خلونا نوزنها بعقلنا ولا ندعى القدرة على التنبؤ بالغيب
خلونا نوزنها بعقلنا ولا ندعى القدرة على التنبؤ بالغيب
الخلاصة في دي ::
نعم ليه ببساطة ....
لأن اللجنة التي ستشكل لوضع دستور جديد للبلاد سيتم ترشيحها من مجلس الشعب المنتخب
أما لو قولت لأ ..
فسوف تشكل هذه اللجنة من قبل المجلس الاعلى للقوات المسلحة وده يعني ان اللجنة دي سوف تكون عبارة عن شخصيات عامة لا تمثل الشعب وسوف تكون علمانية وليبرالية وأشياء أخرى لا نعلم عنها شئ ولا تمثل الشعب
===================
وده رأي جميل جدا برضه
[frame="10 80"]هذا كان رأي انس الهواري في التعديلات الدستورية
لو رفضنا الدستور المؤقت فكيف سيتفق الناس علي لجنة تقوم بعمل دستور دائم يتناول مواضيع شائكة مثل مناقشة المادة الثانية او الغاء نسبة ال50% او تحديد نظام الحكم جمهوري أم برلماني
...
الناس اختلفت علي لجنة محايدة لعمل دستور مؤقت لغرض اجراء انتخابات فقط
السؤال هو من له الحق في تناول هذه الامور الخطيرة نيابة عن الشعب؟ و ماهي المدة المطلوبة؟
الاجابة هي ببساطة مجلس شعب منتخب انتخاب حر و المدة المطلوبه اقلها 6 اشهر لوضع دستور ثم مناقشات مستفيضة ثم استفتاء
انا شخصيا كنت أود أن تشمل هذه التعديلات الغاء نسبة ال50% و مع ذلك أوافق علي التعديلات بمجملها
لان لو رفضنا التعديلات سنظل في حالة فوضى و ثورات مضادة و حروب طائفية لعدم وجود مؤسسات منتخبة تمثل الناس
تذكروا أن الثورة نجحت فقط لأن المعارضة قررت تبقي ايد واحدة و لابد ان نستمر ايد واحدة
و لابد أن نتقبل أن ننتقل الي ديمقراطية ناشئة قابلة للتطوير و التوجيه أفضل من استمرار فوضي يبتكرها أعداء الثورة في ظل حكم عسكري انتقالي ممكن يبقي دائم
و لذلك اقترح ان نتحرك خطوات سريعة للامام لما بعد اقرار الدستور المؤقت:
التركيز علي حسن اختيار اعضاء مجلس الشعب الجديد لأن عليهم مسؤولية ثقيلة
دراسة ضمان نزاهة الانتخابات و بالاخص كيفية التعامل مع ظاهرة البلطجة في اللجان الانتخابية
تنتهي صلاحية مجلس الشعب القادم بانتهاء صلاحية الدستور المؤقت و بالتصويت علي الدستور الجديد الدائم حيث انه قد تم انتخابه بناء علي دستور مؤقت و بالتالي لابد من اختيار مجلس برلماني جديد يتوافق مع الدستور الجديد
هذه الفترة مابين الدستور المؤقت و الدستور الدائم كافية جدا لاثراء الحياة الحزبية و تقديم عناصر جيدة لقيادة البلد في جميع التخصصات[/frame]
طيب هو أنا ليه شايف إن كل 10 بني آدمين 9 بيقولوا لأ وواحد بيقول نعم؟؟
مش المهم مين بيقول ايه المهم انت مقتنع بايه متهيالى البرواز اللى فى مشاركة استاذ ابو عبد الله جايب الخلاصة وان كنت لا اتفق على كل ما جاء به لكنه جاء بافكار جيدة
غريبة اوى تفسير حضرتك ان الجيش هيجيب لجنة من العلمانيين و الليبراليين هو حضرتك بتتكلم على جيش مصر و لا جيش امريكا
يا استاذى لجنة انشاء الدستور فيها من كل الاطياف الاسلاميين و القضاة و الاقباط و العلماء و التجاريين و رجال السياسة و الاقتصاد و غيرهم من التيارات المختلفة لان الدستور يحكم الجميع
كتبت هذه المشاركة في موضوع آخر وأراها مناسبة هنا أيضا
(لا أدري من وضع في أذهان الإخوة السلفيين أن هناك من يجرؤ على التفوه مجرد التفوه بأشياء مثل منع الأذان أو إباحة اللواط أو زواج المحارم وما إلى ذلك..... سمعت هذه الحجج من كل سلفي تحدثت معه لدرجة أنني أصبحت اشك في جدوى النقاش معهم.
