الموضوع: أنا أتعقدت و جاللي أنهيار عصبي

السلام عليكم أخوتي الكرام
ما أسوء أن تشعر بأنك غريب في بيتك ......... و أنك أجنبي في بلدك

ما أسوء أن تشعر أنك تكره كل الناس ........ و لا تحب أحد
ما أسوء أن تخرج يوميا للمعاناة و تشعر أنك في منافسة حادة على الطريق و على دورك في الطابور
تأتي علي بعض اللحظات التي أريد أن أبكي فيها ......... و بعض اللحظات الأخرى التي أريد أن أقتل بيدي الأثنين من يسرقني في الطريق أو في الطابور بكل برود و كأن شئ لم يحدث

الناس يا جماعة كرهوني في مصر و في المصريين .......... لدرجة أني مش طايق أخرج في الشارع
أنا بكتب الكلام دلوقتي و أنا حزين و الله العظيم من كثرة الحزن و الآلم الذي أشعر به

أنا بالفعل كرهت السيارة و كرهت القيادة و مش طايق نفسي
حتى في الجامع و أنا بصلي مفيش أي نظام و كل واحد بمزاجه و بصراحة بقيت حاجة تقرف

أنا كرهت مصر و اللي في مصر و حكومة مصر و شعب مصر
أنا كرهت نفسي ........ و زهقت من حياتي ......... أنا بجد عايز أعيش في الصحراء بعيد عن الناس و بالذات المصريين ........ مش عايز أشوف أشكالهم ........ مش عايز أشوف و لا وش مصري .......... و للآسف أنا مصري ..........
شوفتوا ازاي الإحساس ده وحش
لما أهلك و ناسك يكرهوك فيهم .......... أهلي و ناسي ...... شعبي .... شعب مصر .......... كرهوني في حياتي ........ بقيت مش بأستمتع نهائيا بأي حاجة بعملها


مع أني كنت إنسان هادئ الطباع جدا ......... و اﻵن أصبحت عصبي جدا و أنفعل بسرعة جدا و البركة في سواقين مصر و حسبي الله و نعم الوكيل

أنا بجد عايز أعيط و أبكي و أصرخ ............ ( اقتباس )

عزيزى الفاضل
طبعاً انا اكتفيت ببعض كلماتك المعذبة التى تقطر قهراً وذماً بكل ما هو مصرى 000 ولكن يا صديقى العزيز انا معك لك كل الحق ولكن الم تسأل نفسك من هم المصريين فى اجمالهم ؟ اليسوا هم اخواتك واهلك وجيرانك واقاربك وكل من تتعامل معهم على ارض الكنانة !
اذن نحن نشتكى من انفسنا ولانفسنا فى نفس الوقت ! لذا ارجوك ان تهون عليك الامر فلا الامر يحتاج كل هذه العصبية المفرطة التى لن تستقيم معها الحياة
فأننى اعتقد انك بهذا الشكل سوف تصعب على نفسك التعامل مع الاخرين وسوف تكون دائما على استعداد للتعامل بعنف مع الجميع وهذا مكمن الخطورة فيما اشرت اليه 000 لذا اتمنى ان تستعيذ بالله وتحاول بقدر الامكان ان تصبر على مايصيبك من مشاكل الاخرين ، فماذا نفعل فى اهالينا هم منا ونحن منهم ولا يمكن لنا ان نتبرأ منهم مهما كان الامر ، ولا داعى للعيش فى اى مكان اخر غير مصر لان كل دولة ولها مشاكلها وان اختلفت عنا
هون عليك وفقك الله للخير

عندي نفس مشكلتك بجد مش عارف اتأقلم هنا بأي طريقه من تعامل كل البشـر

بجد حاجه تخنق

كل حياتي اساسا قلبت علي النت ولا بطلع من البيت الا نادر جدااا

لما بمشي في الشارع علطوووول سمعات في وداني حتي لو مش بسمع حاجه بس عشان اطنش

غير كدا اكتر حاجه بتضايقني من المصريين هنا و في كل مكان هي محاوله الاستذكاء عليك
او الفهلوه في كل التعاملات :@

