الموضوع: وادي بلطجية في شارع أحمد سعيد بيكسروا :@

المشاركة الأصلية كتبت بواسطة night_whisper

الجيش يضبط الحالة الأمنية بـ "أحمد سعيد" بعد سيطرة البلجية عليه لنحو 3 ساعات

نجح رجال القوات المسلحة في السيطرة علي الحالة الأمنية بشارع سليمان أباظة بمنطقة أحمد سعيد، بعد أحداث البلطجة، التي استمرت لأكثر من 3 ساعات، أصيب فيها بعض من أهالي المنطقة ومصرع أحدهم حيث قامت القوات المسلحة بالدفع بسيارتين مصفحتين ودبابتين، وقاموا بإطلاق الأعيرة النارية في الهواء لفض المواجهات والسيطرة على الموقف.
تعود أحداث الواقعة إلي نشوب مشاجرة بين بلطجية منطقة الويلية، مع بلطجية منطقة الحسنية، علي بيع المخدرات، حيث فروا بلطجية الويلية، داخل شارع النزهة الموازي لشارع أحمد سعيد، وقاموا بتكسير المحلات التجارية والتعدي بالضرب بالسيوف علي المواطنين الموجودين بالشارع، وحاصروا المنطقة بأكملها، إلا أن الأهالي قاموا بإلقاء الزجاجات الفارغة والمياه الساخنة علي البلطجية، إضافة إلي تصدي أهالي المنطقة لأعمال البلطجة.
ومع وصول رجال القوات المسلحة، توقفت أعمال الشغب، ولم يتم القبض علي أي من العناصر الخارجة على القانون، وأكد رجال القوات المسلحة للأهالي أنهم لن يغادروا المكان لحمايتهم، خوفا من التعدي عليهم مرة ثانية.

يذكر أنه قبل نحو 3 ساعات أصيب أهالي شارع سليمان أباظة بمنطقة أحمد سعيد بالقاهرة ، بحالة ذعر، بعد أن اقتحم نحو 600 بلطجي من منطقة الويلية علي أهالي شارع سليمان أباظة، والتعدي عليهم بالسيوف والذخيرة الحية وزجاجات المولوتوف، وإشعال النيران بالشارع.
أسفر الاعتداء عن حرق حديقة خاصة في "فيلا"، ومدرسة نوتردام الخاصة، كما أصيب 10 شباب بجروح متفرقة، وأصيب شخص بطلق ناري في قدمه.

وفى بداية انتشار البلطجية بالمنطقة قام الأهالي بالاتصال بالشرطة والاستغاثة بهم، إلا أن أعمال الشغب والبلطجة حالت دون تدخل الشرطة، الأمر الذي دعا أهالي المنطقة إلى التصدى لتلك التعديات حتى تدخل رجال القوات المسلحة لإنقاذهم.

ربنا يستر
الحاله متطمنش

المشاركة الأصلية كتبت بواسطة emo_ayman

تمام وزى ما قلت نقلا عن الناس اللى هناك الجيش وصل من نصف ساعة وقفل الطريق من تحت كوبرى احمد سعيد لحد مستشفى القوات الجوية وبيقولوا فى مركز هناك اسمه ابن خلدون اتحرق!!! واللى عرفته انها مش اول مرة بلطجية الوايلية ينزلوا يعملوا كده وعلطول خناقتهم بتبقى دموية مش ترويع بس.

اللهم احفظنا جميعا يا الله.

منطقة احمد سعيد ديه اللى قبل الكاتدرائية اللى فى الدمرداش من عند الكوبرى(كوبرى احمد سعيد)وانت داخل يمين على سنترال العباسية-مستشفى القوات الجوية وشارع سليمان اباظة هو اللواصل ما بين احمد سعيد وشارع رمسيس.

المشاركة الأصلية كتبت بواسطة emo_ayman

يعنى مفيش مدرعات ولا عربيات جيش قافلة الطريق من احمد سعيد وشارع رمسيس؟فى ناس هناك عاوزة تنزل تروح والناس قالولهم الطريق مقفول من عند الكوبرى.

المشاركة الأصلية كتبت بواسطة Mzeid

هما بيقولوا في شارع سليمان اباظة في منطقة احمد سعيد

هل دة غير شارع سعيد

المشاركة الأصلية كتبت بواسطة م.احمد زكريا

هة في إيه

تم القبض على بيقولوا دة من زمااااان هوة هرب تانى ولا اية ؟؟؟؟

المشاركة الأصلية كتبت بواسطة mido_soliman

تم القبض على بيقولوا دة من زمااااان هوة هرب تانى ولا اية ؟؟؟؟:u_thin1[1]:

ههههه

طالما انا مشفتش يبقى لازم اقول نقلا عن اللى قالوا.وعن نفسى اللى قاللى شخصين مقربين ليا وثقتى فيهم بلا حدود وفى مكانين مختلفين فى منطقة احمد سعيد وشارع سليمان اباظة.

المشاركة الأصلية كتبت بواسطة cheetos_892005

والله من واحد اعرفو ساكن هناك قريب

انهم بلطجيه مع بعض

والاهالي كانت تحت بتتفرج و تحوش عن بيتها وهو معاهم
جيه الجيش قال للاهالي اللي هلاقيه في الشارع
اعتقال

الاهالي فكوا و جاري التعامل

يبقي زفت بطاطا

بامر الله لو مباحث الشرطة معملتش حاجة يبقى الجيش بامر الله هيحاول يقضى عليه زى ابو كف بتاع 6 اكتوبر ومش فاكر مين تانى من العباسية.

المشاركة الأصلية كتبت بواسطة cheetos_892005

بطاطا ده اللي كان بيحكي عليه اخونا aif ؟؟؟؟؟؟؟؟؟؟

ههههه اسمه بشع

المهم ان ده طريقي كل يوم في الرجوع عشان بطاع كوبري غمره

نازل عليه هيسترية ضحك مش عارف هعمل ايه

هههه لا تقلق كوبري غمرة بعيد عن الدوشة ديه كلها.الكوبرى بيعدى فوق احمد سعيد من اوله وسليمان اباظة ده تقريبا فى نص احمد سعيد.