| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 59

  1. #1

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    Thumbs down أنا أتعقدت و جاللي أنهيار عصبي - Facebook Twitter whatsapp انشر الموضوع فى :

    hasad">

    السلام عليكم أخوتي الكرام
    ما أسوء أن تشعر بأنك غريب في بيتك ......... و أنك أجنبي في بلدك

    ما أسوء أن تشعر أنك تكره كل الناس ........ و لا تحب أحد
    ما أسوء أن تخرج يوميا للمعاناة و تشعر أنك في منافسة حادة على الطريق و على دورك في الطابور
    تأتي علي بعض اللحظات التي أريد أن أبكي فيها ......... و بعض اللحظات الأخرى التي أريد أن أقتل بيدي الأثنين من يسرقني في الطريق أو في الطابور بكل برود و كأن شئ لم يحدث

    الناس يا جماعة كرهوني في مصر و في المصريين .......... لدرجة أني مش طايق أخرج في الشارع
    أنا بكتب الكلام دلوقتي و أنا حزين و الله العظيم من كثرة الحزن و الآلم الذي أشعر به :(

    أنا بالفعل كرهت السيارة و كرهت القيادة و مش طايق نفسي
    حتى في الجامع و أنا بصلي مفيش أي نظام و كل واحد بمزاجه و بصراحة بقيت حاجة تقرف

    الواحد يبقى سايق العربية في أمان الله و تبقى مثلا داخل على ملف ........ تلاقي واحد ابن 60 * 70 جاي من جنبك دايس بنزين على الأخر و يروح كاسر عليك و بعدين يفرمل ........ يارب أنتقم منهم

    تبقى داخل على مفترق طرق و يحصل نفس الموضوع مع الأختلاف إن الأخ يدخل في الحارة المقابلة العكسية علشان يعديك و يكسر عليك

    تبقى داخل على مطب و برضه واحد قارص بنزين و يروح داخل أدامك و يروح مفرمل و طبعا أنت لازم تفرمل جامد لأنك هاتخبط فيه !!!

    تبقى ماشي في الحارة اليمين ووراك واحد عايز يدخل في شارع يمين فبدل ما يمشي وراك 50 متر و لا حاجة ......... يروح دايس بنزين و يروح كاسر عليك و برضه يفرمل و يلبسك أنت في الحائط

    و تلاقي سواق معندوش دم على مطلع كوبري أو مطب صناعي و لاصق فيك ..........
    تبقى واقف طابور علشان تدفع فاتورة التليفون أو تشتري تذكرة مترو أو حتى في كارفور ........... و تلاقي الكل جاي يدخل أدامك بدون حتى استئذان و كأنك هواء ........ و كان لا وجود لك

    يا جماعة أنا بعمل دلوقتي خناقة كل يوم ......... بجد كل يوم خناقة بسبب السواقة و الطوابير و قلة أدب المصريين

    أنا كرهت مصر و اللي في مصر و حكومة مصر و شعب مصر
    أنا كرهت نفسي ........ و زهقت من حياتي ......... أنا بجد عايز أعيش في الصحراء بعيد عن الناس و بالذات المصريين ........ مش عايز أشوف أشكالهم ........ مش عايز أشوف و لا وش مصري .......... و للآسف أنا مصري ..........
    شوفتوا ازاي الإحساس ده وحش
    لما أهلك و ناسك يكرهوك فيهم .......... أهلي و ناسي ...... شعبي .... شعب مصر .......... كرهوني في حياتي ........ بقيت مش بأستمتع نهائيا بأي حاجة بعملها

    أخرج أروح كارفور ........ الناس تخبط فيك و مفيش كلمة آسف
    الناس تتخطاك بكل برود ......... و مفيش بعد اذنك !!

