يا ريت بجد لو حد معاه رقم تليفونه
اعتقد سيات لافر ممكن يكون معاه رقم تليفونه و يطمنا اولا العربيه حصل فيها ايه و اتصرف ازاي مع الشركه !!
عرض للطباعة
يا ريت بجد لو حد معاه رقم تليفونه
اعتقد سيات لافر ممكن يكون معاه رقم تليفونه و يطمنا اولا العربيه حصل فيها ايه و اتصرف ازاي مع الشركه !!
هاني باشا..
اولا: قدر الله ما شاء فعل..
ثانيا: طبعا دة اهمال جسيم من الشركة ايلي بتنقل العربية...
ثالثا: زي ما كل الاخوة قالوا....تشوف اية الاجراءات الرسمية وتعملها لضمان حقك وتعويضك عن الاضرار سواء كانت بسيطة او كبيرة...وربنا يسترها ان شاء الله وتكون بسيطة...
أعتقد أن سيناريو وقوع العربية من فوق الونش في التصور الطبيعي يعني :
أن الواير اتفك .. أو ساب
العربية نزلت بضهرها إلى الشارع
على منزل العجل وهووووب
اصطدمت بأرضية الشارع كالتالي
إكصدام خلفي
ثم الشكمان
ثم تانك البنزين
ثم سقطت بقيتها على الأرض لتتحمل العجلات الأمامية الصدمة بطريقة خفيفة .
يعني الخسائر المفروض انها تكون في الإكصدام والشكمان وتنك البنزين فقط
وممكن خبطة في الشاسية ... وبكدة لازم تاخد حقك منهم تماما .
لكن وآه من لكن هذه
لو كانت هناك صدمات جانبية فهذا معناه إنها وقعت على جنبها وده معناه إن الباشا السواق كان بيغرز من غير ما يربط العربية من تحت ، وساعتها ولع فيهم كلهم
لو فيه صدمات أمامية قوية فده معناه إن العربية لما نزلت جريت على الطريق (رغم إنها معشقة بفرامل اليد ، ودريكسيونها معشق وتقيل علشان باور ) وخبطت في حاجة ، وده معناه إن الباشا السواق كان بيجري بسرعة كبيرة فنزلت وجريت وخبطت .. وكدة برضة تولع فيهم تمام .
المصيبة بقى إنهم يكونوا طلعوا العربية بالعكس على الونش يعني وشها لورا ، وده معناه خسائر رهيبة في حوض الموتور والشاسية
ولو قالوا كدة اعلم أن السيارة عملت حادثة وواحد من البهوات سايقها ، وقالوا لك حكاية الونش دي علشان يبرروا الحادثة .. وهنا تولع فيهم وفي المركز وفي صاحب التوكيل .
وربنا يحفظهالك ، وطمنا عنك
تقبل خالص مواساتي وغضبي
http://content.sweetim.com/sim/cpie/...s/0002014A.gif
اولا : الف الف الف الف شكر ...لاخواتى وحبايبى....اللى سألو عليا....ويارب يخليكو ليا...انتو والله اخوات بجد...وفعلا الصديق وقت الضيق...
المهم ...اليكم تقرير عن المهذلة :
طبعا انا بعد مافوقت من الصدمة نزلت جرى..على حبايبى فى القسم وخدنا بوكس وطلعنا على هناك....متجهين لمكان الكارثه
واليكم العجب !!!!!!!!!!!:eek:
.................
العربيه بتاعتى...وقعا على جنبها !!!!...جنب الونش...يعنى من الآخر اتقلبت من على الونش من الجنب...طبعا البيه الله يجحمو شكلو كان بياخد غرزه...!!!!!:eek::eek::mad::mad:
والمدهش اكتر ان مافيش حاجه كانت ماسكه العربيه..غير الواير اللى بيسحبو بيه !!!!!!!....هتقلولى طب السواق ابن ال**** مربطهاش ليه بالحاجات المخصصه لكده...وايه السبب الفعلى لحدوث الواقعه ؟؟؟؟؟؟؟
طب تعالو كده ندور على السواق ونسألو؟؟؟؟ يا عم ياسواق....يا سواق بيه...انت ياد ياسواق...؟؟؟!!!!..مفيش سواق.....طب راح فين...وساب العربيه مقلوبه...والونش كمان سابو وساب المفاتيح فيه ؟؟؟؟!!!!!!!.....السواق...فص ملح ودااااااب؟؟؟؟!!!:eek::eek::eek::eek:
.........................................
