الموضوع: فكره مجنونه (بفكر ارشح نفسي نائب هههههههههههههه)

ههههههههههههههههههه
حلوه وملعوبه

انت نزلت التحرير ولا لاء

انا شايف ناس بترشح نفسها لمجرد انها كانت من الشباب اللى نزلت ميدان التحرير

عامه انا شايف اننا لازم ننسف الحمام القديم

ونستبدل نواب توصيل خط مياه والنواب اللى اكبر خدمه ليها انها عملت شارع اسفلت وعملت فيه مطبات (نواب الخدمات)

ويبقى المجلس الجديد كله ناس فاهمه علشان المجلس القادم هو اخطر مجلس لانه هو اللى هيضع الاسس والقوانين اللى هنمشى عليها لفتره طويله لحد الثوره اللى جايه

المشاركة الأصلية كتبت بواسطة النوبي

مع الاسف انا منزلتش الميدان علشان بيني وبينه 800 كيلو بس ومكانش ينفع اني اسيب مراتي وابني لوحدهم
اما بالنسبه للترشح انا مش لاقي مرشح كويس كلهم يامرتشين ياحزب واطي يااما داخل المجلس علشان يحمي تجارته والحصانه وبس
فبفكر طالما مفيش حد ممكن ارشح نفسي
طبعا ده خيال لاني مش سياسي ومعرفش حاجه عن السياسه
بس اللي يخلي ابو قرين يرشح نفسه يبقي اسمحلي بقي يبقي انا اولي

ده اللى انا اقصده

انى فعلا مش لاقى حد فى الدائره عندى يستاهل انى انتخبه

ومش لاقى منافس كويس

فعلا احنا محتاجين فتره لحد ما نلاقى وجوه جديده تستاهل ننتخبها

وللاسف اغلب الناس اللى ممكن تكون بتفهم فى السياسه فعلا وعارفه مطالب الناس مش مطالبها الشخصيه خايفه حاليا من فكره الترشح
او معندهاش القدره الماديه والدعم الشعبى واغلبها وجوه جديده غير معروفه

اعتقد إن الانتخابات القادمة لابد أن يتم انتخاب أكبر عدد ممكن من اساتذة القانون و العلوم السياسية و الأقتصاد فيها

لوضع دستور جديد و رسم سياسات جديدة للنظام الجديد

لكن هذا لا يمنع من ترشح الشرفاء على الأقل هيحاولوا يفهموا الصح من الغلط و يصوتوا للمصلحة العامة فى البرلمان

لذلك أشجعك يا أخ نوبى ... بالتوفيق إن شاء الله و إلى الأمام .. إلى الأمام

أبو قرين وعبد النبي والعماري

انا شايف ان كل الناس دي متنفعش تترشح تاني ولو في وعي في شباب الأقصر مينجحوش

لكن للأسف العصبية القبلية هتكسب ...