    أول امبارح شوفت عربية و الماتور مدلدل منه حاجة فشاورت لصاحبة العربية و قلتلها ماتورك فيه حاجة مدلدلة ......... راحت قالت بكل برود ما أنا عارف و راحت دايسة بنزين و طارت و أرقمتني بنظرة حقيرة و كأنني حشرة أو كنت أقصد أعاكسها أو شيء من هذا القبيل

    جاري ........ لا أعرفه جيدا ......... نسي مفاتيحه في الباب
    رحت خبطت على الباب ....... و قلتله أنت نسيت المفاتيح في الباب
    راح واخد المفاتيح ........ و قالي شكرا ( و نظرته إلي كأنني سارق أو حرامي ) و راح رازع الباب في وشي و أنا لسه واقف أدام الباب

    الناس مبقاش عندها أي ذوق .......... الناس بالفعل بقيت قليلي الذوق جدا

    و أنا النهاردة الصبح قاعد مع نفسي ........... بفكر ........ و كل الأفكار الشيطانية دارت في مخي .........

    فقلت بدل ما أعمل حاجة غلط ........ أفضفض مع أخواتي على المنتدي ......... أهو أي كلام يصبرني لغاية ما أغور من البلد دي و أرجع أعيش مع الناس المحترمة اللي عمري ما حسيت معاهم هذا الأحساس الشنيع ........ مع أني مش منهم ........ و مع أني أجنبي

    و ده اللي هايجنني ........ أعمل أيه يا جماعة ........ أنا مش طايق أخرج أروح أي مكان ......لأنه ببساطة لازم أسوق العربية و الحل الوحيد أني أشتري طيارة هليكوبتر و أتنقل بيها علشان أبقى في السما لوحدي بعيد عن السواقين المصريين

    مع أني كنت إنسان هادئ الطباع جدا ......... و اﻵن أصبحت عصبي جدا و أنفعل بسرعة جدا و البركة في سواقين مصر و حسبي الله و نعم الوكيل

    أنا بجد عايز أعيط و أبكي و أصرخ ............




    [img2]http://i59.tinypic.com/2vxpukz.jpg[/img2]


  2. #2

    الصورة الرمزية Dr_Mido

    رقم العضوية : 4503

    تاريخ التسجيل : 19Jan2008

    المشاركات : 2,257

    النوع : ذكر

    الاقامة : Cairo

    السيارة: N/A

    السيارة[2]: N/A

    دراجة بخارية: No

    الحالة : Dr_Mido غير متواجد حالياً

    افتراضي -

    والله حاسس بيك بس انا اتقلمت على الوضع دة
    بقيت شرس ومحدش بيقرب منى ويطلع سليم كدة
    اتعلم شويه افتاء على شويه نداله على 10 شويات قله ادب
    وخد كورس مع سواق ميكروباص مبرشم
    وخد قرض من البنك واشتريلك RBG صغير حطه فى الشنطه
    واالى يكلمك انسفه بس ولا تزعل
    مشكلتك انت محترم فى وقت غلط:D:D:D:D

    روق ياراجل دحنا كنا بنقول عليك العاقل اللى هنا:D:D:D
    صوت العقل يعنى:D:D
    روق كدة:)

    مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره


  3. #3

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    Thumbs down -

    اقتباس المشاركة الأصلية كتبت بواسطة Dr_Mido مشاهدة المشاركة
    والله حاسس بيك بس انا اتقلمت على الوضع دة
    بقيت شرس ومحدش بيقرب منى ويطلع سليم كدة
    اتعلم شويه افتاء على شويه نداله على 10 شويات قله ادب
    وخد كورس مع سواق ميكروباص مبرشم
    وخد قرض من البنك واشتريلك RBG صغير حطه فى الشنطه
    واالى يكلمك انسفه بس ولا تزعل
    مشكلتك انت محترم فى وقت غلط:D:D:D:D

    روق ياراجل دحنا كنا بنقول عليك العاقل اللى هنا:D:D:D
    صوت العقل يعنى:D:D
    روق كدة:)

    و الله يا دكتور ميدو ........... أنا بجد حاسس بآلام فظيعة في صدري من كتر الغيظ
    أنا متضايق جدا ......... أنا مش عارف أعمل أيه