تفتكرو اخوكو flyingpeugeot عمل ايه ياترى !!!!؟؟؟؟؟؟
....
عملت اللى لو ماكنتش عملتو....ماكنتش هاخد حقى ولا هطول مليم احمر ؟؟؟؟!!!!:cool::cool:
اولا : تم الاتصال بشركة انقاذ....الناس جت عدلو العربيه بتاعتى...وسحبوها..وراحو وخدينها على القسم ...فى حماية البوكس العزيز...:D
.وانا فضلت مكانى بحجة انى هستنى الناس بتوع الشركه...عشان نجيب الونش ونيجى.....طبعا ماحصلش....;)
هما مشيو من هنا والشاطر flying راح راكب الونش ومدور وطالع....وخد الونش وقال يافكيك...:eek:
وتم التحفظ عليه فى مكان آمن !!!!:eek::cool::cool:
شغل عصابات بجد..:cool::D
بس بلدنا....لازم تاخد فيها حقك بدراعك...
المهم : بعد ماخفيت الونش.....رحت طالع على حبايبى....متجها للقسم
...............
فين ياعم الونش ؟؟؟ وفين الناس صحاب الونش؟؟؟؟
رحت قايلهم عل اللى انا عملتو ....حاله من هستريا الضحك احتلت القسم؟؟؟:D
وقالولى بس كده غلط ولازم تجيب الونش...قولتلهم انا بس بعمل كارت ارهاب لغاية ما اشوف الناس دى ناويه على ايه...وعلى العموم اول ما ندخل فى الجد هجيبلكو الونش وانتو اتصرفو...اوكى
...............
المهم اتصلت بالشركه...وطلعو معندهمش اى خلفيه عن الموضوع...وطلع السواق هو اللى اتصل بيا.!!!!!!!!!!!!!!
..فيه الخير والله:D
....
الناس جت القسم.....شافو منظر العربيه...سألو على الونش ....الظابط الجامد راح قايل...احنا متحفظين على الونش والعربيه لحين فض المشكله...ويعنى خلصت بعد سنه او بعد 10 سنين محدش هيستلم حاجه غير بعد ما المشكله تخلص...سواءا الونش او العربيه
...طبعا دا كللو فيلم ....
صحاب الشركه طلعو ناس محترمين:D..(خوف مش اكتر)
وحسبوها بالعقل...وقالو ...خلاص نستلم الونش والعربيه...واحنا
مسؤلين عن كل التلفيات من جنيه لمليون..
..............
اولا:الحمد لله الحمد لله ان الموضوع اتحل رغم كل شىء
ثانيا:نوجه الشكر للشاطر flying عشان حركة خطف الونش دى :D:D
ثالثا:الشكر كل الشكر للدعم الامنى المكثف..واللى لولا
تدخلهم ماكنش الموضوع هيخلص....ولعبة الونش المخطوف دى ماكنتش هتنجح وكنت هجيبو ورجلى فوق رقبتى :D
ثالثا: الشكر كل الشكر لكل من سيادة
العميد حسن طلعت غراب وسيادة العقيد سيد جوهر
وبوعدهم...بعد ما العربيه تخلص..كل واحد هياخد لففه ... :D
.........
واليكم محصلة الخسائر الغرييبه...واللى مش قادر اعمل بسببها سيناريو للحادثه لحد دلوقتى :(:(
كل ما يطلق عليه لفظ زجاج ....اتفشفش
اكصدام امامى
اكصدام خلفى
شكمان
تنك بنزين
طقم فوانيس امامى
فانوس خلفى
2 باب
رفرف
مرايا
تلفيات بالعفشه
تلفيات بالجنوط
والمصيبه الكبيره..ونظرا لحجم الموتور المهوول..
.الموتور خد القواعد والفتيس
واستقل بنفسو تاركا هيكل السياره :cool:
........
عملية الترميم والمشتريات سوف تتم تحت اشراف الناس اللى بيعددلولى العربيه...ومندوب من شركة الونش ومندوب من الشرطه....
...........................................
.....وحسبى الله ونعم الوكيل......:mad:
يعنى هخشلى فى شهر كمان...:mad:
.....
بس مبسوط انى عرفت آخد حقى...ولو مش بدراعى ماكنتش هاخدو :cool:
....
