الموضوع: احذروا سرقه الدقيق

يا جماعه سرقه ادقيق من المخابز انتشرت انتشار رهيب
انهارده بعد صلاه الفجر سمعنا صوت ضرب نار فى منطقتى قولنا اكيد حد مسك حرامى او فيه حاجه

نمت وقمت من النوم على دوشه كبيره فى الشارع وناس بالعبييييط وعربيه نص نقل قافله الشارع

طلع انهم سرقو دقيق من فرن مش عرف فين والناس بتجرى وراهم وهما بيجرو مش عارف ايه الى حصل العربيه لبست فى الرصيف نزلو منها جرى دخلو الشارع عندنا ولجل حظهم الجمييييييييل الشارع بتاعنا سد
طبعا اتمسكو واتفقعو علقه موووووووت لدرجه انهم كانو عاوزين يموتوهم فعلا والناس قالت لا سبوهم كفايه كده ولكن لو سابوهم طبعا كانو حيسرقو تانى وتالت والمره الجايه ممكن يقتلو كمان
المهم اتصلو بالجيش وجم بعربيه هامر ومعاهم ظابط لابس لبس ملكى عادى تقريبا مش من الجيش
المهم من كتر لمه الناس عليهم وعلى المكان الى حبسنام فيه الجيش شغل العصا الصاعقه وطلب من الناس تعمل كردون عليهم عشان يطلعوهم من غير محد يتعرضلهم
وفعلا طلعوهم وهما محاوطنهم من اكتر من 7 افراد جيش وناس ولزقو فى بعض عشان محدش يحاول يضربهم او يعمل فيهم حاجه

المهم بسأل عن حد سمع عن ضرب النار بتاع الفجر قالو اه دول سرقو مخبز تانى بالسلاح واخدو الدقيق ومحدش عرف يمسكهم

يعنى سرقتين دقيق فى منطقه واحده فى كام ساعه فقط
انا مصور فيديو ححاول ارفعه اوريكم طلعوهم ازاى


لازم اللجان الشعبيه ترجع تانى ونحرص الافران والمخابز عشان كده حرام بيسرقو اكلنا واكل الغلابه الى مش لاقين اكل اصلا

والشرطه عايمه فى البطيخ ومفيش حاجه حصلت ولا شرطه نزلت الشارع ولا زفت
كام عربيه ونش بتوع المرور ومش بيعملو حاجه غير شفت عربيه واحده متكليشه وادامها اكتر من 15 عربيه راكنه ومحدش فكر يكلبشها ادام فندق سان استيفانو


بركاتك يا وزير الداخليه الراجل عامل شغل جامد بصراحه
والشوارع بقت تفضى بعد الساعه 9 او 10 بالكتير وهو اصلا القتل والخطف والسرقه موجوده فى عز النهار مش باليل

المشاركة الأصلية كتبت بواسطة pro_samir

مستغرب علشان هامر والعادي بقي دبابه :)

ربنا يعديها علي خير

هههههههههههههههه ايوه اصلها عجبانى

تفتكر ينفع نعمل بيها تست درايف