    حتى أقول أروح الجامع أروق شوية
    تلاقي أثنين قاعدين و هاتك يا رغي ........ في بيت الله ........ كلام هايف و صوتهم عالي و متعرفش تركز و أنت بتقرأ القرآن

    الناس أخلاقهم في النازل ....... و قريبا ستنعدم تماما

    لما تروح تشتري حاجة البياع يقولك على ثمن و لغيرك بثمن تاني و كله حسب اللبس اللي أنت لابسه

    مفيش أي أخلاق ......... مفيش ذوق ......... و فيه فوضى و قلة أدب بس

    و شكرا على مداخلة حضرتك الكريمة

    [img2]http://i59.tinypic.com/2vxpukz.jpg[/img2]


  4. #4

    الصورة الرمزية SAbuhashem

    رقم العضوية : 357

    تاريخ التسجيل : 29Apr2007

    المشاركات : 1,099

    النوع : ذكر

    الاقامة : Cairo-Nassr city

    السيارة: B

    السيارة[2]: A

    الحالة : SAbuhashem غير متواجد حالياً

    افتراضي -

    على فكرة يا TUT أنا زيك بالظبط متربي و عايش برة ولما جيت مصر إتصدمت صدمات عنيفة من أخلاق بعض المصرين السيئة ولسة بحاول لحد دلوقتي أتأقلم على الغابة إلي في شوارع مصر دي

    فعلاً إنت بتحس و إنت ماشي في الشارع انك بني أدم ضعيف أو نقول مستضعف من الوحوش إلي حواليك واللي هيفترسوك في أي لحظه لو مفضلتش صاحي لأي حركة حواليك

    بس أقولك على حاجة أنا بحاول أجربها وأحياناً بتجيب نتيجة

    إفترض دايماً حسن النية من اللي حواليك حتى لو بتضحك على نفسك يعني لو ميكروباص طلع فجأه من اليمين وكان هيدمر جانب عربيتك قول جوة نفسك أهو مستعجل وبيأكل أولاده

    لو واحد ظريف لاصق في عربيتك من ورا وبيقلب نور وعاوز يعدي من فوق عربيتك وسع له وعديه وقول في نفسك اديني أثبت له اني أنا محترم أكتر منه يمكن يتكسف على دمه بعد كدة وعدوانيته تقل لإنه في الاساس مكنش متوقع انك توسع له

    اضحك على نفسك يا مان أحسن تعجز بدري يا إما بقولك إيه تيجي نهاجر تاني للأبد أنا ونت :)
    تعالى نعيش في ماليزيا أهي بلد مسلم ونضيفة ومنظمة جداً ومش محتاجة فيزا ولا غيره

    :(

    Thanks
    Eng.Sherif Shaker

    1Turbo , 2 liters, 3 Diamonds and 4 Cylinders = 400 Hp Evo

    سبحان الله وبحمده سبحان الله العظيم


  5. #5

    الصورة الرمزية Mustafa_Farouk

    رقم العضوية : 3826

    تاريخ التسجيل : 24Dec2007

    المشاركات : 1,625

    النوع : ذكر

    الاقامة : Cairo, Heliopolis

    السيارة: ya rab

    السيارة[2]: ISA Proton Gen 2

    الحالة : Mustafa_Farouk غير متواجد حالياً

    افتراضي -

    كلامك مؤثر جداً ودي الحقيقة بس لازم يكون في أمل لأنك كدة بجد حتتعب جداً.
    حول تنفد شوية وتتعامل ببرود أكتر. اعمل نفسك فلبيني.
    ربنا معاك ومعنا.

