-
أخيراً أسبرانزا !!!!!!!
أحبائى وحشتونى جداً .. كنت غايب عنكم بقالى فترة علشان كنت بستلم العربية ..
وبصراحة أنا مكنتش عايز أنزل من العربية خالص .. وكل شوية بتلكك للمدام علشان أقعد فى العربية .. وعمال أتحجج علشان أسافر بيها كل شوية حتى أننى عملت بيها فى ظرف 3 أيام 650 كم ..
وطبعا غصب عنى لازم أحكى عن العربية بالتفصيل ..
أول ما عرفت أنى هستلم مكنتش مصدق من الفرحة وأنى أخيرا سأركب الوزة ولما أقعدت فيها وبدأت أول طلعة بالعربية بصراحة كنت خايف من العربية ومن المشاكل اللى سمعتها لكن بعد فترة الأحساس تبدل وحسيت أنها السيارة المطلوبة فعلاً ..
وبما أننى لست خبير سيارات فهذه بعض ملاحظاتى على السيارة ..
الموتور صوته هادئ جداً يشبه إلى حد كبير الكورى وإن كنت أسمع صوت الموتور فبيكون مع السرعات العالية ..
وطبعاً موضوع السحب كان من أول ما لاحظته فى السيارة وتذكرت ملام أبو نورا عن تقيمه لنوعية الموتور ومشكلة السحب وفعلا لاحظت أن الغيار يحتاج بعض الوقت حتى تاخذ السحب المطلوب وعندما أبداً من الغيار من الأول إلى الثانى على RPM 2000 العربية بيكون سحبها ضعيف لكن عندما أنقل على RPM 4000 أو 5000 العربية بيكون سحبها ممتاز جداً ..
التكيف شديد جداً ومفيش عندى مشكلة فى علبة الدريكسيون والعفشة ممتازة بس فى العفشة الخلفية من ناحية الشمال بتكون شديدة فى المطبات عن اليمنى ..
طبعا العيوب موجودة لكنها ليست مؤثرة .. يعنى مثل حركة الغيار بالفتيس ليست سلسة وبحس أنها بتعض عند النقل .. وفى مشكلة مش عارف هيا موجودة فى كل العربيات ولا عندى أنا بس أنه المفروض العربية نازل معها إنذار لكنه مش شغال ..
على فكرة فى واحد زميلى أستلم السيارة بعد منى وبعد تجربته للسيارة وجد أن العفشة ناشفة جداً لكن عندما ركب معايا وجد أن هناك فرق شاسع بين العفشتين إيضاً هو عنده مشكلة فى علبة الدريكسيون وأنا معنديش المشكلة دى ..
أداء السيارة حتى الأن أكثر من رائع على حسب تمنها ومعظم المشاكل اللى سمعت عنها غير موجودة .. وطبعاً لابد أن أشكر كل من ساهم بمعلومة سواء إيجابية أو سلبية فى السيارة لأنها بصراحة فرقت معايا كتير فشكراً جزيلا لكم ..
نسيت أقول لكم أمبارح كنت رايح الشغل بالعربية عن طريق العين السخنة والطريق السرعة فيه على 120 كم وبصراحة حبيت أشوف أداء العربية مع السرعات العالية وعلشان أشوف موضوع ثبات العربية وعلشان أشوف أداء العربية عن طريق طرف محايد أخذت معى أحد زملائى لآرى منه تقيمه للسيارة .. وصلت بالعربية على سرعة 180كم وكان معايا فى نفس الوقت على الطريق سيارة إلنترا بصراحة ثبات لا يمكن وصفه حتى أن زميلى علق على موضوع الثبات ده وتقريبا كنت ماشى أنا والسيارة الإلنترا مع بعض وبدون مجاملة للعربية كنت أحس ان السيارة ممكن تتفوق عليها فى السرعات العالية ..
مش عايز حد من اللى مجبش العربية يتحسر عن أنه مجبهاش ههههههههههه .. لكن فعلاً أنا كنت خايف من العربية جداً لكن الحمد لله الذى وفقنى لهذه السيارة ..
أسف على الأطالة ..
-
ألف مبروك يا أستاذ محمد وربنا يرزقك خيرها ويعيذك من شرها , بس متجبش على 180 كده وهي لسه في التليين :)
-
مبروك عليك ياأستاذ محمد وربنا يديك خيرها ويكفيك شرها . وشكرأ على عرض تجربتك الشخصية وتنمنى المتابعه .
-
ياريت تتابعنا كل شوية بتقيمك على السيارة...والف مبروك...وربنا يباركلك فيها...
-
الف مبروك يا استاذ محمد-ربنا يباركلك فيها ويكفيك شرها -كنت اظن ايضا ان الانذار لا يعمل عندما استلمت ولكن تشرف وقتها سيادة المستشار يحى والد المهندس أمر وشرح لى عمليا كيف يعمل --ولكن بصراحة مش عارف اشرحلك بالكتابة كدة -وبعدين مش غلط برضة انك تجيب السرعة العالية وانت فى التليين --وعلشان نفسك كمان كدة خطر فعلا --
-
الف مبروك استاذ/ محمد وربنا يحفظك ويحفظها
180 ك هوه انته مش فى التليين ولا ايه ؟
موضوع العفشه وعلبه الدركسيون همه مش المفروض انهم حلوا لمشكلتين دول وان العربيات الى بتتسلم جديد مفيهاش العيوب دى
سؤال لحضرتك العربيه فيها سينسور الباركينج ولا لا .
الف شكر استاذ محمد والف مبروك مره تانيه
السلطان ابو النجا الاول
-
الف مبروك يا استاذ محمد-ربنا يباركلك فيها ويكفيك شرها
-
تم التعديل للتكرار
وائل عطية
-
ألف مبروك يا أســتاذ محمد - ربنا يديك خيرها ويكـفيك شــــــــرها باذن الله - كان نفسى تقول ان أول حاجة عملتها تجربة الكاسيت او السى دى فى سماع القرآن الكريم لكى تتبارك بالقرآن يحفظك الله و1000 ألف مبروك
أخوك /طارق أمـيـن - أسبرانزاوى 36
-
الف مبروك يا استاذ محمد وربنا يديك خيرها و يكفيك شرها ..
ومشكور على افادتنا بانطباعك عنها .
Content Relevant URLs by
vBSEO 3.6.0 PL2