وهى دى مصر يا عديله http://www.nilemotors.net/Nile/images/icons/icon5.gifhttp://www.nilemotors.net/Nile/images/icons/icon4.gif
طبعا العربيه يستحيل ترجع زي ما كانت بس طبعا كويس انك عرفت تاخد حقك طبعا شغل (اسود) انا متعاطف معاك جدا و لكن قدر الله و ما شاء فعل تحياتي ليك و اهم حاجه سلامتك
بيجو الي الابد
والله انا مش عرف اقولك ايه؟
حسبي الله ونعم الوكيل
معلش مش مشكله، كل حاجه بتتصلح...بس انا اتمزكت اوى من اللى انت عملته ده :d...بس هو الونش و العربيه فضلو متسابين فى الشارع كده من غير مايتسرقوا!!!
لا حول ولا قوة إلا بالله ...............
والله لسه شايف الموضوع حالا.......
المهم الحمد لله ربنا قد ولطف وإن شاء الله ترجع زيي الأول وأحسن
بس فكرة إنما إيه اللي أنت عملتها دي ....
جامده أووووووووووووووووووي أخر مزاج .....
زعلتنى و الله يا هانى
بس الحمد لله انك أخدت حقك
وقدر الله و ماشاء فعل
فعلا فئة من الشعب المصري ده في لامبلاة غريبة
لا الله الا الله ..قدر الله وما شاء فعل يا هانى بس بجد انت عملت حركه جامده اوى والعالم دى ماينفعش معاها غير كده..وماتسيبش حقك ابدا
..mokhtar..
هاها هااااا
و الله يا هاني شرالبلية ما يضحك
و الله أنا مش عارف اقولك مبروك و اللا الله يصبرك
بس أقدر أقوللك انك 100 100 و ميت فل و عشرة و كل الحاجات الكويسة
كده صح و ربنا يقدم اللي فيه الخير
ايه ده يا عم .... جيمس بندق ...لعلمك بقي المغامرة اللي انت عملتها هي الحاجة الوحيدة اللي ممكن تصبرك لغاية ما العربية تتصلح ... ده ينفع فيلم اكشن
الحمد لله انك عرفت تمسكهم من رقبتهم
قدر الله وما شاء فعل .
انا والله حزين على التلفيات الى حصلت لعربيتك ... ربنا يصبرك وان شاء الله ترجع زى الاول .
بس والله برافو عليك على موضوع الونش دة .. انتا بجد زعييييييييييييييم .
ربنا ياخدهم انا زعلت جدا يا هاني مش عارف اقولك ايه..................
Ibiiiiiiiiiiiiiiiiiiiiiiiiiiiiiiiiiizzzzzzzzzzzzzz zaaaaaaaaaaaaaaaaaaa For Ever
ههههههههه و الله جدع الموقف اللى انت عملته دة هوا اللى هيخفف عليك الموضوع كله
بس بجد بجد خليهم يدفعوا دم قلبهم و متخلصش الموضوع الا لما الابرة في العربيه تتعمل يعني حتى لو فاضل حاجة بجنيه اوعى تسيبها على كدة لأن انت عارف ممكن الجنيه يجيب جنيه و هكذا و انت ادرى مني بكتيــــــــر طبعا في حاجة زي دي مش هنوصيك بخبرتك في الموضوع دة و لا لأنها في الاول و في الاخر عربيه
بس ندعيلك ترجع احسن من الاول ان شاء الله و مش مشكله الوقت على اقل من مهلك يا عم و نعمل مقابله مخصوص عشان كل واحد ياخد لفه :d
حمدلله على السلامة يا flying
100/100 اللى انت عملتو فى الونش
وماتسيبش حاجة الا لما تكون تمام
لا حول ولا قوة إلا بالله
موقف غاية في الإستهتار أولا من الشركه لأنها شغلت واحد مستهتر زي السواق ده وثانيا منهم هما علشان مش بيتبعوا شغلهم وعرفوا الموضوع في الأخر ( إستهتار بأموال الناس )
بس اللي إنت عاملته جامد جدا وينم عن عقليه تخطيطيه جامده
ربنا يقويك وترجعها زي الأول ولازم تدفعهم كل مليم هايتصرف على التصليح والترميم
إيه يا فلاينج الحلاوة دي..
