انا إن شاء الله ناوى اجيب بويك سكاى لارك مو 80_عايز اعرف اماكن قطع الغيار واسعارها_ضرورى جدا_ورأيكم فى العربية يا جماعة يهمنى
انا إن شاء الله ناوى اجيب بويك سكاى لارك مو 80_عايز اعرف اماكن قطع الغيار واسعارها_ضرورى جدا_ورأيكم فى العربية يا جماعة يهمنى
1.قطع غيار غير متوفرة بسهولة.
2.استهلاك وقود مرتفع تقريبا سعة المحرك مش أقل من ٢٥٠٠ سي سي.
3.صعوبة اعادة بيعها.
ولذا هتلاقي تمنها رخيص
أنا بأفكر في نفس فكرة حضرتك وعندي مميزات
1- سعر شراء رخييييييييص جدا ودي أهم ميزة
2- عربية قوية وتتحمل المطبات والخبطات من كل ناحية وتحس داخلها بالأمان ودي تاني أهم ميزة
3- واسعة نسبيا وفي رأيي إن شكلها معقول مش منفر
4- مستقرة على الأرض رغم إن المسافة بين الأرض وأسفل العربية كويس ويعدي المطبات
5- مهما خسرت في إعادة بيعها فمش هيكون قد خسارتك في عربية غالية
يعني هتخسر كام ثلاثة بالكتير دول يدوبك فك خط في خسارتك في سيارة غالية
6- مشكلة الاستهلاك العالي ممكن التغلب عليها بتسقيط موتور 1600 ياباني وكتير عملوا كده وللعلم أنا سمعت إن موتورها الأصلي قوته مش كبيرة
7- الحاجة الوحيدة اللي مخوفاني منها هي موضوع قطع غيار العفشه بتاعتها
لأن الفوانيس الخارجية أعتقد سهل الحصول عليها أو تظبيتها وكمان الإكصدام وخلافه والموتور هيتغير
لكن ( ولو حد عنده خبره يقولنا ) هل آلات الجر في منها مستعمل بسهولة أو ممكن تتظبط من نوعية تاني ولا لأ
تقبلوا تحياتي
يا جماعة البنزين مش مشكلة _ال80 رخيص وزى الفل_أهم حاجة قطع الغيار_العربية دى أقل واجب تتحط مع فولفو240 _ومرسيدس 200_وعربية وحش على الطريق_لو قطع الغيار موجودة_يبقى مش مهم أى حاجة تانية_ولو حد معاه عربية وعايز يبيعها او يدخلها فى 127 سبورت 1050_مافيش مانع يعنى
ياجماعة عايزين أخبار عن قطع الغياااار_وإسعارها_وأماكن بيعها_ياريت الأهتمام يا جماعة_انا بدور على عربية_لو حد معاه_وعايز يبيع يقولى
يارجالة_هو مافيش حد بيعبرنا ليه!
مافيش حد ناوى يعبرنا يارجالة_ولا العربية هى اللى وحشة_انا مش فاهم_انا خلاص بفكر اشترى
هههههههههه انت عارف انى فى فترة ما كنت هجيب العربية دى ... كنت بدور عليها بشكل جاد وجربت قيادتها وشفت حالات منها كتيرة جداً .
بص ساعتها كانت بتعمل من 10 الاف الى 24 الف ... وكان فيها موديلات من 80 الى 84 بكرسيين منفصلين امامى أو كنبة .
وفى منها مانيوال و اوتو فول اوبشن ... الاوتوماتيك افضل والفتيس خلف الدركسيون .
ماتورها الاصلى 2500 cc وبيتسقطلها ماتور الجولف الـ 2000 cc ... بس خليك فى بتاعها الاصلى احسن .
بس خلى بالك معظم العربيات دى فيها مشكلة السخونية مشتركة ... وتلاقى معظم ملاكها مغيرين مبين الحرارة فيها ومعدلين علشان مشكلة الحرارة دى .
انا قلت مرة اركبها اجربها شوية كدة مسافة صغيرة ... مكنتش عاوز انزل منها هههههههه .
بس هتطلع عنيك فى قطع غيارها وصيانتها ... واشهر واحد فى قطع غيارها اسمه تقريباً الخواجة فى الهرم على ما أتذكر .