النيو سيراتو و الحادثه !!
سلام عليكم يا رجاله كيا
انا عضو من قسم مرسيدس هنا جنبكم بس قلت اقولكم على موضوع حصل مع واحد صاحبى من اسبوع كده
صاحبى ده معاه سيراتو 2010 اتخبطت من عربيه نقل وهو ماشى و ضيعتله الرفرف الامامى يمين والاكصدام وطبعا الفوج و الفانوس اليمين و حته صغيره فى الكبوت !!
المهم وداها تتصلح ونزل النهارده جبلها الفانوس ورفرف والفوج بالشبكه بتاعته
و السمكرى قاله اللاكصدام ممكن يتصلح متجبش غيره .....بس اللى مدايقنى ومنرفزنى اوى بقى ان السمكرى المعفن ده قاله سمكره الجزء الصغير اللى فى الكبوت ده وتركيب الرفرف والفوانيس ورش الرفرف وتلميع العربيه هيتكلفوا 1900 جنيه !!!!!!!
ليـــــــــــــــــــــــ ــــــــــــه معرفش
المهم كلمنى و سالنى على السعر و بصراحه نرفزنى جدا و قلتلوه الاسعار دى غاليه بزياده ....
السمكرى مش هيعمل حاجه غير سمكره الكبوت بس والباقى بعد كده كله فك و تركيب يعنى مش هيتعب فى حاجه اخره يوم م يتنطط ياخد 200 جنيه و زيهم لحم الاكصدام
و رش الرفرف و تلميع العربيه يعملوا برضو بتاع 300-400 جنيه و 50 جنيه تركيب و توصيل الفوانيس عند الكهربائى
صح يا رجاله الكلام اللى بقوله ده ولا غلط ؟!!! :U_thin1[1]:
و ياريت برضو عايز اعرف الاسعار المناسبه لو كلامى غلط
ملحوظه : العربيه خليجى
و طبعا كالعاده تاعبكوا معايا ..بس مفيش غير رجاله كيا هما اللى هيفيدونى فى الموضوع ده:S_thum1[1]:
عمــــــر فكــــــرى