    [Ihttp://www.eldoros.com/ads/banner.gif[/IMG]


  6. #6

    الصورة الرمزية Islam_galal

    رقم العضوية : 772

    تاريخ التسجيل : 24May2007

    المشاركات : 2,655

    النوع : ذكر

    الاقامة : Alexandria

    السيارة: Polo 1999 & Elantra 2012

    السيارة[2]: Fiat 127

    الحالة : Islam_galal غير متواجد حالياً

    افتراضي -

    عندك حق في كل اللي قولته
    نفس التحربة مريت بيها و النتيجة
    إرتفاع في ضغط الدم و قولون عصبي . . . تخيل
    العصبيه انت الخاسر الوحيد منها

    إزاي تعيش في مصر . . . مش عارف

    لكن أكيد بأكبر قدر من البرود حتحافظ علي صحتك

    أنا عن نفسي بقيت عصبي جدا و بحاول أغير نفسي ، في أفعالنا اليوميه يحاول كل المصريين أن يظلموا بعض و أصبح ردي عبارة عن إني أقف و اخد حقي بإيدي و بعدين اكتشفت اني مافرقش حاجة عن من انتقضهم

    انا حاسس بيك قوي ، ربنا يقويك و يخفف عليك


  7. #7

    الصورة الرمزية m_aash

    رقم العضوية : 1196

    تاريخ التسجيل : 26Jun2007

    المشاركات : 532

    النوع : ذكر

    الاقامة : Cairo

    السيارة: Elantra2013

    السيارة[2]: Fiat 128 - DAEWOO Lanos

    دراجة بخارية: No

    الحالة : m_aash غير متواجد حالياً

    افتراضي -

    اقتباس المشاركة الأصلية كتبت بواسطة tutankhamoun مشاهدة المشاركة
    الحل الوحيد أني أشتري طيارة هليكوبتر و أتنقل بيها علشان أبقى في السما لوحدي بعيد عن السواقين المصريين
    من غير زعل
    برضه هاتلاقى طيار إبن 60*70 هاييجى من وراك و يقلبلك نور وممكن يشد و يكسر عليك زى بتوع القوات الجوية فى المناورات, لأنك برضه لسه فى مصر.

    ده سلوك و حضارة شعب ومن الصعب تتغير بين يوم و ليلة , فى رأيى لازم كل واحد مننا يعمل حاجتين
    أولا يحاول يربى ولاده قدر إستطاعته على إحترام الغير و الطريق والبلد والتعامل الحضارى.
    ثانيا نحاول نتكيف وكتير مننا عمل ده مع البيئة و الناس الهمج اللى بيشوفهم كل يوم
    وصدقنى هاييجى يوم ينصلح فيه حالنا كشعب وسلوك حضارى.
    أكيد ده مش هايحصل بعد سنة وللا عشرة حتى بس اتمنى أن ولادنا لما يكبروا يكون فيه نتايج كويسة , وإحنا مكتوب علينا نستحمل و أمرنا لله.

    م/ محمد عبدالمعز
    اللهم إني أتخذ عندك عهدا لا تخلفنيه , فإنما أنا بشر .... فأي المؤمنين آذيته أو سببته أو قال لعنته أو جلدته..فاجعلها له زكاة وصلاة وقربة تقربه بها إليك يوم القيامة
    .


  8. #8

    الصورة الرمزية tutankhamoun

    رقم العضوية : 2452

    تاريخ التسجيل : 04Oct2007

    المشاركات : 8,022

    النوع : ذكر

    الاقامة : ج ع ع .... للآسف الشديد

    السيارة: Proton Gen2 ...2007

    السيارة[2]: Proton Gen2 ...2007

    دراجة بخارية: لا يوجد

    الحالة : tutankhamoun غير متواجد حالياً

    Thumbs down -

    اقتباس المشاركة الأصلية كتبت بواسطة SAbuhashem مشاهدة المشاركة
    على فكرة يا TUT أنا زيك بالظبط متربي و عايش برة ولما جيت مصر إتصدمت صدمات عنيفة من أخلاق بعض المصرين السيئة ولسة بحاول لحد دلوقتي أتأقلم على الغابة إلي في شوارع مصر دي

