الموضوع: استهلاك البنزين في الساجا واستجابه اداره المنتدي

اخواني اسود بروتون وخصوصا الساجا
كلنا عارفين المشلكه بتاعه الساجا واستهلاك البنزين. المشكله الاساسيه بتاعه كل مالكي الساجا
واداره المنتدي بدات تدرس الموضوع
انهاردا تم الاتصال بي من طرف المهندي ايمن عادل من اداره المنتدي قسم بروتون وكان بيكلمني بخصوص استهلاك البنزين وسالني ازاي بحسب الاستهلاك ونصحني بطريقه اني احسب استهلاكي علي طريق سريع بعد ما افول العربيه وامشي حوالي 100 ك بعدها افول تاني عشان ده الاختبار اللي هيعملوه في التوكيل فا لو استهلاكك مش مظبوت تبقي عارف قبل ما تروح التوكيل فا كانت نقطه الخلاف اللي بيني وبينه ان الاستهلاك داخل البلد هو اللي مش مقبول ابدا وخصوصا ان الاستهلاك اللي موجود في الكتالوج ده متوسط مش استهلاك علي الطرق السريعه بس
واتكلما بردو علي موضوع قطع الغيار الغاليه (وده الموضوع اللي عملناله صفح علي الفيس بوك) وقالي ان احنا ممكن نقابل المهندس أمر ونتكلم معا في المواضيع ديه بس بعد ما اعمل حاجتين بخصوص الاستهلاك وبخصوص اسعار قطع الغيار
اولا بخصوص الاستهلاك اعمل الاختبار بتاع الاستهلاك اللي هو افول العربيه لغايه الزور وامشي بيها 100 ك (50 رايح وخمسين جاي علي طريق سريع ولوحدي وقافل الازاز) وافول تاني واحب خدت اد ايه خدت بنزين

ثانيا بخصوص قطع الغيار نعمل لسته باسعار قطع العيار في العربيات المنافسه (وانا كنت بتكلم علي الساجا) ونجمع اسعارها في العربيات اللي في نفس الفئه السعريه بتاعتها زي الفيرنا والانوس واللوجان واسعاها من التوكيل ونقارنا باسعار الساجا عشان نعرف الفرق اد ايه

انا بكتب الموضوع ده عشان اطلب منكوا جميعا عشان نساعد بعض في لسته اسعار قطع الغيار في العربيات المنافسهزي الفيرنا واللوجان واللانوس عشانن لما نتكلم نتكلم علي اساس قوي وعشان بردو اتمني حضوركو جميعا في المقابله اللي هتتعمل يوم الجمعه الجايه 18- 3- 2011 الساعه 2 بعد الصلاه ان شاء الله في التجمع الخامس امام مستشفي القوات الجويه في شارع التسعين عشان نتكلم في المواضيع ديه كلها
وعشان اللي بيشتكش من استهلاك البنزين للساجا يعمل الاختبار ده مع اني مش مقتنع بيه اوي

اتمني من الجميع الحضور والمشاركه

المشاركة الأصلية كتبت بواسطة gebreel

لو حابين اساعدتكم في قطع غيار اللوجان انا تحت امركم

ياريت
اللي تقدر تجيبلنا اسعاره من التوكيل يبقي تسلم ايدك