قصيدة عن الثورة

**dr_magdi2009** · 15-03-2011 02:50 PM

أرجوا أن تتقبلوا منى هذه القصيدة
وأرجو ألا يعتبر أحد أنها طعن فى الثورة--- لكنها إشمئزاز ممن يتحدثون بإسم هذه الثورة حاليا
وارحب بأى تعليق وأى مناقشة بلا قباحة أو شتيمة
==================================
...مصر أولا

خدعوك فقالوا ثورة شباب
ومحدش عارف ايه الهدف

خدوا التعليمات من العم سام
اللى طلب المقابل وبعدين الثمن

مين الهدف من كل ده
ابوهم اخوهم ودم الوطن

قالولهم سيبكو من الأدب أو تقدير بنى جنسكم
وبالمرة سيبكوا حتى من الحياء

كبيركم صغيركم دول الهدف
بيدوهم دمروهم حتى الفناء

لا تبقوا تاريخ ولا ذكريات
لانها شاهد على الإفتئات

اسرقوا وطنكم وقت الظلام
وناسه نيام وتحت اللحاف

دمتم لسام وجورج وكوهين
وكمان للبنى ومنى وشريف

طبعا حاتسألونى مين هما دول
دول واشنطن ولندن وكمان إسرائيل

كمان حاتسألونى هل من مزيد
أوضح واقول دول الطوابير

الاحتلال قادم بتؤدة وثبات
بس مش ذى ماكان بيحصل زمان

احتلال اقتصادى يلم الدولار
لأن كله ميه ميه ومتظبط تمام

تعالوا بينا نسأل الكلام ده جه أزاى

وأزاى جمعنا دولا فى الميدان
وقعدوا لغاية لما وقع النظام

أكيد فى حاجة ثانية
ولا أيه الكلام

حاأقول لكم الحكاية
من الأول باختصار

من اول 2001 بدأ الكلام أحداث
سبتمبر الاسود محطوطه فى الخيال

الامه دى شرسه وبتهدد الكبار
واسلامها خطر وبيفتت العظام

بعتولنا واحد من كارينجى يعلمنا الكلام
والثانى اسمه فضل بيحكيلنا حكايات

مهمتهم بسيطة وفى غاية الانفشاخ
يغسلوا دمغنا عشان الامريكان

والمستخبى اكثر ويودى اللمان
لكن مين اللى فاهم فكله توهان

سيدهم بره بيعطى التعليمات
وكله تمام ومستنى القطار

ضرورى ..ضرورى الناس تنام
عشان ماتفهمش حاجه وتساق كالنعام

ولأن الحكاية تدار باقتدار
فمطلوب منا نفهم كل اللى جاى

برنارد لويس حط المخطط
وجاء سبتمبر وشعللها كمان

الأزمة المالية عايزه فلوس
والفلوس دايما ..عند التيوس

تعالوا ندور ناخذها أزاى
ونسيل المسائل لشعوب الكبار

لازم سيناريو يحقق المطالب
ويدعم أفكار عزيزنا لويس

نخطط ندبر ..وندعم ونبدع
لدفع الشعوب لثورة عيال

نحقق هدفنا كغرب رشيد
ونضعف دولهم ونخليهم هزؤ

ندرب عيال ولائها ضعيف
عالفيس بوك لضرب الجميع

يقودوا مسيره حبالها طويله
لدفع الامور لنهاية الطريق

تساند وتدعم هذا المخطط
قناة الجزيرة حليفنا الوطيد

نبدأ بتونس وبعده الفراعنه
وفى الوسط نسقط جناب العقيد

وبعدين نمشى لباقى الطريق
ونسقط المغرب وبعده الخليج

نقود التحرك بفتنه ولغو
وننهيه تقسيما بلون وعرق

سيثير هذا بعض الاضطراب
لكنه فى النهايةغاية المراد

نحطم رموزا وندمر قيم
وننهى الأمور بفك الدول

ونرتع ونلعب ونأتى بدمى
تحقق امالنا وطول العمر

ونضع نهاية ثقافة ودين
سببت لنا مشاكل كثر

ونأتى بعالم مسلم ضعيف
يحقق أملنا وينهى الجدل

عالم مسالم يخضع لنا
ونغرف منه مالا وذهب

لكن القصة مش بس كده
دى فى ناس ثانيه لابده فى الذره

ترقب وتنظر لنيل الغرض
لكن دى قصه ثانيه نهايتها نكد

**Tarek Gen 2** · 15-03-2011 04:48 PM

بما انك مرحب بالرأى الاخر
فانا ارفض القصيدة موضوعا من اول حرف لاخر حرف
و ابدى اعجابى بسجعها و قافيتها و انتقائك للالفاظ

**wesam_salom** · 15-03-2011 04:58 PM

حضرتك اللى كاتبها

ولا جايبها من جروب انا اسف يا ريس

اصلى حاسس انها متنفعش تكون الا هناك

انت اتهمت كل الناس اللى شاركت فى الثوره او حتى وافقت عليها انها ناس مغسول دماغها

وكل ده تخطيط امريكى يهودى

نسيت بس تقول على موضوع كنتاكى