اذا سيارتك اتبهدلت و اتنصب عليك يبقى انت اكيد اكيد فى غبور

**Karim_Monir** · 09-04-2008 02:25 PM

يا ريت تكلم معندس عاطف عبد السميع مدير خدمة عملاء غبور اوتو عشان يعرف حجم الكوارث اللي عنده
هو ليه موضوع متثبت هنا باسمه وفيه رقم تليفونة الشخصي كمان

اخر حاجة احب اقولها انا كنت حابب الالنترا جدا جدا والتقدم التكنلوجي اللي فيها
وماجبتهاش بسبب غبور وماكنش في منها خليجي وقت ما جبت التويوتا
وكل يوم بتاكد ان اختياري كان صحيح وتوفيق من المولى عز وجل

**zakiali** · 09-04-2008 03:26 PM

فعلا انا لما رحت في صيانه الألف سألت المهندس علي جهاز انذار قالي ركبه عن نور العشم مش هيخرجك بره الضمان ! حد جرب المحل ده ؟؟

**أبو عبدالله** · 09-04-2008 03:35 PM

علشان الناس تبقى تصدق

والناس تدافع وخلاص حميه ليس في محلها

يا اخواني انا بأرفع راية لكم جميعا
يجب علينا عمل حمله لمقاطعة غبور
واللي يدخل المنتدى وبيسأل على عربيه هيونداي يعرف ممكن يتعمل فيه ايه

**zakiali** · 10-04-2008 04:45 AM

مقاطعة غبور ازاي ؟؟ يعني نروح نركن العربيات ونركب الأوتوبيس مثلا او نبيع الهيونداي ونشجع صناعة بلدنا ونشتري عربية نصر أكتوبر المجيد :D ؟

علي فكره انا كنت النهارده بزبط زوايا وبرصص الراجل قالي هو انت عملت صيانة الألف ولا لسه قلتله أيوه من أسبوع قالي يا بيه انت ربنا بيحبك العفشه كانت مفكوكه ومش متربطه ! توكيل غبور مبقاش بس زبالة لا ده بأه خطر علي حياة البشر ويجب القضاء عليه !! دبرونا يا اخوانناااا توكيل غبور ده عاوز واحد زي الراجل اللي بيقلد السادات ده علي الموبايل عارفينه طبعا .. يروح يزبطهم هناك . او الراجله بتاع " بت يا سالي " اللي علي الموبايلات ده .. عارفينه أكيد مينفعش معاهم غير كده .

**r0xer** · 10-04-2008 05:26 AM

أقترح عمل موقع ضد غبور! و أن يكون المنشئين لهذا الموقع هم من أصحاب سياراته أصلاً... موقع زي دا كوريا هتاخد خبر بيه طبعاً + هيعمل قلق لغبور لعل وعسى يهتم بالصيانة زي ما بيهتم بالإعلانات والمبيعات كدا!.

**Sharky** · 10-04-2008 11:37 AM

المشاركة الأصلية كتبت بواسطة zakiali

مقاطعة غبور ازاي ؟؟ يعني نروح نركن العربيات ونركب الأوتوبيس مثلا او نبيع الهيونداي ونشجع صناعة بلدنا ونشتري عربية نصر أكتوبر المجيد :D ؟

أنا شايف إن المقاطعة تكون إن محدش يشترى عربيات جديدة من غبور على أمل إنه ممكن يغير سياسته مع العميل بعد كده
لكن إللى إشترى ربنا يكون فى عونهم

**Walidghali** · 10-04-2008 12:34 PM

أنا كنت داخل اسالكم على النيو اكسنت اذا كان حد جربها تطلع البلاوي دي كلها في وشي بس على العموم هى دي فايدة المنتدي العظيم ده
يبقى بلاش من هيونداى وعودة الى الدايووووووو
سلام

**mohamed ali** · 10-04-2008 12:40 PM

كان الله في عونك وربنا يصبرك علي غبور
وعلي فكره انا كنت حاطت الالنترا ضمن اختياراتى لكن بعد كل الي قريته عن غبور يبقى كده تغور
وخصوصا انا لية تجارب شبيهه مع رجب فورد الله يرحمه

**السيد أحمد** · 10-04-2008 01:20 PM

حسبنا الله ونعم الوكيل فيهم
انا شايف فى ناس كتير فى المنتدى عندها مشاكل مع غبور
ايه رأيكم لو تتجمعوا مع بعض وتروحوا لحمايه المستهلك مع بعض
وتقدموا شكوى جماعيه اعتقد ان هيكون ليها صدى كبير خصوصا
ان الناس بتوع حمايه المستهلك بتعمل شغل كويس وفى تجربة لزميل
لينا فى المنتدى رجعولوا العربية بسبب المشاكل اللى فيها واخد فلوسه كاملة
وممكن كمان تبعتوا اميلات لهيونداى كوريا
، وموضوع المقاطعة ده مهم برده انا كنت هشترى الفيرنا وجبت بدلها اللانوس
بسبب سمعة توكيل غبور

الموضوع: اذا سيارتك اتبهدلت و اتنصب عليك يبقى انت اكيد اكيد فى غبور

LinkBack

أدوات الموضوع

عرض

-

-

-

-

المواضيع المتشابهه

يبقى انت اكيد فى مصر

يبقى انت اكيد اكيد فى مصر

يبقى انت اكيد فى مصر

يبقى انت اكيد اكيد فى مصر ...!!!

يبقى انت اكيد في مصر

الكلمات الدلالية لهذا الموضوع

المفضلات

المفضلات

ضوابط المشاركة