الموضوع: تقرير عن زياره لتوكيل نيسان بسبب مشكله في البنزين

فرق شاسع فعلا في الاستهلاك بين الطرق السريعه وجوه البلد

المشاركة الأصلية كتبت بواسطة tiger451

فرق شاسع فعلا في الاستهلاك بين الطرق السريعه وجوه البلد

المفروض الطرق في جوه البلد تبقى زي الطرق السريعه
ازاي الله اعلم

المشاركة الأصلية كتبت بواسطة mff_629

السلام عليكم و رحمة الله و بركاته
أنا كنت عايز أعرف إزاي بتقيسوا الاستهلاك ؟؟
أنا عارف طريقة اللي هيه أفول التانك و أصفر العداد و أرجع بعد كدة أفول تاني و اللي أحطه يبقى هو ده الاستهلاك و اللي العداد كاتبه يبقى هو ده عدد الكيلو مترات
بس المشكلة إن كل مرة أفول فيها المؤشر مكانه بيتغير !! و فكرة إني كل مرة أحط بنزين من عند نفس البنزينة ديه صعبة جدا جدا لظروف مشاويري الخاصة
لو في حد عنده طريقة أدق أو أسهل أو أي طريقة تانية ياريت يبعتهالنا
و شكرا

و عليكم السلام و رحمه الله و بركاته

الموضع ابسط مما تتخيل

مالكش دعوه بالمؤشر حتى لو كان بايظ او حتى مش شغال مش مشكلتنا
حاجتين مهمين
1عداد الكيلومترات الي في السياره
2 عداد البنزين الي في البنزينه ياريت يكون ديجيتال علشان الحساب يكون مظبوط

و تبتدي تخش البنزينه و تقوله فول على الاخر و تصفر العداد مالكش دعوه حط لترين او 3 او حتى 50 لتر

و تبتدي المشوار بتاعك على حسب جو البلد او طرق سريعه

و لما تخلص المشوار و يا حبذا يكون العداد عمل 100 كيلومتر فيما فوق تروح على اي بنزينه و تقوله فول على الاخر

و من هنا تاخد بالك حط كام لتر بالظبط و تكتب الرقم و تشوف العداد عامل كام كيلو بالظبت و تحسب الاستهلاك بالمعادله دي

20*عدد الكيلومترات المقطوعه / كميه البنزين المعبأه

مثال حسابي

عملت 133 كيلو و خدت منك 15 لتر بنزين
يبقى 20*133 / 15
20*133= 2660
2660/15 = 177
كده الصفيحه بتعمل معاك 177 كيلو

اي خدمه تانيه يا باشا