بتملي التانك بكام !

**Nistelrooy** · 09-04-2008 01:29 PM

السلام عليكم ..
انا جديد في العربيات وكدا
وعايز اعرف بتملي التانك بكام بس تقولي بنزين كام والسعر كام وبتملي كل قد اية + عربيتك كام سي سي لاني ناوي اجيب عربية بس افضلها 1300 او 1200 سي سي علشان البنزين

**Nile_Storm** · 09-04-2008 02:26 PM

السياره فيرنا 1600
بنزين 92
بملاه ب 20 جنيه كل اسبوع تقريبا ( 14 لتر و شويه )
ولو قصدك علي الاستهلاك فهي 10 كيلو لكل لتر

**Nistelrooy** · 09-04-2008 02:49 PM

شكرا يا باشا
وانا عايز ردود كتير زي دي كتير فيها الافادة : )

**Ahmad Allawy** · 09-04-2008 02:49 PM

كورسا 1200
التانك بتاعها 45 لتر..
انا سواقتي مش كتير.. يعني بالكتير 100 كم في الاسبوع.. وده مش كل اسبوع كمان..
يعني في اسابيع من غير حركة.. واسابيع 200 او اكتر..
المهم برضه العربية 10كم / اللتر..
يعني 200 كم في الصفيحة اللي هي 20 لتر..
صفيحة ال92 ب 28 جنيه..
صفيحة ال90 ب 26
وصفيحة ال95 ب 35
بس اللي سمعته من اكتر من واحد وفي موضوع مكتوب عن الموضوع ده هنا ف المنتدي بيقول ان في عربيات كتير من الجديدة او موديلات مش قديمة.. استهلاك البنزيم ال95 افضل من ال90 و ال92
يعني ممكن تعوض معاك شوية.. ميبقاش تحط فيها ب 35 جنيه صفيحة تمشيك زي الصفيحة الي ب 28..
لأ اكتر شوية..
يعني ممكن تبقي انت بتدفع فرق 3 جنيه بس ولا حاجة..
عموما انا باحسب برضه لعربيتي وهاقولك الفرق بالظبط بين 95 و ال92..

**Nistelrooy** · 09-04-2008 03:12 PM

شكرا يا احمد علي المعلومات

**Nistelrooy** · 09-04-2008 03:18 PM

شكرا يا احمد علي المعلومات

**osamaelbaz** · 09-04-2008 03:59 PM

انا معايا ماتريكس 1600 بحط ب 60 جنية صفحتين وشوية كل 3 او اربع ايام اصلى بمشى كتير واستهلاكها 10 كيلو للتر متوسط

**Akram** · 09-04-2008 04:36 PM

انا معايا لانوس 1500 سي سي ,
و بحط كل اسبوع حوالي 30 أو 35 لتر من 92 ,
و الاستهلاك حوالي 9.5 ك لكل لتر.

**medohai510** · 09-04-2008 04:49 PM

أنا عربيتي رينو كليو والتانك بتعها حوالي 45 لتر وبحط بنزين 92 بــ140 قرش/اللتر
والعربية بتعمل حوالي 250كم/صفيحة داخل القاهرة.

**zakiali** · 10-04-2008 05:22 AM

فيرنا 2008 - 1600

علي الطرق المفتوحه : 13 كم / لتر 92 بدون تكييف متوسط سرعة 100 كم/ساعه
جوه المحروسه : 10 كم / لتر 92 بدون تكييف
9.5 كم / لتر 92 بالتكييف

وأول ما اللمبه تنور يبقي قدامك 50 كيلو متر والعربيه تقف .