انا والتكييف وهواه

**Safroot77** · 15-03-2011 12:07 AM

طبعا كلنا عرفين ان الصيف داخل انا قلت اعمل ناصح والحق قبل الزحمة.
الصيف الى فات شحنت التكيف 3 مرات فى اماكن مختلفة وكل مرة بعد اسبوعين او تلاتة التكيف يضعف اروح اشحن تانى واكشف يقولو كلو تمام المهم بعد البحث على منتدانا الجميل وصلت ان فى واحد شاطر وامين فى ارض اللواء اسمة أحمد كلمتة من اسبوع والراجل محترم جدا قلتلة على المشكلة فى التليفون قال تعالى نشوف الاول رحت بعد الشغل الراجل كشف على العربية وقلى فى تسريب بسيط فى الكمبريسور بس ممكن يتعملو طقم إصلاح وهيتكلف 150 جنية و الشحن عندو نوعين نوع سوقى بــ120 ونوع تانى مستورد بـــ180 انا اخترت المستورد اخد الكمبروسر وطبعا انتو عرفين الحظر المهم انا سبتهولو يشتغل فية براحتو ورحتلو بعد يومين ركب يا باشا وشحن واول مرة يا جماعة اشوف حرارة الصالون 4.3C بمعنى اخر انا قاعد جوه تلاجة البيت بعد شكرى له اتكلت على الله ومشيت اسبوع كمان والتكييف قل تانى كلمتة يا عم احمد التكيف سرب تانى قالى تعالى نشوف الحكاية رحت انهارده كشف عليها من فوق و تحت لقى الابرة فيها تسريب ملوش لزمة الراجل غير الابرة وكبس وفعدنا نرغى يجى ساعة عشان يطمن ان الضغط مظبوط ومقلش تانى وبعد كدة حط فيريون تانى واتأكد من التبريد 10/10 و مسألنيش على أى حساب تانى.
انصح اى حد عندو مشاكل فى التكييف بالراجل دة (شاطر-أمين- محترم-مش بتاع اشتغالات)

**MoOoD** · 16-03-2011 09:56 PM

طيب هوه بيشتغل فى الـ bmw
ومن كلامك شكله راجل محترم فعلاً
ياريت عنوانه بالتفصيل او على جوجل إيرث
ورقم تلفونه إن وجد

ومبروك عليك التكييف يا باشا وصيف سعيد عليك وعقبالنا يا رب ههههههههه

**Safroot77** · 18-03-2011 10:51 PM

وانا عندو شفتو شغال فى كيا سيراتو الجديدة فاكيد الــbm عادى بص يا باشا انا هوصفلك الطريق زى ما انا وصلتلو شارع جامعة الدول وانتا جاى من ميدان اسفنكس على طول فى اخر الشارع كبرى اطلع الكبرى و تنزل النزلة اليمين وهتلاقى فى ترعة على يمبنك خليك معاها هتمشى يجى 5 دقائق هتلاقى مسجد على الترعة ادخل فى الشارع ألى امامة واول فتحة شمال هتلاقى المحل الورشة الفنية لهندسة التكييف وهو اسمة أحمد عبدالمنعم ورقم تليفونة 0125566609 وقلو انك جاى من طرف أحمد بتاع موبينيل ولو تحب اجى معاك مفيش مشكلة انا تحت أمرك

**al_manara** · 19-03-2011 12:01 AM

واضح ان ناس كتيرة بتشكر فية . ربنا يسهل ويكون راجل كويس فعلا . لان صنايعية التكيف الي بتفهم قليلة للاسف
في انتظار تعليقك علي التكيف كمان اسبوع كدة تقولنا اية الاخبار

**hugan** · 19-03-2011 12:17 AM

مبروك عليك التكييف
ياريت كل واحد يكتشف صنايعي عنده ضمير وفاهم شغله يعرف الاعضاء للا ستفاده
وكذلك كل صنايعي لا يوجد عنده ضمير

**ahmedsamy** · 20-03-2011 04:01 PM

المشاركة الأصلية كتبت بواسطة Safroot77

وانا عندو شفتو شغال فى كيا سيراتو الجديدة فاكيد الــbm عادى بص يا باشا انا هوصفلك الطريق زى ما انا وصلتلو شارع جامعة الدول وانتا جاى من ميدان اسفنكس على طول فى اخر الشارع كبرى اطلع الكبرى و تنزل النزلة اليمين وهتلاقى فى ترعة على يمبنك خليك معاها هتمشى يجى 5 دقائق هتلاقى مسجد على الترعة ادخل فى الشارع ألى امامة واول فتحة شمال هتلاقى المحل الورشة الفنية لهندسة التكييف وهو اسمة أحمد عبدالمنعم ورقم تليفونة 0125566609 وقلو انك جاى من طرف أحمد بتاع موبينيل ولو تحب اجى معاك مفيش مشكلة انا تحت أمرك

الوصفة دي كدة صح؟؟
Gameat Al Dewal Al Arabeya to El-zomor Canal - Google Maps