الحركة دى نتيجة فتح الثروتل المفاجئ وزي ما انت قلت بتحصل لو دست جامد بسرعة انما بالتدريج لا
الفكرة ان فتح الثروتل فجأة بيدخل هوا كتيير وفي نفس الوقت البيكات بتاعت الكربراتير ما بتلحقش تبخ بنزين بالقدر الكافى
فالعربية تتكتم والهوا يبقى اكتر من البنزين فجأة فتعمل الصوت ده هووووووو وتتكتم وممكن في بعض الاحيان تبطل
حل المشكلة دى في الكربراتير بس غالبا هتروح لواحد بيفهم اوى عشان يظبطلك حاجة في الكربراتير اسمها acceleration pump معرفش اسمها الدراج ايه بصراحة
ودى بتبقى عبارة عن طرمبة مكبس صغيرة جدا جوة الكربراتير وليها دراع صغير وعن طريق ميكانزم معين بتبخ بنزين زيادة مع الضغط المفاجئ على الدواسة
بس خلى بالك لأنه لو ظبطها غلط العربية هتاكل بنزين جاامد لأن ممكن مع كل دوسة بنزين صغيرة تلاقيها ضخت بنزين زيادة وده طبعا غلط ومش مطلوب الا مع الفتح المفاجئ للبوابة
المفضلات