السلام عليكم ورحمة الله وبركاته.
أنا نويت - والنية لله- إني أغامر وأشتري بي إم 320 موديل 2006 (الشكل الجديد).... فما هي العيوب اللى المفروض إني أخللي بالي منها أو أركز فيها؟ خاصة إن قدامي واحدة عاملة كيلومتر قليل.
شاكر فضلكم مقدما.
تحياتي.
عرض للطباعة
السلام عليكم ورحمة الله وبركاته.
أنا نويت - والنية لله- إني أغامر وأشتري بي إم 320 موديل 2006 (الشكل الجديد).... فما هي العيوب اللى المفروض إني أخللي بالي منها أو أركز فيها؟ خاصة إن قدامي واحدة عاملة كيلومتر قليل.
شاكر فضلكم مقدما.
تحياتي.
للأسف ممعاييش زيادة! دا أنا حاسس إني بأتهور إني بأشتري عربية حتحوجني للتوكيل طول الوقت! بس أعمل إيه....حلم حياتي إني أمتلك وأسوق واحدة من أمتع السيارات فى العالم والموضوع بقي أقوي مني!!!!....ده أنا بأدخر في ثمنها بقالي سنيييييين!!!!
تحياتي وألف شكر...بس لاحظت إنها واطية قوي على الأرض! ربنا يسترها..............
مليون مبروك
يؤسفني اني أقولك ان فيها عيب خطير جدا
.
.
.
.
.
.
.
.
.
.
ملفته جدا للأنظار، ربنا يكفيك شر العين
و دي تجربتي للعربيه ,أتمني تنفعك فى رحله بحثك
http://www.nilemotors.net/Nile/81803-320-2005-a.html
شوف يا باشا ، أنا هاتكلم بشكل موضوعي، مش هقول حلوة أو وحشة ،
هي العفشة بتاعتها ناشفة شوية وبيزود دة كمان الكاوتش ال-run-flat ، لكن دة في مقابل ثبات هايل
المكنة مفيش فيها كلام ، وهي نفسها المكنة إلي في ال-318i الشكل السابق ليها بس مع تعديل في الأداء فقط ، وبالتالي قطع غيارها موجودة .
بالنسبة للكماليات فحدث ولا حرج ، ينقصها فقط ال-iDrive وفتحت السقف عن موديل 2007 بس غير كدة العربية تحفة كاملة المعالم :)
الصالون ضيق شوية لكن الكراسي مريحة .
نصيحتي ليك اتأكد كويس من العفشة عشان صيانتها غالية، والعداد طبعاً ، وإكشف عليها كشف كويس ، ولو هي كويسة توكل على الله
ولو عندك أي إستفسار تحت أمرك
معلش سؤال رفيع....هي بتاخد بنزين إيه 92 واللا 95 ؟ وبكام فردة الكاوتش الران فلات (فى المتوسط؟) عشان برضه الواحد يحط الكلام ده فى الحسبان.............!
تحياتي.
البنزين عادي بتقبل بنزين 92 ، لكن يفضل 95 عشان نسبة إنضغاط الموتور دة 12:1 ، ودة هيدي أداء أعلى كتير
الكاوتش ال run flat موجود دلوقتي كتير في السوق وفي منه تقريباً كل الانواع، كومهو وجوديير وبريدجستون وكونتننتال وميشلان ، بأسعار تبدأ من 850 جنيه وحتى 1350 جنيه للفردة (مقاس 205x55 R16 ) .
الإنذار الأصلي ووصلة الايبود دي options ممكن تركب عادي وبتتكود على العربية بدون مشاكل ، لكن مش نازلة أساسي في الموديل دة
كتر ألف خيرك والله....ربنا يكرمك على المعلومات القيمة. صاحبي بيقوللى فيها فتحة aux فى المخدع اللى فى النص. هل ده الواحد ممكن يشتريله وصلة مثلا من راديو شاك ويوصل الأيبود؟ بمعني آخر حد جربها؟
ألف شكر على ردك السريع وربنا يجعله فى ميزان حسناتك إن شاء الله.
تحياتي.
عربيه رائعه