    فعلاً إنت بتحس و إنت ماشي في الشارع انك بني أدم ضعيف أو نقول مستضعف من الوحوش إلي حواليك واللي هيفترسوك في أي لحظه لو مفضلتش صاحي لأي حركة حواليك

    بس أقولك على حاجة أنا بحاول أجربها وأحياناً بتجيب نتيجة

    إفترض دايماً حسن النية من اللي حواليك حتى لو بتضحك على نفسك يعني لو ميكروباص طلع فجأه من اليمين وكان هيدمر جانب عربيتك قول جوة نفسك أهو مستعجل وبيأكل أولاده

    لو واحد ظريف لاصق في عربيتك من ورا وبيقلب نور وعاوز يعدي من فوق عربيتك وسع له وعديه وقول في نفسك اديني أثبت له اني أنا محترم أكتر منه يمكن يتكسف على دمه بعد كدة وعدوانيته تقل لإنه في الاساس مكنش متوقع انك توسع له

    اضحك على نفسك يا مان أحسن تعجز بدري يا إما بقولك إيه تيجي نهاجر تاني للأبد أنا ونت :)
    تعالى نعيش في ماليزيا أهي بلد مسلم ونضيفة ومنظمة جداً ومش محتاجة فيزا ولا غيره

    :(

    Thanks
    Eng.Sherif Shaker
    و الله يا باشمهندس .......... أنا سعيد بمشاركتك قوي و أنا بالفعل اﻵن خطتى رقم واحد و الأولوية عندي دلوقتي ترتيب خروجي من مصر و الرجوع إلى بريطانيا
    و ممكن أفكر في ماليزيا ....... و لكن ألن تكون اللغة عائق أمامي ؟؟؟

    اقتباس المشاركة الأصلية كتبت بواسطة moustafafarouk600 مشاهدة المشاركة
    كلامك مؤثر جداً ودي الحقيقة بس لازم يكون في أمل لأنك كدة بجد حتتعب جداً.
    حول تنفد شوية وتتعامل ببرود أكتر. اعمل نفسك فلبيني.
    ربنا معاك ومعنا.
    شكرا يا أخي مصطفى على المداخلة
    و أنا بحاول بالفعل أني أكون بارد ........ بس مش قادر ........ أنا حاسس إني هاتجنن

    اقتباس المشاركة الأصلية كتبت بواسطة Islam_galal مشاهدة المشاركة
    عندك حق في كل اللي قولته
    نفس التحربة مريت بيها و النتيجة
    إرتفاع في ضغط الدم و قولون عصبي . . . تخيل
    العصبيه انت الخاسر الوحيد منها

    إزاي تعيش في مصر . . . مش عارف

    لكن أكيد بأكبر قدر من البرود حتحافظ علي صحتك

    أنا عن نفسي بقيت عصبي جدا و بحاول أغير نفسي ، في أفعالنا اليوميه يحاول كل المصريين أن يظلموا بعض و أصبح ردي عبارة عن إني أقف و اخد حقي بإيدي و بعدين اكتشفت اني مافرقش حاجة عن من انتقضهم

    انا حاسس بيك قوي ، ربنا يقويك و يخفف عليك

    شكرا يا أخي إسلام على النصيحة
    بس بجد مش قادر ......... خلاص ......... أنا بكيت دموع و أنا بكتب الكلام من كتر الغيظ و حاسس بضيق شديد بجد في صدري و في قلبي و ربنا يستر

    اقتباس المشاركة الأصلية كتبت بواسطة m_aash مشاهدة المشاركة
    من غير زعل
    برضه هاتلاقى طيار إبن 60*70 هاييجى من وراك و يقلبلك نور وممكن يشد و يكسر عليك زى بتوع القوات الجوية فى المناورات, لأنك برضه لسه فى مصر.

