زياد محمد بكير شاب من شباب ثورة 25 يناير .. مصمم تشكيلي بدار الاوبرا ووالده من محاربين اكتوبر 1973.. اختفى زياد يوم جمعة الغضب 28-1-2011 .. أهله فضلوا يدوروا عليه 43 يوم ولقوا جثته مع جثة الشهيد طارق عبدالحميد في المشرحة مصاب برصاصة في الصدر .. أهله متعرفوش على جثته بسبب اختلاف ملامحها وتحليل DNA هو اللي أثبت شخصيته .....
تم تشييع الجنازه يوم الاحد 13-3-2011 من مسجد عمر مكرم
العزاء فى مسجد آل رشدان مدينة نصر اليوم الاثنين 14-3-2011 بعد صلاة المغرب .... ..ويا ريت كلنا ندعيله بالرحمة وبالفردوس الأعلى
زياد بكير كان من محبي السيارات الجيب والسفاري وكانت ظروفه الماديه ميسره ...كان متزوج و لديه 3 اولاد
.
أسأل الله ان يرحمه ويجعله في الفردوس الاعلى وان يصبر اهله ويلهمهم الثبات .
الفيديو : ....ميريت محمد بكير اخت زياد تروي ماحدث.
YouTube - ‫طµط¨ط§ط. ط¯ط±ظٹظ… ط¯ظٹظ†ط§ ط¹ط¨ط¯ ط§ظ„ط±ط.ظ…ظ† ط§ظٹظ…ظ† ط§ظ„طµظٹط§ط¯ ط§ظ„ط¹ط«ظˆط± ط¹ظ„ظ‰ ط¬ط«ط© ط§ظ„ظپظ†ط§ظ† ط²ظٹط§ط¯ ط¨ظƒظٹط± ط¨ط¹ط¯ ظپظ‚ط¯ط§ظ†ظ‡ ظ…ظ†ط° 25 ظٹظ†ط§ظٹط± ط.ظ„ظ‚ط© 13 03 2011‬‎
عشان دم زياد ميروحش هدر ...هو مكانش ناقصه حاجه بس كان نفسه يشوف مصر احسن بلد في الدنيا
ياريت كل واحد فينا يحقق انجاز كبير في مجاله:
- لازم نوقف الخلافات بيننا ونقبل اراء بعض ونوضح وجهة نظرنا في اي موضوع باسلوب هاديء وبلاش عصبيه.
-ياريت نتعامل كويس مع بعضنا كمسلمين ومع اخوتنا المسيحيين "لأن اعداء الوطن عايزين مصر تولع بالفتنه الطائفيه".
- ياريت كل واحد فينا يراجع حساباته مع ربنا ويشوف هو مقصر في ايه لان الموت مايعرفش عمرنا كام "الموت يأتي بغته"
انا معرفش ممكن اموت امتى وازاي ولكن نفسي اموت موته ربنا يرضى عني بيها .
الله يرحم زياد كان مجهز معرضين المفروض كان يقيمهم "معرض صور فوتوغرافيه -معرض صور جرافيك" ولكن نصيبه انه يموت عشان احنا نعيش...واكيد دمه مش هايروح هدر لو كلنا اتغيرنا للأفضل وبقينا احسن بلد في العالم.
كل واحد فينا يسأل نفسه "لو النبي صلى الله عليه وسلم زارني في بيتي وقضى معي يوم هيبقى مبسوط مني ولا لاْ؟؟
-لازم احسن طبيب -مهندس-مدرس-محاسب-محامي....... يبقى مصري.
الهم انا نسألك حسن الخاتمه.
.................................................. .........................
