المشاركة الأصلية كتبت بواسطة ams
حكم مباشر باعدام من تقول عليهم "جهلة" او "متخلفين"
القاتل يقتل ده حكم الشرع والقانون (المشدد)
يعنى بدل ما نقومهم نعدمهم مباشرة لانهم اخطأوا و بدون حتى حساب !!
الكلام ده فيه عنصرية و لا يخلو من تطرف و لو كل حد شاف انه من حقه يعدم اللى شايفهم "متخلفين" مكانش فى حد هيعيش
الكلام على حالة محددة وهي ناس أستخدمو سلاح وضرب بعضهم ومش كده بس لا دول أذو غيرهم وممكن قتلوهم
يعني
-حمل سلاح ألي (ده لواحده جناية 7 سنين)
-مسروق من أقسام
التعليم الموجود فى منتهى السوء
الاعلام الثقافى مش شايفه
و الدينى كلام اغلبه فى الرقائق
معاك حق فى ان الوضع فى منتهى السوء
متفقين لحد بعيد
اما عن التربية و غياب الوعى الدينى فانا معاك و اختلف معاك فى البقية و اضيف انها مش تربية بس دى منظومة بحالها من انعدام القيم مع الظروف الاقتصادية و القهر و المرض فمن الرومانسية الحالمة اننا نفترض انها تنتج انسان سوى
و عن ان المحترم محترم بغض النظر عن الظروف كلام مش واقعى ابدا من وجهة نظرى
صدقني وعن رؤيا شخصية على أرض الواقع الموضوع مش موضوع خدمات ونواحي أقتصادية وخلافه المتربي متربي بيها ومن غيرها بس حياته هاتكون أكثر يسر وصفاء مع تقدمها
زيارة صغيرة للمقابر وستجد ناس تسكن هناك من أبدع مايكون أخلاقيا وبشوشين كمان أه والله
وده مايمنعش تجد أخلاق في منتهى السوء ودي موجودة برده في حي المهندسين
انا كمان مضايقنى جدا صيغة الكلام بانهم "غوغاء" "جهلة" "متخلفين" لان فيه كبر
و مش ذبهم انهم كده
زى ما هو مش فضل اى واحد فينا اللى عنده سواء من علم او عقل او وعى او فلوس او عائلة محترمة او صحة او مدرسة كله رزق من عند الله
فاللى بقوله انهم مش شياطين انما نتاج ظروف معينة احنا مش بعاد عنها و عن اسبابها
و الحل مش اننا نقتلهم كأى "سفاح" و انما نوعيهم و نقومهم
أستخدامهم للسلاح وعلى أتفه الأسباب لايعطي أي أنطباع جيد عنهم والألفاظ أعلاه فهي وصف لسلوكهم ألا تتفق معنا بأنه وصف صحيح لخلقهم وسلوكهم
ده رأيي