و الله يا باشمهندس .......... أنا سعيد بمشاركتك قوي و أنا بالفعل اﻵن خطتى رقم واحد و الأولوية عندي دلوقتي ترتيب خروجي من مصر و الرجوع إلى بريطانيا
و ممكن أفكر في ماليزيا ....... و لكن ألن تكون اللغة عائق أمامي ؟؟؟

من الاخر معظم الناس الكويسة دلوقتي بتفكر في كده
عارف انا حاجة واحدة بس اللي حايشاني اني افكر اسافر
كل ماجي نفتح السيرة دي انا و اهلي و زوجتي نفكر في كل حاجة حاجة واحدة بس
اني مش عاوز اولادي يطلعو غرباء في دولة تانية
فين اهلهم فين صحابهم هيعيشوا ازاي هدخلوا مدارس ايه
هيدخلوا كليات ايه
من الاخر انا مش عاوز عيالي باذن الله ينشأوا الا في دولة اسلامية
كما فعل والداي من قبل ربنا يباركلهم بجد
توت فكر في الجوانب السلبية اولا
بالتوفيق

اأولاَ السلام عليكم و رحمة الله و بركاته
أنا بس عايز أطلب طلب صغير من الإدارة إنها تثبت الموضوع دة علشان كل اللي عايز يفضفض يدخل و يتكلم و يطلع كل اللي جواه .

بص يا توت أنا زيك كدة بيتولد في كل يوم ضغط من اللي بيحصل في مصر و زي ما انت عارف الضغط يولد الإنفجار و أنا زيك كدة بعيط بس كا يوم أه و الله كل يوم بعد أعيط على الحال اللي وصلنا ليه , أنا هقول لك حاجة أنا شعاري في الحياة خليك محترم تعيش محترم تموت محترم بس للأسف الكلام دة مش موجود عندنا , أنا و الأسرة الكريمة رجعنا من قطر سنة 1997 و كنت عايش هناك بكل بساطة في إحترام و كل حاجة و كنت أنا و صحابي في المدرسة صحاب كلنا مع بعض و مفيش نظام الشللية اللي موجود عندنا في مصر و مفيش حد كان يشتم التاني و لا يعامله وحش بس جيت مصر و دخلت المدرسة هنا للأسف كان في ناس في المدرسة بتقولي يا ***ر و أول ما رجعت من المدرسة إشتكيت لوالدتي و عيطت لأن أنا أصلاَ كنت متربي و واخد في قطرعلى الشتيمة دي حاجة مستحيلة جداَ و بالرغم من إن اللفظ دة كان مش أوي بس حسيت بالإهانة لأن أنا كنت متربي إن أنا ما أشتمش حد و لا أهين حد و العكس برضه إني ما أخليش حد يهيني بس نقول إيه بقى هي دي الطبيعة هنا .
المشكلة عندنا تغير في سلوك و طباع الإنسان المصري و حكاية الطوابير دي بتحصل معايا كتير جداَ كل يوم يعني أبقى واقف بشتري أو بحجز أو بدفع حاجة مهما يكن و يبقى مثلاَ في 2 قدامي واحد بيشتري و الثاني مستني بعديه و أنا الثالث فبحترم اللي واقف مستني دوره المهم الشخص الأول يخلص نفسه و ييجي الدور على الشخص اللي قبلي فأقف أنتظر لحد ما يخلص و ييجي دوري المهم ألأئيلك و احد داخل بيني و بين الشخص اللي عليه الدور علشان يدفع قبلي من غير إستأذان أو أي حاجة و في مرات تانية أبقى واقف بطلب حاجة أو بشتري و بعدين أنتظر اللي عليهم الدور عقبال ما يخلصوا و فجاة ييجي واحد في النص و طالب قبلي المهم البائع بيكون شافني و عارف ان انا على الدور و يدور وجهه للشخص الآخر و علشان أنا بحترم الناس اللي اكبر مني فمبتكلمش مع حد .
و لسة تاني هشارك تاني علشان عايز أفضفض علشان ما أنفجرش .

ببساطة يا توت
امشي
انا خدت القرار و الحمد لله و بدأت فعلا
و لو تفتكر كنت بافضفض زيك كده و كنت انت بتقوللى خليني هنا
أنا صح
و كل يوم باتأكد اني صح و مافيش فايده
امشي يا توت