل بالداتا سنتر عشان افهمهم المشكله ... طبعا عشان ارفع السيرفر التاني و المواقع اللي كانت عليه دفعت ما يقرب من 20000 جنيه و برضه في مواقع راحت تماما و العملاء سابوا الشركه ... المشكله التانيه في العملاء الامريكان اللي بتعامل معاهم طبعا بعد ما النت رجع اتكلمت معاهم فقالولي انهم هيوقفوا الشغل معايا عشان مصداقيه الشركه راحت ... الجماعه الامريكان دول كانوا بيشتروا مني حقوق اسماء دومينات و حاليا معايا قرب ال 30 دومين و لا عارف ابيعهم و لا عارف اعمل بيهم حاجه ... شوفت المعضله دي ؟ ده غير الاعلانات اللي كنت عايش عليها راحت بسبب ان كل الناس اعده للاحداث السياسيه و معتدش بتخش علي اي سايت

**tito_1980** · 14-03-2011 12:03 AM

و شكرا لدعواتكوا الجميله و ربنا يخلف علينا بالخير

**fiat128man** · 14-03-2011 12:43 AM

الثورة دي خربت بيوت ناس زمايلي كتير اوي متخرجين 2010 وبندور علي شغل (كانت دفعه فقر) وانا كنت ناوي اروح التجمع الخامس شركة السويدي بس خلاص كله رااح وقدامنا بتاع تلت اربع سنين وحسبي الله ونعم الوكيل في كل ظالم .