أنا مش بس مبسوط إن الموضوع مشي زي ما انت عايز وإنهم هايتحملوا التكاليف
أنا كمان متكيف أوي من حركة الونش دي... فكر إجرامي صحيح :) :) :)
إحنا بعد كده مش عارفين نسميك فلاينج بيجو.. وللا.. فلاينج ونش :) :)
جامدة جامدة... نيههههه :)
عقبال ما تستلم العربية بإذن الله
ايييه دة؟؟؟؟؟؟؟؟؟؟؟؟؟
ازاى كدة يا هانى؟؟؟؟
طمنى يابنى ايه الى حصل فى العربية ؟؟؟ :eek:
معلش انا اول مرة اشوف والله الموضوع
قدر الله و ماشاء فعل
بس الحمد لله انت اخدت حقك كويس
متسيبش حقك و لا تتنازل فى شبر بجد
اية ده يا زعيم مش كنت تقولنا علشان كنا نجيب العصابة :mad:
ونولعلك في الونش وشركة وصاحبها بس طلع ما يتخافش عليك
بس انت عملت الواجب معاهم :):)
الله ينور عليك وانشا الله ترجع احسن من الاول
لابد للحق من قوه تحميه
إيه يابنى الأفلام دي ,
انا ماسمعتش عن الموضوع ده خالص ,
بس أقول إيه ,
كان المفروض تقولنا و احنا نيجي معاك ,
و الحركة اللي عملتها جامدة بس كان المفروض يكون حد معاك لأي ظرف ,
و خلي بالك إن الناس دي ممكن تحاول تغير الإتفاق ,
يعني ممكن يطلبوا الونش و انهم ملتزمون بالإصلاحات و بعد كده تلاقيهم بيحاولوا يشيلوك حاجة في التكلفة , فخلي بالك و متتسرعش معاهم في أي حاجة غير لما تشاور , فاهم يا هاني ,
على العموم قدر الله و ما شاء فعل , ولا حول ولا قوة إلا بالله .
الحمد لله ان الموضوع خلص على خير
و فعلا تستحق تكون زعيم عصابه البيجو
بجد قمة الأستهتار
ربنا يكون فى عونك
بس بجد جامدة حركة الونش دية :)
بس بجد انت زعلتنى جدا جدا جدا انا مكنتش مصدق الى حصل من عنوان الموضوع انا قلت يمكن فية حاجة تانية :( بس متخيلتش ان كل دة يحصل ليك
ربنا يصبرك بجد
الاخ العزيز هانى
لا حول و لا قوة الا بالله
ربنا معاك و يعينك على الفترة اللى جاية اللى حتحتاج منك مجهود و شغل مكنش على البال
و اعرب لك عن اعجابى بما قمت به و طريقة ادارتك للموضوع
و الموضوع بتاعك اثبت بصحيح ان مصر هى دولة فريدة فى كل شىء و مصر هى الدولة الوحيدة
اللى العربية فيها ممكن تنقلب من غير سواق يكون سايقها .
و كما قال الاعضاء المحترمين ربنا يصبرك و خصوصا رد ( توت ) بقوله هذه هى بلدنا و اهلنا
و حنفضل على هذا الحال الى ان يرحمنا الله و يزيح عنا هذا البلاء و المتمثل فى العديد من
الامراض الاجتماعية و على رأسهم اللامبلاة و الاستهتار
تحياتى
قدر الله وماشاء فعل و الحمد لله على كل شيء
معلش يا هانى و الله انى رديت متآخر بس و الله انا لسه شايف الموضوع دلوقتى و اضايقت جدا جدا بس حركة الونش ديه تمام بس اللى ضايقنى اكتر الخساير بتاعت العربيه بس بجد انت طلعت جدع انك عرفت تاخد حقك وان عايزك تبقى تدور على السواق ده و تربطه على كبوت العربيه بعد ماتركبلها النايتروز و التربووو و تطلع تجرب و هو على الكابوت ما تهيألى كده بعد ما تعمل كده مش هتحتاج تعمل حاجه تانى و ما تتصورش انا اتضايقت علشانك قد ايه و انت عارف معزتك عندى
الحمد انك عرفت تطلع باقل الخساير وحركه الونش دى حركه جامده
وابقى راجع على كل حاجه فى العربيه كويس وربنا معاك
ايه الجمال ده يا بني خطفت الونش والله جدع ماكنش هينخو غير بكده بس اوى بعد مايخدو الونش يرجعو في كلامهم وربنا معاك وقدر الله ماشاء فعل .
