ماذا بعد الموافقة او الرفض للتعديلات الدستورية

**ahmedjumpo** · 14-03-2011 12:22 PM

هذه كانت مشاركة لى فى موضوع اخر لى و لكن لتشابه جزء من الموضوع مع موضوع اخت زميلة فقد قامت الادارة بدمج الموضوعين رغم اختلاف هدف الموضوعين
و انى استأذن الادارة الموقرة ان افتح هذا الموضوع لان ما قد طرحته قبلا كان مختلف مع موضوع الاخت العزيزة

الكثير منا مختلفون حول التعديلات الدستورية فهنالك من يقول نعم و هنالك من يقول لا و لكن ماذا بعد الموافقة او رفض التعديلات فلم نرى من يتكلم عما بعد.
لذا اسمحولى بوضع التصورات لكل من الحالتين و لكم الحكم بعد ذلك

ماذا فى حالة الموافقة
* فى حال اقرار التعديلات الدستورية فلابد من احياء الدستور القديم المهترئ بشهادة كل الخبراء طبعا حضرتك هتقولى ليه , هأقول لحضرتك لانه ما هى القواعد المنظمة و المحددة لاختصاصات كل من مجلسى الشعب و الشورى و رئيس الجمهورية عقب انتخابهما و حتى عمل دستور جديد , فيجب الا ننسى ان الدستور هو العقد الذى يعملون بناءا عليه
طيب الان انتخبنا مجلس الشعب و رئيس للجمهورية و تمت الدعوة الى عمل دستور جديد فسنصبح امام حلين لا ثالث لهما :
ـ الاول ان يتم حل مجلس الشعب و يستقيل رئيس الجمهورية لانهم منتخبين على الدستور القديم و ما سيتبع ذلك من ضياع للوقت و الاموال و استنفاذ قدرات البلد فى اجراء انتخابات جديدة و ما يتبعه من توقف عجلات العمل و حذر من المستثمرين لدخول البلد حتى انتظار ما ستؤل اليه الامور

ـ الحل الثانى ان توضع مادة انتقالية و تجعل هذا الدستور غير معمول به الا بعد انتهاء على الاقل فترة ولاية الرئيس المنتخب و بالتالى لن يتم العمل بالدستور الجديد و سيظل العمل بالدستور القديم المهلهل لمدة اربع سنوات قادمة من تاريخ انتخاب الرئيس القادم و بالتالى سيظل الرئيس القادم يحمل نفس الصلاحيات الخرافية و الديكتاتورية و سيظل نفس مجلس الشعب الصورى و مع الوقت و فى خلال الاربع سنوات سيتم بمنتهى السهولة امتصاص روح الثورة و مع وضع الموالين للرئيس فى جميع المناصب الهامة وذلك بأستخدام صلاحياته و نصبح نموذج مصغر من روسيا التى قام فيها بوتين عقب انتهاء مدة رئاسته لروسيا بوضع ميدفيديف الرئيس الحالى و اخذ هو منصب رئيس الوزراء

ماذا فى حالة الرفض
* اما فى حالة رفض التعديلات الدستورية فليس معنى هذا العودة للعمل بالدستور القديم لانه ببساطة الجيش يحكم الان و وضع الجيش نفسه بناءا على الدستور القديم غير دستورى و لا يوجد مجالس نيابية و بالتالى ليس امام الجيش سوى حل وحيد حتى يظل ممسكا بذمام الامور الا و هو اسقاط الدستور القديم و الدعوة الى عمل دستور جديد و خلى بالك ان حل مجلسي الشعب و الشورى ليس من سلطات الجيش الا فى حالة الغاء الدستور القديم
و بالتالى رفض التعديلات معناه رفض الترقيع للدستور القديم و ضرورة الغاء الدستور القديم و بأذن الله الدعوة الى عمل دستور جديد
و خلى بال حضرتك من حاجة برده الجيش ميقدرش يرجع للدستور القديم لو رفضنا التعديلات لان مفيش رئيس جمهورية و مفيش مجلس شعب و بالتالى لو الجيش حب يرجع العمل بالدستور القديم يبقى يسلم السلطة لرئيس المحكمة الدستورية العليا اللى المفروض يدعو الى انتخابات رئاسة الجمهورية خلال ستين يوم و لكن نتيجة ان مجلس الشعب تم حله يبقى مفيش مرشحين بسبب المادة التعجيزية الموجودة فى الدستور القديم و بالتالى برده لابد من الغاء الدستور
شوفت حضرتك ان الجيش لو رفضنا التعديلات مش هيبقى امامه الا خيار وحيد الا هو الغاء الدستور القديم

