عرض للطباعة
السلام عليكم
عايز اعمل صيانة 5000 اروح سموحه ولا العامريه طبعا سموحه اقرب جدا ليا لانى ساكن فى دمنهور وياريت توصفولى المكان بالظبط سواء ده اوده
والملاحظات اللى عندى بسيطه تقريبا اللى هى الاساسيه فى العربيه اللى المعظم اشتكى منها وهى
سخونة الدواسه
صوت صفارة هواء
رشاش مياه مساحات مش مظبوط
حدفه يمين
ويمكن اخليهم يعلو الدبرياج سنه او حخليه زى ما هو ورجلاش فرامل اليد فقط
عملت صيانه ال 1000 و ال 5000 في العامريه و عملت صيانه ال 10000 في سموحه . لاحظت انهم في العامريه احسن . في العامريه خلصوها و غسلوها و غسلوا الماتور . في سموحه غيروا الزيت و الفلتر و مغسلوهاش قالوا لي ان الدنيا بتمطر و مينفعش نغسلها . طيب اغسلوا الماتور قالوا لي تدفع 30 جنيه غسيل الماتور زعقت معاهم و قلت لهم حشتكيكم قالوا لي المره اللي جايه نغسلهولك . بالنسبه للعامريه طبعا انت حتيجي من الزراعي حتكمل بعد مطار النزهه لغايه كوبري محرم بك حتطلع فوقه و تاخذ اول ملف شمال و كانك رايح علي كارفور و تاخد الصحراوي . اعتقد في الكيلو 16 حتلاقي توكيل رينو و كيا . اما بالنسبه لسموحه و انت جاي عند صينيه مطار النزهه حتحود يمين و تعدي مزلقان القطار و تحود يمين حوالي 500 متر حتلاقي صينيه خد يمينك بعد 10 متر حتلاقي التوكيل علي شمالك . و بالتوفيق .
شكرا ياباشا
طيب سؤال ياجماعه هو الكافيتريا اللى موجوده فى العامريه فيها واير ليس ولا لا
علشان لو فيها اخد اللاب توب معايا
فيها
شكرا ياسيدى
ياجماعة وانا باشترى العربية قالوا لى الصيانة الاولى المجانية عند ال 10 الاف كيلو ممكن تفهونى فى التوكيل قالو كده ليه ؟
اول صيانة في ال 5000 مش ال 10000 و الخمسات مجانية يعني 5000 مجانية ال 10000 تدفع بعدين ال 15000 مجانية و هكذااقتباس:
المشاركة الأصلية كتبت بواسطة polo61
اقتباس:
المشاركة الأصلية كتبت بواسطة frhateg
باشا هو فيه صيانة 1000 كيلو اساسا مش المفروض ان أول صيانة عند 5000 كيلو أرجو التوضيح للأهمية
زمان كان فيه صيانة 1000 كيلو في إسكندرية و بعدين اتلغت,اقتباس:
المشاركة الأصلية كتبت بواسطة halem0000
دلوقتي أول صيانة هي صيانة ال 5000 كيلو.