عرض للطباعة
استفسار من الاخوة الاعضاء اللى عندهم اولاد فى المدارس
هل ممكن التحويل من مدرسة لغات خاصة الى تجريبية بدون النزول سنة
انا سمعت انه ممكن بعد اولى ابتدائى هل المعلومة دى صح ولا غلط
ارجو ممن عنده معلومة او خبرة سابقة يفيدنى لانى محتار ادخل بنتى خاصة لغات دلوقتى لان سنها فى اول 10 هيكون 4 سنين الا يومين فمش ممكن تدخل تجريبى لانهم بياخدوا سن كبير فهل التحويل ممكن بدون ما تضيع عليها سنة
شكرااا
استفسار من الاخوة الاعضاء اللى عندهم اولاد فى المدارس
هل ممكن التحويل من مدرسة لغات خاصة الى تجريبية بدون النزول سنة
انا سمعت انه ممكن بعد اولى ابتدائى هل المعلومة دى صح ولا غلط
ارجو ممن عنده معلومة او خبرة سابقة يفيدنى لانى محتار ادخل بنتى خاصة لغات دلوقتى لان سنها فى اول 10 هيكون 4 سنين الا يومين فمش ممكن تدخل تجريبى لانهم بياخدوا سن كبير فهل التحويل ممكن بدون ما تضيع عليها سنة
بص يا سيدي ...
التحويل ممكن بشرط توافق السن ودفع تبرعات عينية (كمبيوتر - تكييف - مكتب - كراسي ... وكده يعني)
بنت حضرتك .. بما إنها 4 سنسن إلا يومين ... لن تقبل فى مدرسة لغات أو خاصة ... لإن القبول فى ال kg بيكون عبر تنسيق حسب السن في الإدارة التعليمية التي تتبعها المدرسة ... يعني فى المدرسة الخاصة هايقولولك هندخلها تنسيق وربنا يسهل ... ولكن سن 4 سنوات صعب جدا .. لو 4 سنوات وشهرين مثلا كان ممكن ...
حضرتك تدخلها (بيبي كلاس) حتي العام التالي وبعدين تدخلها ... تجريبي .. مستقبل ... خاص ... إللي يريحك
ونصيحة لك ... حسب إمكانياتك المادية الأفضل علي التوالي (المستقبل "تجريبي متميز" مصروفاتة تصل لحوالي 2000) ثم (التجريبي العادي مصروفاتة من 300 إلي 500 ج)
أو مدرسة خاصة كبيرة بمصروفات لا تقل عن 6 أو 7 ألاف ... لإت أقل من كدة بيكون تعليمهم (فشنك)
والأفضل تقدم فى مدارس النيل المصرية (العبور - 6 أكتوبر) بمصروفات تبدأ من 6000 والتقديم من الشهر القادم وربما تقبل إبنتك فية لإن لا أعلم شروطهم في السن
وبالتوفيق ان شاء الله
سن القبول الرسمى 3 سنين و نص بس طبعا كل ما الطفل يكبر بتكون فرصته افضل لو فى تنسيق
ابنى دخل 3 سنين و 11 شهر kg1 بس السنه اللى قبلها دخلته pre-school فى نفس المدرسه (دفعت اكتر شويه من الحضانه اللى كان بيروحها بس اتعلم احسن و ضمن مكانه فى kg1)
اه و فى مدرسه كنت بسأل فيها علشان بنتى (ساعتها كانت هتبقى 3 سنين و 6 شهور و 10 ايام فى 1\10) و قالولى لو دفعت المصاريف كلها (من غير تقسيط) ندخلها kg1 من غير تنسيق بس انا معجبنيش الاسلوب ده و دخلتها baby class فى المدرسه اللى هى فيها دلوقتى (السنه دى هى فى kg2 و اخوها kg1)