فما رأى الاخوة فيما ابديته من ملاحظات و لو كنت مخطئ فأنى فى انتظار ارائكم

**ahmedjumpo** · 14-03-2011 02:12 PM

و هذ كان رد لى على استاذ عزيز

المشاركة الأصلية كتبت بواسطة hn_kamal

أولا أنا شايف ان التعديلات منطقية جدا وحقول نعم عليها

بس علشان نستفيد اكثر ممكن اللى بيقول ان الدستور بعد تعديله لا يزال يعطى الصلاحية المطلقة لرئيس الجمهورية ممكن نعرف ايه المواد اللى لسه بتقول كده؟

المشاركة الأصلية كتبت بواسطة ahmedjumpo

بص يا استاذى التعديلات منطقية بس شكلية تمس فقط قواعد الترشيح و الانتخاب و لكن ماذا بعد
حضرتك فخ التعديلات ده و قعت فيه مصر فى اواخر عهد السادات عارف حضرتك ازاى , قام السادات بعمل تعديلات سيئة على دستور سيئ ولكن فى الوسط وضع المادة الثانية التى تخص الشريعة الاسلامية و بالتالى لاننا شعب متدين فصوتنا على التعديلات بالايجاب علشان هذه المادة فقط وعدت باقى الامور السيئة
و هذا ما يتكرر الان علشان شروط الترشيح بقت كويسة نسينا تماما الدستور و بلاويه
حضرتك سألت ايه اللى بيقول ان الدستور بعد تعديله لا يزال يعطىالصلاحيات المطلقة لرئيس الجمهورية و هبداء مع حضرتك بسؤال بسيط
المواد التى سيتفتى عليها اليست مواد من دستور قائم ؟!! اذن لو حضرتك وافقت عليها لابد من ادماجها مع نفس الدستور اللى جاءت منه و هو دستور 71 ممكن تقولى ليه
و ردى على حضرتك ان بعد ما تم انتخاب رئيس الجمهورية و مجلس الشعب ما الذى سيفصل بين اختصاصات كل منهم لحين الانتهاء من وضع الدستور الجديد , بالطبع مفيش غير الدستور القديم اللى فيه رئيس الجمهورية هو كل حاجة رئيس المجلس الاعلى للقضاء و الشرطة و الصحافة و القائد الاعلى للجيش و الذى يدعو مجلس الشعب للانعقاد و لو عايز يحلوا براحته و حاجات كتير و لو تحب رابط لدستور 71 اتفضل
http://ar.wikisource.org/wiki/%d8%af%d8%b3%d8%aa%d9%88%d8%b1_%d9%85%d8%b5%d8%b1_ 1971
فى النهاية بما ان حضرتك موافق على التعديلات حضرتك مع ايا من الحلين اللى طرحتهم فى اول الموضوع
و تحياتى لشخصك الكريم

**تامر.محمد** · 14-03-2011 02:20 PM

بص انا يمكن لحد دلوقت ما اخدتش قراري لأني فعلا مش قادر احدد ايهما افضل

بس تعال نفترض في حالة انه لأ

انا مش مقتنع ان فيه حاجة تمنع الجيش من انه يفعل الدستور القديم , حتى لو كان وضعه غير دستوري

**ahmedjumpo** · 14-03-2011 02:55 PM

المشاركة الأصلية كتبت بواسطة tlrsiap

بص انا يمكن لحد دلوقت ما اخدتش قراري لأني فعلا مش قادر احدد ايهما افضل

بس تعال نفترض في حالة انه لأ

انا مش مقتنع ان فيه حاجة تمنع الجيش من انه يفعل الدستور القديم , حتى لو كان وضعه غير دستوري

