عجبانى اوى الـ m11

**smsm2020** · 15-03-2011 05:14 PM

ياجماعة بالله عليكو حد يجاوبنى بمنتهى الصراحة والموضوعية انا عجبانى اوى ال m11 وروحت شفتها فى معرض ابوالفتوح اللى فى المعادى وعجبتنى اكتر لما شوفتها بصراحة شيك اوى من برة ومن جوة بس خايف من تضارب اراء الناس فيها وانتو عارفين الواحد مش بيلاقى الفلوس احنا تعبانين فيها اوى بس مهم جداً بنسبالى رأيكو وشكراً.

**egypt0777** · 15-03-2011 06:21 PM

انت قلتها --- الواحد ما بيلقيش الفلوس

ابعد عن الاسبرانزا و مجايب ابو الفتوح وهتلك عربية تانية بسعرها هى مش رخيصة ده ب 70 الف تقريبا

**MOUSTAFA_SAAD** · 15-03-2011 06:26 PM

خليك فى المضمون وهات اللوجان مع احترامى انها عربيه شيك فعلا لكن مش عارف ليه الصينى حاسس انه مش مضمون وعموما اصحابه اكيد يعرفوا اكتر منى ويفيدوك احسن

**ALshahba** · 15-03-2011 06:28 PM

بص يا سيدي بالنسبة للعربية دي
فعلا اختيار موفق وسحبها كويس جدا وشكلها الخارجي جديد وعصري وايضا امكانياتها الداخليه جميله وجذابه
ومعدل سحب البنزين بتاعها كما قال مجربوها قليل جدا ..... ا لتر = 10كيلو او 7.5لتر = 100كيلو علي السريع
وكمان كمالياتها زاد عليها النور الاوتوماتيكي + حساس المطر

وبالنسبة لعيوبها من وجهة نظري:
1-ضيقه نسبيا من الداخل
2-العفشه ناشفه اكتر من 516

لكن تفييمي ليها بشكل عام = جيد جدا

**ALshahba** · 15-03-2011 06:33 PM

مع احترامي للوجان ...... لايوجد بها كماليات تساوي اي اسبيرانزات وكمان مش بالقوه اللي الناس قكراها يعني بتمنها تجيب اسبيرانزا 516 احسنلك وانت مطمن ....كفايه انها انتشرت وقطع غيارها رخيصه وكتييير من الميكانيكيه والكهربائيه يفهمو فيها

وسعر m11 الايام دي = 72الف جنيه

ولكن لو انت شايف ان المبلغ ده كتير علي اسم صيني...... فلا تفكر فيها واشتر مايحلو لك من اي ماركه اخري يستريح لها قلبك

(انا مجرب4اسبيرانزا)

**smsm2020** · 15-03-2011 06:50 PM

ALshahba باشا انا مش مستكتر سعرها ولاحاجة بالعكس بالنسبة لأمكانيتها سعرها كويس جداً وزى ما انتا بتقول دية بقى سعرها 72000 جنيه يعنى اكتر من اللوجان وهما الأثنين فى نفس الفئه ودة على ماأعتقد دليل على أن الناس حباها ولا أيه وأسف على التأخير

**ALshahba** · 15-03-2011 07:43 PM

اهلا بيك
بس انا معلوماتي ان اللوجان سعرها 64 الف والكاملة 68 الف تقريبا مع انها مش كاملة زي اقل اسبيرانزا

بس علشان اكون صريح معاك التوكيل بتاع الاسبيرانزا مش قد كده...يعني بالنسبالي مش عاجبني اوي وطبعا سعره غالي .....ولحوظه لو عايز تجيبها ارخصروح لسمير ريان بيبعها17.5 وممكن تجيبها علي 71 منه
وربنا يوفقك ....الف مبروك مقدما

**ALshahba** · 15-03-2011 07:43 PM

اهلا بيك
بس انا معلوماتي ان اللوجان سعرها 64 الف والكاملة 68 الف تقريبا مع انها مش كاملة زي اقل اسبيرانزا

بس علشان اكون صريح معاك التوكيل بتاع الاسبيرانزا مش قد كده...يعني بالنسبالي مش عاجبني اوي وطبعا سعره غالي .....ولحوظه لو عايز تجيبها ارخص روح لسمير ريان بيبعها17.5 وممكن تجيبها علي 71 منه
وربنا يوفقك ....الف مبروك مقدما