يا أحبائي السلطة للشعب ولا يستطيع حاكم ايا كان أن يفرض إرادته على الناس .... لقد ثارت مصر ولا يمكن أن تعود الأحوال إلى ما كانت عليه، من مصلحة الجميع أن يؤمنوا بالديمقراطية وحرية الراي للجميع لا لوجهة نظر واحدة فقط.... وعندئذ لن يكون هناك خوف من أي وجهة نظر تخالف تقاليد وأعراف المجتمع لأن الاغلبية سترفضها مباشرة .... صوت معي بلا للتعديلات الدستورية لأن دستورا جديدا هو فقط من سيضمن لنا ألا نُحكم قمعيا من جديد... إلا لو كنت تريد ذلك.)
لو نعم هندخل فى متاهات دستورية بسبب ارجاع مواد الدستور القديم للعمل مرة اخرى و فى نقاش بينى و بين الاخ samoevil911 حولها و ما سيتبع ذلك من تضارب فى الاختصاصات و حذر من اى استثمار
و فى بعض من الاخوة التى تقول نعم حجتها الاستقرار و ان المجلس العسكرى يترك الحكم و لكن للاسف طبقا لكلام الدكتور عاطف البنا الكلام ده لن يحدث
http://www.nilemotors.net/Nile/206962-ontv.html
لو لاء هيبقى الجيش مضطر انه يسقط الدستور القديم السيئ و يدعو الى عمل جمعية تأسيسية و عمل دستور جديد و بالتالى تؤسس دولتك على اساس سليم و تستعيد الاستقرار اسرع
و فى النهاية ادعوك لتلقى نظرة على هذا الموضوع
http://www.nilemotors.net/Nile/206813-a.html
و شوف برده المواضيع المؤيدة للتعديلات و كون وجهة نظرك و ربنا يوفقك
يا أخي الكريم انت حضرتك فهمت كلامي
انا بقول ان الجيش وقتها هو اللي هيشكل اللجنة ومش هيا دي المشكلة بالظبط
المشكلة ان اللجنة دي هو هيختارها من الشخصيات العامة
وللأسف الشخصيات العامة حاليا غير مرغوب فيها بالنسبة للشعب
يعني بمعنى آخر انها لا تمثل الشعب فعليا
لأن اغلبا علمانية وليبرالية وحاجت تانيه مقرفه
والشعب ولا هو علماني ولا ليبرالي
فهمت حضرتك
انا اقول نعم
ومجلس الشعب اللي سوف ينتخبه الشعب كله هو اللي ساعتهايختار الناس اللي في اللجنة دي ويبقى كده اختيار شعبي وليس شخصيات عامة
وعلى فكره علشان كتير ملتبس عليهم الموضوع
لو قولت نعم للتعديلات دي هيا فيها الزام بتغيير الدستور عن طريق تشكيل لجنة زي ما سبق وقولت عن طريق مجلس الشعب اللي هو منتخب من الشعب فعليا
يعني كده كده هيتغير الدستور برضه ولمن بانهي لجنة
لجنة شخصيات عامه لا تمثل الشعب فعليا ولا لجنة يختارها اعضاء مجلس الشعب المنتخب اللي كلنا انتخبناهم فعليا وبيمثلونا فعليا في ارض الواقع
شكرا للمناقشة يا رجالة, و نستني أراء أكتر.
رأي انس الهواري من اجمل الاراء اللي سمعتها
انا هقول نعم ان شاء الله لان بالفعل الدستور الجديد هيحمل العديد من المواد الشائكه اللي لو تم مناقشتها دلوقتي و الشعب لسة عنده شيء من فقد الثقه ممكن تؤدي لمشاكل و كوارث اكبر و هتؤدي للعديد و العديد من الفتن و المظاهرات و الاعتصامات اللي احنا في غني عنها دلوقتي و ممكن تبقي باب خلفي كمان لكلاب النظام السابق علشان يمارسوا الاعيبهم القذرة
الشعب دلوقتي بقي اكبر ضمان بعد ربنا طبعا لتنفيذ كل شيء لانه بقي مصحصح و مراقب كل حاجة و حتي لو تم الالتفاف علي المطالب الناس الحمد لله اتشالت الكمامه من علي بقهم و بقوا يقدروا يقولوا لأ بصوت عالي من غير خوف
اهم حاجة احترام نتيجه الاستفتاء سواء بنعم او لا لان دة عين الديمقراطيه و هي احترام رأي الاغلبيه