ردى لحضرتك

المشاركة الأصلية كتبت بواسطة ahmedjumpo

ماذا فى حالة الرفض
* اما فى حالة رفض التعديلات الدستورية فليس معنى هذا العودة للعمل بالدستور القديم لانه ببساطة الجيش يحكم الان و وضع الجيش نفسه بناءا على الدستور القديم غير دستورى و لا يوجد مجالس نيابية و بالتالى ليس امام الجيش سوى حل وحيد حتى يظل ممسكا بذمام الامور الا و هو اسقاط الدستور القديم و الدعوة الى عمل دستور جديد و خلى بالك ان حل مجلسي الشعب و الشورى ليس من سلطات الجيش الا فى حالة الغاء الدستور القديم
و بالتالى رفض التعديلات معناه رفض الترقيع للدستور القديم و ضرورة الغاء الدستور القديم و بأذن الله الدعوة الى عمل دستور جديد
و خلى بال حضرتك من حاجة برده الجيش ميقدرش يرجع للدستور القديم لو رفضنا التعديلات لان مفيش رئيس جمهورية و مفيش مجلس شعب و بالتالى لو الجيش حب يرجع العمل بالدستور القديم يبقى يسلم السلطة لرئيس المحكمة الدستورية العليا اللى المفروض يدعو الى انتخابات رئاسة الجمهورية خلال ستين يوم و لكن نتيجة ان مجلس الشعب تم حله يبقى مفيش مرشحين بسبب المادة التعجيزية الموجودة فى الدستور القديم و بالتالى برده لابد من الغاء الدستور
شوفت حضرتك ان الجيش لو رفضنا التعديلات مش هيبقى امامه الا خيار وحيد الا هو الغاء الدستور القديم

فما رأى الاخوة فيما ابديته من ملاحظات و لو كنت مخطئ فأنى فى انتظار ارائكم

تقدر تقولى ايه السيناريو اللى هيقدر يرجع بيه الجيش الدستور القديم فى حالة رفض التعديلات بعد شرح ما سبق

المشاركة الأصلية كتبت بواسطة tiger451

نعم للتعديلات الدستوريه مؤقتا

احترم رأى حضرتك و ارجو انك تقولى ما الحل الذى ستختاره بعد الموافقة

المشاركة الأصلية كتبت بواسطة ahmedjumpo

فسنصبح امام حلين لا ثالث لهما :
ـ الاول ان يتم حل مجلس الشعب و يستقيل رئيس الجمهورية لانهم منتخبين على الدستور القديم و ما سيتبع ذلك من ضياع للوقت و الاموال و استنفاذ قدرات البلد فى اجراء انتخابات جديدة و ما يتبعه من توقف عجلات العمل و حذر من المستثمرين لدخول البلد حتى انتظار ما ستؤل اليه الامور

ـ الحل الثانى ان توضع مادة انتقالية و تجعل هذا الدستور غير معمول به الا بعد انتهاء على الاقل فترة ولاية الرئيس المنتخب و بالتالى لن يتم العمل بالدستور الجديد و سيظل العمل بالدستور القديم المهلهل لمدة اربع سنوات قادمة من تاريخ انتخاب الرئيس القادم و بالتالى سيظل الرئيس القادم يحمل نفس الصلاحيات الخرافية و الديكتاتورية و سيظل نفس مجلس الشعب الصورى و مع الوقت و فى خلال الاربع سنوات سيتم بمنتهى السهولة امتصاص روح الثورة و مع وضع الموالين للرئيس فى جميع المناصب الهامة وذلك بأستخدام صلاحياته و نصبح نموذج مصغر من روسيا التى قام فيها بوتين عقب انتهاء مدة رئاسته لروسيا بوضع ميدفيديف الرئيس الحالى و اخذ هو منصب رئيس الوزراء

و فى انتظار رأى حضرتك و صححلى اذا كنت مخطئ

**M.almaghraby** · 16-03-2011 05:50 AM

انا عايز اتاكد يا جماعة ,, هل لو انتهي الامر ب لا , هل سوف يتم تشكيل لجنة لعمل دستور جديد ؟

**ahmedjumpo** · 16-03-2011 07:21 AM

المشاركة الأصلية كتبت بواسطة m.almaghraby

انا عايز اتاكد يا جماعة ,, هل لو انتهي الامر ب لا , هل سوف يتم تشكيل لجنة لعمل دستور جديد ؟

ايوه يا استاذى و امس كان فيه تصريحات رسمية بذلك و انه فى حالة الرفض هيقوم الجيش بعمل بيان دستورى يحدد الخطوات يعنى الدستور القديم مات

**Amgad64** · 16-03-2011 10:30 AM

انا اتفق مع الرأى بانه لو تمت الموافقه على التعيلات الدستوريه التى ستعيد الحياه الى دستور 71 ان يتم التقيد بما فيه , بدايه بنقل السلطه فورا الى السيد رئيس المحكمه الدستوريه و انتخاب رئيس الجمهوريه فى غضون 60 يوما وان يقوم رئيس الجمهوريه الجديد بتعديل وزارى يتم فيه استبعاد جميع الوزراء المتبقين من عهد مبارك بما فيهم وزير الدفاع (وهنالك قاده أفاضل عديدون يمكنهم تولى وزاره الدفاع كالفريق حتاته على سبيل المثال) . حيئذ يكون قد تم التنقيد بأحكام الدستور كما يطالب المؤيدون لنعم , ولكن حيث انه من المستبعد عمل ذلك (اى اننا نأخذ ونختار من الدستور لمصلحه البعض) ولا ندرى اى المواد سيتم تفعيلها واى المواد سيتم تعطيلها و بأختيار من , لذا ارى انه من الاحسن التصويت بلا والاتيان بدستور جديد لا شائبه فيه ولا أختيار لتفعيل أو تعطيل فقرات أو اجزاء منه حسب الحاله.