    ده سلوك و حضارة شعب ومن الصعب تتغير بين يوم و ليلة , فى رأيى لازم كل واحد مننا يعمل حاجتين
    أولا يحاول يربى ولاده قدر إستطاعته على إحترام الغير و الطريق والبلد والتعامل الحضارى.
    ثانيا نحاول نتكيف وكتير مننا عمل ده مع البيئة و الناس الهمج اللى بيشوفهم كل يوم
    وصدقنى هاييجى يوم ينصلح فيه حالنا كشعب وسلوك حضارى.
    أكيد ده مش هايحصل بعد سنة وللا عشرة حتى بس اتمنى أن ولادنا لما يكبروا يكون فيه نتايج كويسة , وإحنا مكتوب علينا نستحمل و أمرنا لله.
    شكرا يا باشمهندس محمد
    و أنا بالفعل أتفق معك إن التغيير في الوقت الراهن صعب
    و ده اللي مجنني و هايجيبلي العصبي ......... أنا بالفعل تعبت و زهقت و أكتر حاجة مضايقاني ........ إني عارف إن مفيش أمل

    [img2]http://i59.tinypic.com/2vxpukz.jpg[/img2]


  9. #9

    الصورة الرمزية hussein

    رقم العضوية : 227

    تاريخ التسجيل : 26Apr2007

    المشاركات : 889

    النوع : ذكر

    الاقامة : maadi

    السيارة: mafish

    السيارة[2]: terios

    دراجة بخارية: no

    الحالة : hussein غير متواجد حالياً

    افتراضي -

    الاخ العزيز توت: بالنسبة لموضوع السواقة شوفلك سواق (اذا كان عندك القدرة المالية) انا شخصيا رتبت نفسى على كده و هبدأ ادور على سواق هادى كده وابن حلال وداكمان ممكن يعملك المشاوير اللى مفيش داعى انك تروحها
    بالنسبة لموضوع الطابور و السلوكيات : انا معاك اننا شعب همجى و سىء بس زى مقال الاخ شريف حاول تلتمس اعذر ليهم ولو ان الكلام دا صعب جدا
    وياريت ياشباب اللى يعرف حاجة تخليه احساسو بالقلق والضغوط اقل يقولى حتى لو كان الحل انى اروح لدكتور نفسانى


  10. #10

    الصورة الرمزية lightspeed

    رقم العضوية : 5873

    تاريخ التسجيل : 17Feb2008

    المشاركات : 161

    النوع : ذكر

    الاقامة : Cairo

    السيارة: Fiat 131

    السيارة[2]: Seat ibiza

    دراجة بخارية: لا يوجد

    الحالة : lightspeed غير متواجد حالياً

    افتراضي -

    hasad">

    دا باين على حضرتك انك جبت اخرك(لدرجه التفكير فى الخروج من مصر)
    ربنا يصبرك ويصبرنا معاك
    وهو ده حال المصريين بعد ما بعدنا عن دينا ودخلت بيوتنا الفيدو كليبات والاغانى والرقص واصبحت كره القدم اهم حاجه عندنا(لدرجه ان لاعب كره القدم بقى اهم من دكتور الجامعه)
    يلا معلش...... حاول تتأقلم مع المصريين وزى ما قالك الاخSAbuhashem افترض دايما حسن النيه(والله هتحللك مشاكل كتير)
    والله المستعان



 
صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. مشاركات: 29
    آخر مشاركة: 20-10-2012, 09:40 PM
  2. هل انت عصبي ... اختبار يبين مدى عصبيتك ..؟؟؟
    بواسطة abogogo في المنتدى المنتــــــدى الاجتمــاعى
    مشاركات: 35
    آخر مشاركة: 24-03-2011, 01:44 PM
  3. ردو انتو علشان انا عصبي وممكن اكسر اي حاجة قدامي
    بواسطة mrwho1982 في المنتدى المنتــــــدى الاجتمــاعى
    مشاركات: 13
    آخر مشاركة: 13-12-2009, 05:04 PM
  4. يا جماعة أنا و الله أتعقدت وطلعتلي بؤليظة في نفوخي
    بواسطة shockoprinz في المنتدى فــــولكـــس
    مشاركات: 11
    آخر مشاركة: 22-04-2009, 09:46 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2