الموضوع: واضح ان الموضوع بقي فرض ارادة

المشاركة الأصلية كتبت بواسطة misoalex

حقتبس جمله واحده من كلامك

امال المفروض الثوار يعملو ايه

هو حضرتك عارف معنى الثوره ولا انت مش معترف ان دى ثوره اصلا



للاسف احنا الى بتعمل الفرعون بأيدنا واحنا الى بنخليه يركب ويدلدل رجله وبنقف نسقفله ونغنيله

مبروك علينا مبارك القادم لو فضلنا ماشين على هذا الاسلوب اسلوب اصنع لك فرعون تعبده وتفضل تقول الى ملوش كبير يعمله كبير ويسمع كلامه

بجد باستغرب جدا ليه حضرتك استشهدت بكلمات في جملة و احدة كتبت في سياق موضوع كامل و سأعيد لحضرتك الجملة كلها تاني
(( فهل المفروض ان يملي الثوار ارائهم و تناسو ان هذا المجلس مجلس و طني تمت الثورة كلها تحت حمايته من دباباته و طائراته و اسلحته التي لا يملكها الشعب و رأينا الحال في ليبيا حينما يكون للجيش ارادة غير ارادة الشعب ))
بص بقي يا سيدي
موضوع اني عارف معني الثورة ( الحالية ) بصراحة مش هكذب عليك محدش درسها لي قبل كده لا انا و لا حضرتك في المدرسة
و موضوع ان حضرتك تقيس هذه الثورة بالثورات السابقة التي درسناها في الكتب او شاهدناها فهذا ظلم لاي ثورة سابقة
مفيش ثورة بدون قائد و ثورة مصر للاسف تمت بدون قائد يجمع عليه الشعب و للاسف محدش هيقدم فيها تنازلات فاهم حضرتك قصدي يعني اللي نفهمه ان كان المفروض كل (( القوي التي انجحت الثورة ))
تتفق بقي علي المراحل التالية للثورة و لكن يا سيدي الفاضل
لانهم مختلفون فيما بينهم كقوي و افكار حدث اول انشقاق حاليا ما بين مؤيد للتعديلات (( الاخوان و الجماعات الدينية و غيرهم ))
و ما بين معارض لاجراء انتخابات حالية و لا نقول معارض للتعديلات اقولها مرة اخري معارض لاجراء انتخابات حالية ارجوك خلينا نصارح انفسنا و هذه المجموعة هي (( ائتلاف الثورة و بعض الاحزاب و غيرهم ))
فحضرتك بقي لما تقول بنعمل فرعون و تعمل مداخلة طويلة عريضة بدون دليل و منطق و بدون حجج منطقية اري بصراحة انك تجادل لمجرد الجدال
و اري ان و قتي و وقت حضرتك اثمن من ان يضيع في جدال بالباطل

م.حاتم السباعي

المشاركة الأصلية كتبت بواسطة medo_2060

الثورا لم يملوا ارائهم هما بيقولوا رأيهم زيهم زى اى حد والناس دى الى بدأت الثوره صحيح هى ثوره شعبيه بس هما كانوا الشراره و تعامل الجيش معاهم يبين انهم مش كابسين على نفسه مثلا ولا مطالبهم بتتحقق بالحرف الجيش مشكورا بيعمل الاصلح برضه بعد ما يدرسه
و جهة نظري انهم بيفرضو رأيهم
و باقي الكلمات اجد اننا لم نختلف عليها
... وبعدين ليه بنلوم الثوار ( دا لو فرضوا اصلا حاجه) اذا كان هما قالوا فى اخر بيانهم (ويؤكد الائتلاف احترامه الكامل للرأى الاخر وان الفيصل فى النهاية سيكون لصناديق الاقتراع )
حينما يعلن ان السبب المعلن غير سبب الرفض و جب الايضاح بمعني الكثير من مداخلاتهم في البرامج علي مدار اسبوع كامل تتحدث علي ان السبب الرئيسي هو تأجيل الانتخابات حتي يستطيعو مواجهة الاخوان و نجد ان قرار الرفض يخلو من السبب الرئيسي الا يدعو ذلك للاستغراب
فى حين جهات زى الاخوان بتقول واجب شرعى وبيعملوا مؤتمرات يحشدوا اراء تقول نعم... والحزب الواطى الى بيقول نعم وبيوجه كل اعضاؤه يقولوا نعم..
هم بيعلنو صراحة ان الساحة الان ساحتهم و هم سعداء بذلك
ثم ازاى حضرتك تحكم ان الى بيقول لأ غرضه حشد حشود لانه لايملك شعبيه .. هو كل الى بيقول لا زعيم حزب ولا اى مواطن هيقول لا ناوى يعمل حزب مثلا ...
انا لا اقول اخي الكريم انا انقل رأيهم بوضوح و بشفافية
وعشان لا نقلل من الى بيقولوا لا لو شوفنا الجهتين ( نعم و لا ) هنلاقى الجهه الى بتقول لا ناس اكثر ثقه والى كانوا مع الثوره من اول يوم لكن نشوف الجهه الى بتقول نعم الاخوان( بدون تعميم) عشان مصلحتهم والحزب الوطنى ولا تعليق عليه وطبعا فى ناس محترمه هتقول نعم من وجهه نظرها دا قرار يساعد البلد وانا بحترمهم جدا ودا المطلوب كله يقول رأيه
سبحان الله يعني حضرتك بتقول الكلام و عكسه
ان الاخوان هم من وافقو لان مصلحتهم تقتضي ذلك
و انا حينما اري من وجهة نظري ان من يرفضون الان لا يهمهم مصلحة البلد في التأخير لمجرد انهم يريدون ان يشكلو قاعدة شعبية
هوه احنا لازم نختلف و خلاص
وموضوع ان حضرتك تعتبر ائتلاف الثوره وابراهيم عيسى وبعض القانونين بيفرضوا رأيهم عشان بيقولوا عكس الى حضرتك عايزه فدى مع احترامى مش مشكلتهم..
يا سيدي الفاضل
حينما انقل رأيهم الواضح الصريح و هم من يخفوه فهذه مشكلتهم هم مش مشكلتي انا
اخيرا عشان مطولش الموضوع ابسط من كدا بكتير
مقتنع ب نعم ... روح قول نعم
مقتنع ب لا ... روح قول لا
والنتيجه هتمشى عالكل
و لذلك انا عبرت عن رأيي بكل صراحة فيمن يرفض حاليا التعديلات
و اكيد هدفنا في الاخر مصلحة هذا الوطن الغالي اللي هوه اغلي من كل التيارات و الاتجاهات

م.حاتم السباعي