انا مقتنع ان التعديلات الدستورية ليست الحل الأمثل لكن سأصوت بنعم . وهذه هي الاسباب

**wawoo** · 16-03-2011 06:05 AM

اقصر الطرق الى السلطة المدنية هى رفض التعديلات ...صريحة و واضحة من المستشار و من الجيش فى ما اعلن منزو قليل اعتقد كدة الرؤية واضحة تمام قبل الاستفتتاء ..لية بقى نستهلك الوقت فى التعديلات لما نقدر نعمل دستور جديد من الان ؟؟
قال المستشار محمد عطية رئيس اللجنة القضائية المشرفة على استفتاء التعديلات الدستورية إنه في حال رفض التعديلات فإن الجيش سيصدر إعلان دستوري جديد في شكل مرسوما يحدد مراحل الانتقال إلى سلطة مدنية في البلاد

**enas75** · 16-03-2011 08:25 AM

ان شاء الله نعم ...وذلك لرغبتي الشديده في وضع دستور جيد من قبل لجنه تاسيسيه انتخابيه وليس معينه من قبل الجيش او مضغوط علي تعيينها ......حتي اضمن تماما خروج دستور بيمثل كل اطياف الشعب........
اما بالنسبه لمجلس الشعب ...معرفش ليه بس انا شايفه انه حيبقي مجلس قائم علي افراد مستقلين منتخبين من شعب اصبح فيه وعي بحقوقه...حتي لو جت نسبه للاخوان كبيره شويه بالعكس حتكون مصدر معارض قوي يوازن المرشح الرئاسي ويقف ضده في اي فساد ممكن يحصل
بالنسبه للمناطق الفقيره ...في كل الاحوال بوجود دستور عدل او مهلهل ...المال حيكسب في المناطق الفقيره....واللي حيستعمل الفكر المادي للترشيح غالبا حيبقي فاسد ...وده امر السيطره عليه حتكون مستحيله......بس نسبته حتبقي كام جوه مجلس 3/4 علي الاقل منتخب بجد
معرفش ليه بس احساسي بيقول المجلس اللي جاي حيبقي قوي جدا لانه جاي يغير بجد
ولاني كمان شايفه ان مده السنه التاجيل ....لن تختلف بالنسبه لطبيعه مرشحي مجلس الشعب .....لاحظ ان فيه محافظات كتيره بيبقي شبه معلروف مين الي حيترشح وصعب اوي خلال سنه انك تفرض اشخاص وتحزاب جدد عليهم
ده غير اني معتقدش ان الحزب الوطني حيلحق يلمع مرشحين ليه فنسبه وجوده حتبقي ضعيفه...لكن لو استنينا جايز يقدر يجهز اسماء جديده وينط تاني جوه المجلس
...........................................

**enas75** · 16-03-2011 08:29 AM

حاجه تانيه فعلا ...ضبابيه الموقف سواء بنعم او لا ......بصراحه مقلقه
مفيش تاكيد ....نهائي علي حيحصل ايه بنعم او لا .....مخليه الانقسام ده وكل واحد بيوزن الامور من المعطيات ....الحلين فيهم قلق ومشاكل والحلين فيهم مميزات وعيوب ويمكن لو كنا عرفنا صراحه ...الجيش محدد ايه يمكن كان كلنا متفقين اصلا علي حاجه واحده
كل واحد ياجماعه يصلي استخاره ويتوكل علي الله ......وان شاء الله ربنا حيعمل اللي فيه لبخير لمصر

**human** · 16-03-2011 08:33 AM

الجيش اللى انتشر ده نفحه من الاحطياطى
ولا يدخل فى حساب من داخل من غرب ولا جنوب

**MEDO84EG** · 16-03-2011 09:50 AM

الله ينور

**Amgad64** · 16-03-2011 10:22 AM

انا ارى انه لو تمت الموافقه على التعيلات الدستوريه التى ستعيد الحياه الى دستور 71 ان يتم التقيد بما فيه , بدايه بنقل السلطه فورا الى السيد رئيس المحكمه الدستوريه و انتخاب رئيس الجمهوريه فى غضون 60 يوما وان يقوم رئيس الجمهوريه الجديد بتعديل وزارى يتم فيه استبعاد جميع الوزراء المتبقين من عهد مبارك بما فيهم وزير الدفاع (وهنالك قاده أفاضل عديدون يمكنهم تولى وزاره الدفاع كالفريق حتاته على سبيل المثال) . حيئذ يكون قد تم التنقيد بأحكام الدستور كما يطالب الؤيدون لنعم , ولكن حيث انه من المستبعد عمل ذلك (اى اننا نأخذ ونختار من الدستور لمصلحه البعض) ولا ندرى اى المواد سيتم تفعيلها واى المواد سيتم تعطيلها و بأختيار من , لذا ارى انه من الاحسن التصويت بلا والاتيان بدستور جديد لا شائبه فيه ولا أختيار لتفعيل أو تعطيل فقرات أو اجزاء منه حسب الحاله.