الموضوع: تجديد عرض بريدجستون

يوجد فرع ايضا مش مذكور في القائمة موجود على كورنيش المعادي في محطة توتال مدخل رقم 2 امام جراند كافيه
وكنت عندهم امبارح وسألتهم على اسعار بعض انواع الكاوتش واول ما قولتله اني تبع نايل موتورز قاللي يبقى ليا خصم 5%

المشاركة الأصلية كتبت بواسطة damasry

مظبوط يا وليد بك وهو فعلا الخصم بقى 5% على كل انواع الكاوتش وليس 3% سابقا على المقاسات الرياضية فقط

بس هو الفرع ده مذكور فى قائمة الفروع يا باشا تانى فرع من فوق

معلش يا محمد بك العتب على النظر. اصل الصورة التانية مش واضحة قوي وكنت بقراها بالعافية.
امبارح كان اول تعامل مع فرع المعادي في ظبط النيتروجين لعربية اخويا
انا تعاملت مع فرع عباس العقاد (مهندس نجاد) في عربيتي وتعاملت مع فرع المنيل في عربية اخويا.
بس بصراحة استريحت جدا جدا لفرع المنيل ليس فقط لقرب المسافة بحكم سكني في حدائق حلوان ولكن لأنهم عندهم ضمير جدا في الشغل ما شاء الله لدرجة ان لما بروح اظبط النيتروجين العامل هناك بيكشف على كل بلف بعد التزويد باستخدام السائل.
انما المرة ديه ان شاء الله ناوي ابدأ التعامل مع فرع المعادي لأن كاوتش عربيتي وصل 65 الف كيلو ولسة كويس بس انا هغيره للامان فقط
الف شكر على تعاونك يامحمد باشا وربنا يجعله في ميزان حسناتك ان شاء الله

المشاركة الأصلية كتبت بواسطة dr_walid

السلام عليكم
ممكن تقولي علي عنوان المنيللاني فى الجيزة و عاوز ارح مكان قريب
و الصورة المرفقة مش واضحة
و شكرا

حضرتك هتدخل شارع المنيل من ناحية شارع الروضة وتفضل ماشي فيه لغاية ما تلاقي على ايدك الشمال مستشفى الندى وبعدها ماكندونالدز وعلى ايدك اليمين هايبر ماركت خير زمان
بعد خير زمان حضرتك هتدخل يمين والفرع هتلاقيه على ايدك الشمال مباشرة
ملاحظة: الشارع ده اتجاه واحد للخروج وليس للدخول. فا ممكن حضرتك تلف من الشارع اللي بعده او لو الشارع فاضي ممكن تدخل لأن الفرع في اول الشارع مباشرة