الكل لازم يشارك و إلا

**م.احمد زكريا** · 14-03-2011 09:30 PM

هذا ما تم خلال الاستفتاء على تعديل الدستور في عام 2007

- عدد المدعوين للاستفتاء 35 مليون

- عدد الحاضرين 9,7 مليون

- عدد الاصوات الصحيحة 9,4 مليون

- عدد الموافقين 7 مليون

- عدد غير الموافقين 2,2 مليون

طبعا كلنا رفضنا نروح ولم نهتم وكنا سلبيين لأننا كلنا كنا عارفين التزوير البحصل
وكانت النتيجة ان الراح اعضاء الحزب وموظفين الحكومة والغلابة البيجروا ورا 20 جنيه

طيب لو فرضنا ان الغالبية الصامتة ( انا وانت ) كنا رحنا .... اكيد التزوير كان هايكون صعب وكانت الدنيا غير الدنيا

عشان كدا لازم كلنا نروح ونقول رأينا (نعم) أو (لا) مش مهم المهم المشاركة

**misoalex** · 14-03-2011 10:04 PM

ربنا يستر

مهو زمان الناس كانت عارفه النتيجه قبل الانتخابات
ايه اللى ينزلنى ويعرض حياتى للخطر وانت عارف اللجان كانت بتبقى عامله ازاى

انا اخر انتخابات رئاسيه مكانوش عاوزنى انتخب عشان غلطه فى الكشوف واكيد كانت مقصوده لان الى كانو بيدخلو ادامى كلهم من تبع مكتب الحزب الوطنى الى عندنا وكانو مت\نزلين ومراجعين على اسميهم قبل الانتخابات
واللى كان مسؤل عن اللجنه قاللى روح يا ابنى

طبعا دى اخرتها بعد ملفيت ورحت القسم اشوف اسمى على الكمبيوتر واروح مكتب مش عارف ايه فى المنطقه الفلانيه ومكتب مش عارف عضو مجلس الشعب فى المكان الفلانى
وفى الاخر مخدتش غير كلمه روح يا ابنى من المسؤل عن اللجنه تقريبا كان قاضى من القضاه (اشك بصراحه )

وطبعا لو كنت اتكلمت كان المعروف ايه الى حيحصللى

ربنا يستر المره دى وميبقاش فيه لعب لحد ليه مصلحه لحاجات معينه المره دى كمان