سوزوكى سويفت 94

**Dr_Mido** · 09-04-2008 06:10 AM

هو مفيش مواضيع بتتكلم عليها عليه ياريت حد يفيدنا برايه فيها لان واحد صاحبى هيشترى واحدة معروضه عليه و سئلنى قلتله معرفش عنها غير شكلها من برة ولا حتى سقتها
ياريت اى حد عندة معلومات عنها و رينج سعهر ومشاكلها ايه وكدة
شكرا مقدما

**Dr_Mido** · 09-04-2008 06:25 AM

والنبى يارجاله متنسوش الرد علشان الواد دة هيجننى مكلمنى دلوقتى بيقلى العربيه كانت مخبوطه من ورا ومتغير حاجات فيها فى الشنطه ولا الشنطه كلها مش عارف

وانا مش عارف دة كدة عيب ولا عادى ولا ايه :D:D:D:D
ربنا مايبليكو بصاحب عايزز يشترى عربيه زى دة

**hazem_khidr** · 09-04-2008 06:38 AM

بص يا ميدو
ال 94 لو تكييف تبقي ياباني
حدود سعرها من 34 الي 38 حسب النظافه.
بالنسبه للشنطه ف انا مش متخيل ايه اللي فيها بالضبط
لو باب الشنطه متغير عادي مفيش مشكله.
انما لو الخبطه مسمعه جوهالشنطه يبقي بلاش منها احسن
و خليه يفرجها لسمكري كويس.
واهم حاجه يتاكد ان الفجاوي كويسه و مافيهاش بارومه
و السقف برضه اهم حاجه الســــــــــقف لانه بيسرح فيه البارومه جامد

**Sherif_A_Kamal** · 20-04-2008 12:06 AM

د ميدو
بالنسبة للسوزوكى بالذات الصاج بتاعها ورق يمكن يكون كمان اضعف من الهيونداى القديم فاذا كانت العربية مخبوطة فبلاش منها خالص لان ممكن بخبطة فى الشنطة مثلا سهل جدا تأثر على صاج العربية كله انا عامة لم انصح تماما بسوزوكى راشش برة بالمرة , وتكون يابانى.
لكن هى عربية ناعمة جدا عفشة ناعمة موتور 1300 87.5 حصان , وفى منها 1600 سىسى موتور كبير على حجم العربية جراية عاملة زى الفيرنا واطية بتساعد على ستابيليتى كويس بس طبعا برده لازم تعوم تقريبا ممكن بعد ال140 كم سهلة المناورة قطع غيار متوفرة اليابانى منها مش غالى ولا برده رخيص بس هى موتورها على فكرة احسن من الفيرنا والاكسنت , موتورها 10/10 يمكن يكون قريب من الكورولا 94.
السعر بالنسبة للسويفت 94 لو عربية حالتها كويسة يبقى 36.
سلام.

**Sherif_A_Kamal** · 20-04-2008 12:08 AM

د ميدو
بالنسبة للسوزوكى بالذات الصاج بتاعها ورق يمكن يكون كمان اضعف من الهيونداى القديم فاذا كانت العربية مخبوطة فبلاش منها خالص لان ممكن بخبطة فى الشنطة مثلا سهل جدا تأثر على صاج العربية كله انا عامة لم انصح تماما بسوزوكى راشش برة بالمرة , وتكون يابانى.
لكن هى عربية ناعمة جدا عفشة ناعمة موتور 1300 87.5 حصان , وفى منها 1600 سىسى موتور كبير على حجم العربية جراية عاملة زى الفيرنا واطية بتساعد على ستابيليتى كويس بس طبعا برده لازم تعوم تقريبا ممكن بعد ال140 كم سهلة المناورة قطع غيار متوفرة اليابانى منها مش غالى ولا برده رخيص بس هى موتورها على فكرة احسن من الفيرنا والاكسنت , موتورها 10/10 يمكن يكون قريب من الكورولا 94, مش بتسخن زى كل اليابانى.
السعر بالنسبة للسويفت 94 لو عربية حالتها كويسة يبقى لا تزيد عن 38000
سلام.

**Sherif_A_Kamal** · 20-04-2008 12:21 AM

د ميدو
عايز اضيفلك حاجة تانية مهمة ان هى متوفرة جدا فى البنزين.
سلام.

**hazem_khidr** · 20-04-2008 12:32 AM

انا عامة لم انصح تماما بسوزوكى راشش برة بالمرة

هو حضرتك فيه كام عربيه من 94 و لسه ما رشتش انهارده بعد 14 سنه.
و بعدين اه صاجها ضعيف لكن عضمها ناشف و حلو
و الخبطه لما بتيجي في الصاج مش مؤثره في حاله اي عربيه مش السويفت بس