حسبى الله ونعم الوكيل كسرو الزجاج و الحمد لله

عرض للطباعة

13-03-2011, 11:15 PM
Hmatchy

حسبى الله ونعم الوكيل كسرو الزجاج و الحمد لله

النهاردة الفجرية كدة كنت قاعد بتفرج على فيلم و على الساعة 6 الصبح قولت انام بقى و عملت التليفون سيلنت (نظراً لأنى حاليا عاطل وقاعد فى البيت من ساعة الثورة) و بدأت ادخل السرير ومرة واحدة اسمع:-
محمد يا عادل
العربيييييييييييية
يا محمد يا عادل
و ابوص من البلكونة و الاقى الزجاج اللى ناحيتى مكسور
نزلت اجرى طبعا و لقيت الزجاج مكسور و سارق الفلاش ميمورى وشوية جنيهات فضة كانو فى الكنسول وطبعا موش حاول يفتح الباب وكل اللى عملو نكش فى الورق اللى فى الجراب اللى موش بحب ارميه فى الشارع وللأسف 4 عربيات حصل معاهم نفس الحكاية وكان فى خلال الاسبوع ده يجى 10 عربيات كدة الزجاج يتكسر ومفيش حاجة تتاخد او حاجات هايفة
قمت متصل ببوليس النجدة 122 وطبعا 10 منت محطوط على الهولد وبسمع موسيقى تهدى اعصابى عقبال ما يردو
الحمد لله اتكرم عليا احد المندوبين وكلف نفسوا ورد عليا
وبعد ما خد بيناتى قالى هنبعتلك
ساعة ونص موش حد جه
قلنا نروح القسم
و احنا داخلين المخبرين اللى بره بيسئلونى خير يا باشا
داخل اعمل محضر اثبات حالة
حالة ايه يا باشا؟
العربية كانت هتتسرق وكسروا الزجاج وكذا عربية يحصل معاها كده
قام اللى جمبه ملفوت ليا بسرعة(بدرجة ملحوظة) .... بتتهم حد؟؟؟؟؟
قلتلوا لأ
قالى طب اتفضل
دخلت سائلنى ظابط نفس الاسئلة ودخلنى اعمل المحضر
الحاجة اللى استغربتها ان عقبال سيادة البيه امين الشرطة ما جه سائل الظابط اعملوا المحضر يا باشا؟؟؟؟
طبعا كنت هخلط
يعنى ايه لو الظابط قال لأ هخبط دماغى فى الحيط؟؟؟
المهم قالى هات العربية هنا
قلتلوا موش الفروض تيجوا انتو تشفوها
قالى لأ هتها
جبتها وخلصت و طلعت على التوكيل عملتها
اعذرونى لو كنت طولت عليكوا بس حبيت افضفض مع اخواتى و أقول الحمد لله وحسبى الله هو وحده نعم الوكيل
13-03-2011, 11:33 PM
chato_eg

ربنا يخلف عليك كل خير..وفداك
13-03-2011, 11:53 PM
khpopo

حسبى الله فى كل ظالم سبحانك اللهم وبحمدك ، أشهد أن لا إله إلا أنت أستغفرك وأتوب إليك
14-03-2011, 12:59 AM
cleardell

قدر الله و ما شاء فعل

بس انت ساكن فين يا باشا
14-03-2011, 09:40 AM
MohssenRashed

الحمد للة ياباشا بس عجبتني اعملوا المحضر يا باشا؟؟؟؟ ههههههه
14-03-2011, 11:12 AM
akramesg

سلامتك يا محمد
المحضر عشان تأمين مش كدة لو مفيش يبقى ملوش لزوم اصلا
وحتى التأمين لو حاجة اقل من 5000 مش محتاجة محضر
بكام الازاز؟
14-03-2011, 12:30 PM
zemanovaxxx

ألف حمد الله علي سلامتك وكويس إنك بخير
لو ليك نفس, أبقي عرفنا تكاليف التوكيل اللي دفعتها
14-03-2011, 12:50 PM
FARAGAMF

قدر الله و ما شاء فعل
14-03-2011, 01:48 PM
Hmatchy

اقتباس:

المشاركة الأصلية كتبت بواسطة chato_eg

ربنا يخلف عليك كل خير..وفداك

ربنا يخليك يا شاتو والحمد لله
14-03-2011, 01:49 PM
Hmatchy

اقتباس:

المشاركة الأصلية كتبت بواسطة cleardell

قدر الله و ما شاء فعل

بس انت ساكن فين يا باشا

انا ساكن فى الف مسكن
14-03-2011, 01:52 PM
Hmatchy

اقتباس:

