عمرو خالد مرشح حزب الوفد

**AshTurbo** · 14-03-2011 07:32 PM

كشخص أنا شايفه راجل محترم ودماغه كويسه ومنظمة يمكن ما أكونش مركز معاه أوي أو يمكن أكون بصتله من زاويه مختلفة غيري ما بصلهوش منها ولكن دة ما يمنعش أنه أنسان محترم .... كرئيس للجمهورية طبعاً لأ .

**Samah AbdAllah** · 14-03-2011 07:33 PM

المشاركة الأصلية كتبت بواسطة human12

تمام
وانا بعمل دورى انى اقول انى مش عايزه والاعضاء يقولوا رأيهم عشان اللى مش عارف يعرف

ديموقراطيه برضه
من حقه يرشح نفسه ومن حقى اتتبع كل حاجه عملها وانقدها واقول انه لا يصلح

هو عمرو بس اللى لا يصلح يا طارق
ده احنا هنشوف اشكال هترشح نفسها

ربنا يستر ومتلاقيش تامر حسنى مرشح نفسه

دى فرصتك يا طارق انطلق وانت ليك تاريخ فى السياسة

**enas75** · 14-03-2011 07:53 PM

براحه ياجماعه ....الراجل قال انه بيفكر مستقبلا وليس الانتخابات الجايه ...وقال انه اصلا غير مستعد ليها
انا شخصيا شيفاه ينفع اكتر في العمل الاجتماعي ....عنده القدره علي تجميع الشباب وبيطلع منهم افكار جميله وبيعرف ينظمهم
واخر مشاريعه مشروع انسان وكان ابتدي بيه فعلا في مدن الصعيد .....لكن جيمي معجبوش ووقفه
....................
فانا راي الاستفاده بيه كوزير شباب او قوي عامله حيبقي افضل
لكن رئيس ....لا والف لا
.....................
طب اسمعو الاحلي بقي الله اعلم دي اشاعه ولا استهبال ولا بجد ...بس اهو تفرفشو شويه
سعد الصغير بيفكر بجد في الموضوع بتاع الرئاسه ......

**AmAhmed** · 14-03-2011 07:56 PM

و انا اقرا الموضوع جت في بالي هذه الاغنية

هي نقصاك انت كمان
جاي وعايز مني حنان
اظن بتاعت ايهاب توفيق

لكن في صميم الموضوع
لا اري اي مؤهل او خبره تجعل من عمرو خالد شخصية تستطيع ادارة امور الدولة
لكني اراه كمدير مشروعات توعية او نشاطات خيرية
و الغريب ان سياسة الوفد في الشهور الاخيرة و خصوصا قبل الانتخابات الخيرة لمجلس الشعب المزور دائما
هي استقطاب المشاهير و حتي و ان لم يكن لهم اي مؤهل سياسي او علم عن العمل الحزبي من قريب او بعيد و دي استراتيجية عجيبة جدا و محيره

**human** · 14-03-2011 08:10 PM

المشاركة الأصلية كتبت بواسطة factorialx

أنا في رأيي إن لازم نعدي كلنا مرحلة " الشخصنة "

الفكره في السياسات إزاي ينط عمرو خالد فجأه على حزب ليبرالي التوجه

يعني المفروض يكون اولى بالترشح ناس تعبت ز كافحت في سبيل مبادئ حزب الوفد

كل الاحزاب هتقول ان هيه ليبراليه التوجه
الاخوان هيقول احلى برنامج ليبرالى

المشكله هيتنفذ ازاى ديه المشكله الفعليه

وبعدين هو اصلا ماله ومال السياسه عمرنا ما سمعناه قال كلمه فى السياسه ولا حتى قال كلمه واحده فى حق حاكم جائر

اصدقه ازاى!!!!!! هيحل المشاكل بأى طريقه؟؟ يالا يا اخونا؟؟؟ هيخطب و يقول يا اخونا يا اخونا وبعد الخطبه يدعى؟؟؟
رجل الدين رجل دين و نصحه فى السياسه لتقويم المجتمع
ماينفعش رجل الدين يبقى سياسه

ماعلش هو بيبيع ايه؟؟

**abo_anas** · 14-03-2011 08:11 PM

يا 100 نيله

**mr_vampire** · 14-03-2011 08:12 PM

لسة قاري خبر انه باع قميصه اللي كان لابسه فالتحرير في مزاد في الدوحة ب 35 الف دولار.

تفتكرو ده ينفع يقود شعب وبلد

**human** · 14-03-2011 08:14 PM

المشاركة الأصلية كتبت بواسطة mr_vampire

لسة قاري خبر انه باع قميصه اللي كان لابسه فالتحرير في مزاد في الدوحة ب 35 الف دولار.

تفتكرو ده ينفع يقود شعب وبلد

شوف لما يبقى ريس هيبيع الباقى بكام

**blazer** · 14-03-2011 08:20 PM

مرشح للرآسه لكل مواطن!
اما نسمع ان سعد الصغنطط مرشح نفسه محدش يدايق احنا بلد ديموا كراسى !
هو عموما اللى عاوز يرشه نفسه يرشه نفسه
بس المفروض ان هو رجل دين ايه علاقته بالسياسه
احنا فى المرحله دى عاوزين راجل سياسى وقانونى عشان يرجع لينا فلوسنا اللى مسروقه بره
يمكن انا البرادعى مثلا مائل ليه بسب انه راجل قانون دولى واشتغل فى منظمات دوليه و سياسيه لمده كبيره يقدر يرجع حقوقنا ويزبط اتفاقيات الغاز المضروبه والفلوس اللى اتسرقت والآثار اللى اتنهبت