**أبو_يوسف** · 16-03-2011 10:39 AM

المشاركة الأصلية كتبت بواسطة m.almaghraby

انا عايز اتاكد يا جماعة ,, هل لو انتهي الامر ب لا , هل سوف يتم تشكيل لجنة لعمل دستور جديد ؟

مش شرط بالسرعة دي..
انما الاكيد اللي هايتم اعلان دستوري من المجلس العسكري يتم العمل به بدون استفتاء.. على ما اعتقد..

**ahmedjumpo** · 16-03-2011 10:04 PM

المشاركة الأصلية كتبت بواسطة amgad64

انا اتفق مع الرأى بانه لو تمت الموافقه على التعيلات الدستوريه التى ستعيد الحياه الى دستور 71 ان يتم التقيد بما فيه , بدايه بنقل السلطه فورا الى السيد رئيس المحكمه الدستوريه و انتخاب رئيس الجمهوريه فى غضون 60 يوما وان يقوم رئيس الجمهوريه الجديد بتعديل وزارى يتم فيه استبعاد جميع الوزراء المتبقين من عهد مبارك بما فيهم وزير الدفاع (وهنالك قاده أفاضل عديدون يمكنهم تولى وزاره الدفاع كالفريق حتاته على سبيل المثال) . حيئذ يكون قد تم التنقيد بأحكام الدستور كما يطالب المؤيدون لنعم , ولكن حيث انه من المستبعد عمل ذلك (اى اننا نأخذ ونختار من الدستور لمصلحه البعض) ولا ندرى اى المواد سيتم تفعيلها واى المواد سيتم تعطيلها و بأختيار من , لذا ارى انه من الاحسن التصويت بلا والاتيان بدستور جديد لا شائبه فيه ولا أختيار لتفعيل أو تعطيل فقرات أو اجزاء منه حسب الحاله.

يا استاذى احنا ماشيين مع الدستور بطريقة القص و اللزق نأخذ اللى عايزينه و نعدل اللى عايزينه و نعطل اللى عايزينه و هو كله عك دستورى
لو نظرت للسادة الافاضل اللى عدلوا الدستور و لغوا المادة 179 طيب ليه لم يلغوا المادة 190 و الحمد لله بقى عندنا الرئيس القادم ليه مدتين رئاسة واحدة اربعة و واحدة ستة و هو يأخذ اللى يعجبه
و لا السادة الافاضل سابوا المادة 101 و 102 و الخاصة بدعوة مجلس الشعب للانعقاد بدون تعديل و دلوقتى لو عملت مجلس شعب مش هيقدر يجتمع قبل منتصف شهر نوفمبر و ايه الحل
هندخل نفسنا فى مشاكل ليس لها حدود و ربنا يستر

المشاركة الأصلية كتبت بواسطة timtim

مش شرط بالسرعة دي..
انما الاكيد اللي هايتم اعلان دستوري من المجلس العسكري يتم العمل به بدون استفتاء.. على ما اعتقد..

يا استاذى هذا اعلان دستورى مؤقت للفترة الانتقالية حتى عمل دستور جديد و لا يحتاج اى نوع من الاستفتاء لانه مؤقت

-

الموضوع: ماذا بعد الموافقة او الرفض للتعديلات الدستورية

LinkBack

أدوات الموضوع

عرض

ماذا بعد الموافقة او الرفض للتعديلات الدستورية - انشر الموضوع فى :

-

-

-

-

-

-

-

المواضيع المتشابهه

بعد الموافقة على التعديلات الدستورية ,توقع شكل المجالس النيابية القادم

استفتاء قناة العربية 61% نعم للتعديلات 39% لا للتعديلات الدستورية فى مصر

«لَعَم» للتعديلات الدستورية

بكل تأكيد : نعم للتعديلات الدستورية

نعم للتعديلات الدستورية وباقصى سرعة

الكلمات الدلالية لهذا الموضوع

المفضلات

المفضلات

ضوابط المشاركة