المشاركة الأصلية كتبت بواسطة mohssenrashed

الحمد لله ياباشا بس عجبتني اعملوا المحضر يا باشا؟؟؟؟ ههههههه

ههههههههههههههههههههههههه ه
دا انا كنت هشتم وهزعق كمان و على فكرة المعاملة فعلا اتغيرت عن الاول بس موش للأحسن زى ما بنتمنى هو بس بجاحتهوم قلت شوية وبقوا يعملولنا حساب لكن ان حد تحسوا واقف جمبك بحكم وظيفتوا مفيش
14-03-2011, 01:54 PM
Hmatchy

اقتباس:

المشاركة الأصلية كتبت بواسطة akramesg

سلامتك يا محمد
المحضر عشان تأمين مش كدة لو مفيش يبقى ملوش لزوم اصلا
وحتى التأمين لو حاجة اقل من 5000 مش محتاجة محضر
بكام الازاز؟

الله يسلمك يا اكرم
مش بس كدة لكن انا قولت لازم نبتدى نتفاعل مع الشرطة لأن دى العربية رقم 10 اللى يحصل معاها كدة وكمان فى واحد 3 مرات يكسروا ليه شراع الزجاج فا تحسوا شغل بلطجة وارهاب
الازاز ب 120 وتركيبوا 185 :36_2_49[1]:
14-03-2011, 02:02 PM
zemanovaxxx

بيتهيألي معقول مش وحش بالنسبة للبافارية, كوكيل معروف عنه إرتفاع أسعار قطع الغيار عنده
خللي بالك إنت مميز عشان وكيلك البافارية, يبقي لازم تكون مميز في كل حاجه
أنا باتكلم بجد مش باتريق
14-03-2011, 02:03 PM
zemanovaxxx

بيتهيألي معقول مش وحش بالنسبة للبافارية, كوكيل معروف عنه إرتفاع أسعار قطع الغيار عنده
خللي بالك إنت مميز عشان وكيلك البافارية, يبقي لازم تكون مميز في كل حاجه
أنا باتكلم بجد مش باتريق
14-03-2011, 02:12 PM
Hmatchy

اقتباس:

المشاركة الأصلية كتبت بواسطة zemanovaxxx

ألف حمد الله علي سلامتك وكويس إنك بخير
لو ليك نفس, أبقي عرفنا تكاليف التوكيل اللي دفعتها

الله يسلمك يا زيمانوفا
ليا نفس طبعا و الموضوع موش مدايقنى خالص اللى مدايقنى انو ممكن يتكرر
انا طبعا اطريت اروح التوكيل لأن الموءزى كسرلى الازاز يوم الحد الصبح
اتصلت سئلت الاستاذ علاء مندوب قطع الغيار قالى موجود و ب 120 من غير الضريبة
انا قلت عظيم و يوم ما هيتنططوا هدفع 200 جنيه يعنى لكن اتكلفت كلو 305
اتصلت ب المهندس اسلام قالى انا هدخلك العربية طوارىء فرحت وقولت الناس بتقدر
قعت وسئلت كمان على الانذار المهندس وائل قالى موش ليها حل مفيش انذار ودار حوار كوميدى كالتالى
انا: بشمهندس انا عايز اركب انذار
هو: السمارت كى مينفعش معاها انذار
انا : ليه يا باشمهندس هما زعلانين من بعض؟؟؟
هو : لأ بس السمارت مينفعش معاها انذار
انا: ليه مينفعش ما الرينو مثلا نفس التكنلوجيا تقريبا و بيركبلها
هو : دى عربية ودى عربية و السمارت مينفعش معاها انذار
انا طب اركبوا على ريموت لوحدوا خالص و لما اجى افتح افتح من ال2 ريموت وهخليها عليا
هو :السمارت مينفعش معاها انذار ولا يركب فى الريموت ولا لوحدو
انا : طب يا باش مهندس العربية فيها الارم لو نسيت المفتاح جواها مينفعش نجيب السنسور بتاع الخبطات ونوصلوا على الانذار اللى فيها ابوس ايدك يا باش مهندس شوفلى حل انا كل يوم انزل القيها مخبوطة علشان خاطرى وافق بالحل دا
هو: دا حاجة تانيه غير الانزار و السمارت مينفعش معاها انذار
انا : ليه مينفعش مينفعش لازم يكون فى حل
هو : السمارت مينفعش معاها انذار لأن الضفيرة بتاعتها كلها مينفعش معاها انذار وبعدين هيفيدك با ايه الانذار ماهى هتكون اتخبطت او اتكسرت وخلاص(طبعا حسيت الامبير بتاعى على ودخل فى الريد زون وابتديت افصصل)
انا : طب هركبوا برا
هوا : السمارت مينفعش معاها انذار ولو ركبتوا برة هيبوظها
انا : طب موش هيخترعوا حل ليها قدام شوية
هو: لأ
انا :طب ركبولى حتى اللمبة بتاعت الانذار اهى تعمل شغل فى العربية
هو : السمارت مينف.... لمبه؟؟؟
انا : ايوا الزرقاء دى اللى بتنور وتطفى
هو :ممكن تركبها برة
انا : شكرا ومشيت ابل ما اعيط منوا
14-03-2011, 02:14 PM
Hmatchy