ايه الحلاوه دي ياعم والاعصاب الجامده دي طبعا مايعملهاش غير رجاله البيجو
لا حول ولا قوة الا بالله... قدر الله و ما شاء فعل
معلش يا شيخ هاني .. بس ده جزاه اللي مايتابعش عربيته ... ده مش كده بس .. ده ممكن كمان تتسرق و تتنهب او تصحي الصبح ماتلاقيهاش ! ... يا باشا انت هنا في الادغال ..
انا لما "شحنت" عربيتي من الحرفين لحد بني سويف .. -علماً بان انا ليا معارف تقدر تقول في كل حته - اصريت علي اني اجيب العربيه بنفسي .. و اقف علي تحميلها و فضلت راكب مع السواق لحد عندنا .. و كان الجو رمضان و الشعب صايم و انا في القاهره لوحدي و ليله كبيره .. مش علشان حاجه .. لاء .. علشان اللي حصل لعربيتك ده بالظبط ... انا راجل كنتا شغال في نقل العربيات و التقطيع و الشحن و جمارك قطع الغيار .. و الليله دي ... و احب اقول : القاعده رقم واحد في نقل العربيات ... هيا تامين العربيه و ربطها باحكام علي العربيه .. و ده للاسف مش موجود هنا ...
علي العموم ..ربنا يعوضك .. اجري عاين العربيه و شوف الاضرار .. و اعمل محضر .. و تعالي علي نفسك في الاضرار و ماتظلمش حد .. في الاول و في الاخر احنا مش عاوزين غير حقنا بس ...;)
قدر الله و ما شاء فعل
اللي انت عملته ده تماااااام
ربنا يخلف علييك
ووووو
حسبي الله ونعم الوكيييييل......... منتهى الاستهتاااااااار
جدع
مع تحياتي
basha w htfdl basha
علي العموم الحمد الله انك عرفت تخلص حقك !
و بعدين متزعلش اوي من الراجل :)
مش انت الي مسميها Flying Peugeot?
طيب الراجل جرب يطيريها ! وقعت ! مش ذنبه :)
معلش بهرج معاك علشان تنسى .. و ان شاء الله كله يتم و يتصلح و تبقى SpaceShuttle Peugeot كمان :)
الف الف الف شكر ياجماعه على ردودكو ودعمكو المعنوى ليا...وانا كنت عايز اشكر كل واحد بالاسم..بس انتو كتيييييييير اوى...ربنا يخليكو ليا...وشكرا لكل النايل موتورزيه
......
اولا: تم شراء اكثر من 90% من اجمالى التلفيات..والحمد لله
اكصدام امامى
اكصدام خلفى
تنك بنزين
طقم فوانيس امامى
فانوس خلفى
2 باب
رفرف
مرايا
زجاج للعربيه بالكامل
طقم مساحات
طقم قواعد
طقم حساسات باركينج
انتر كوولر...الخاص بالتربو turbo inter cooler
كده مش ناقص غير حاجات رفيعه خالص...هتكمل يوم الاثنين
............
بصراحه طلعو ناس محترمين...او من الآخر احترمو نفسهم
.....
وبالنسبه لبدء الشغل من يوم الاثنين بردو ان شاء الله....
......بس فى حاجه عايز آخد رأيكو فيها وياريت كلكو تفيدونى او تنصحونى.....
انا ناويت اتكلف بالمصناعيات الخاصه بالصنايعيه من جيبى الخاص..
!!!!!!
.ودا بمزاجى طبعا
.................
....اصل بصراحه انا مكسوف او مستعيبها اوى على نفسى...انى اكون واقف عند واحد بيشتغل فى عربيتى...وواحد من بتوع الشركه يطلع فلوس ويديلو...يعنى لو صنايعى طلب منى حاجه هقولو روح خد من البيه؟؟؟؟؟؟؟؟!!!!!!!!!!!!!!!!!!!!!!!!
انا حتى بسبب النقطه دى منزلتش معاهم وهم بيشتروا الحاجه...وواحد صاحبى هو اللى راح معاهم!!!
ياريت تفيدونى...انا وجهة نظرى صح ولا غلط ؟؟؟؟
قدر الله و ماشاء فعل
وربنا معاك ويقدرك وترجع العربية احسن من الاول