اقتباس:

المشاركة الأصلية كتبت بواسطة zemanovaxxx

بيتهيألي معقول مش وحش بالنسبة للبافارية, كوكيل معروف عنه إرتفاع أسعار قطع الغيار عنده
خللي بالك إنت مميز عشان وكيلك البافارية, يبقي لازم تكون مميز في كل حاجه
أنا باتكلم بجد مش باتريق

انا عارف بس مدايق علشان لسه فى بواقى ازاز فى التكيف و الباب فا هتصل بيهوم احجز علشان كمان اظبط كام حاجة
14-03-2011, 02:50 PM
zemanovaxxx

:POINTIy2[2]::POINTIy2[2]::POINTIy2[2]:
14-03-2011, 10:03 PM
khaled_Saga

قدر الله وماشاء افعل يا محمد وانشالله متتكررش المهم انها جت فى حاجة بسيطة يمكن فدت حاجة كبيرة قول الحمد لله

هم ولاد الحرام بقى مش هيخلصوا من البلد لسه الداء السافل ده فى الناس السرقة والنصب والتخريب!! ربنا يقطع ايديهم كلهم
14-03-2011, 10:28 PM
tiger451

فداك ولا تزعل نفسك
15-03-2011, 11:07 AM
FARAGAMF

على فكرة انا سالت على الانذار فى فرع ابورواش ومهندس الاستقبال (م/ يس) قال انة ينفع وبيركب ب 700 وكان وقت العرض ب500
15-03-2011, 11:39 AM
akramesg

سلاموة امبيرك يا محمد ههههههههه

الانزار فى دمشق ب 250 قوله اللى بيركب على الريموت بس انا مجربتش بصراحة
15-03-2011, 07:58 PM
Hmatchy

اقتباس:

المشاركة الأصلية كتبت بواسطة khaled_saga

قدر الله وماشاء افعل يا محمد وانشالله متتكررش المهم انها جت فى حاجة بسيطة يمكن فدت حاجة كبيرة قول الحمد لله

هم ولاد الحرام بقى مش هيخلصوا من البلد لسه الداء السافل ده فى الناس السرقة والنصب والتخريب!! ربنا يقطع ايديهم كلهم

الحمد لله طبعا و فعلا معاك حق هى فدت حاجة لأن العربية بقالها كذا يوم متعفرته غير ان من 5 ايام كنت راجع من السويس و دبشة وقعت من عربية مقطورة وخبطط جامد فى البربريز بتاعى و الحمد لله موش اثرت لكن لو كانت عدت يمكن مكانش زمانى وسطيكو ناو
اللى بحذركو منوا ان المقطورات دلوقتى موش بيحطوا الغطاء دا على الظلط و الطوب علشان كدة بقلوكوا خدو بالكوم كويس
اما بالنسبة للنصب و التخريب فا من طريقة نكشة العربية اللى شوفتها اقول ان دى عمليات ارهاب بس بتاخد شكل السرقة وحسبى الله ونعم الوكيل

اقتباس:

المشاركة الأصلية كتبت بواسطة tiger451

فداك ولا تزعل نفسك

ربنا يخليك يا تيجر الحمد لله

اقتباس:

المشاركة الأصلية كتبت بواسطة faragamf

على فكرة انا سالت على الانذار فى فرع ابورواش ومهندس الاستقبال (م/ يس) قال انة ينفع وبيركب ب 700 وكان وقت العرض ب500

مهندس يس راجل زى العسل بس للأسف العرض موش على السمارت كى هما كاتبين ورقة بكدة

اقتباس:

المشاركة الأصلية كتبت بواسطة akramesg

سلاموة امبيرك يا محمد ههههههههه

الانزار فى دمشق ب 250 قوله اللى بيركب على الريموت بس انا مجربتش بصراحة

الله يسلمك يا صاحبى
ما احنا عاوزين فدائى يجرب بقى
19-03-2011, 09:31 PM
midh91

قدر الله وما شاء فعل والحوادث دي بقت منتشرة الايام دي ربنا يسترها
علي فكرة السعر كويس بتاع الزجاج
بخصوص الانذار ... اخويا ركب الانذار ومكنة رفع الزجاج بابو رواش ب 500 جنيه وبعد ما العربية خرجت من عندهم لقيت الانذار wolf هو وولف مش وحش ومركبينه في التمبرا بس سعره مش 500 جنيه نهائيا (لأ وكمان بعد الخصم 30%ٌ ) بس الصراحة ريموت وولف بتاعهم تحس انه انضف من اللي في السوق
لأ والمعجزة بقي ان الطاسة اللي اتسرقت من فترة تم شراءها من عندهم ب 100 جنيه ( دي بقي كانت ه.........) انا بقول لاخويا فك الاربع طاسات وشيلهم احسن دول ثروة ( 400 جنيه )