أستاذ safwat_shawkt, مبدئيا أرجو أن حضرتك تتقبل كلامى, ومايضايقكش..!
المشاركة الأصلية كتبت بواسطة safwat_shawkt
لشركه عريقه مثل كيا
أحب أوضح لحضرتك أن كيا لسه مالحقتش "تعرق" فـ صناعة العربيات.
كيا عملت أول عجلة سنة 1944, أول Scooter أو فسبا 1957.. ويادوب فـ 1974 عملوا أول عربية .. بعد سنوات من تجميع موديلات مازدا "القديمة" كمان.
طبعا مش محتاج أقول أن أقل شركة أوروبية بتعمل عربيات بقالها أكتر من قرن .. وفيه شركات من ربع "دماغ".. يعنى 250 سنة..أهاهاهاهاها
العراقة والتقدم فـ صناعة السيارات بتيجى من مصدرين أساسيين:
1- ميزانيات الـR&D الضخمة, و دى مش عند كيا-هيونداى كـmentality, هم بيعملوا عربيات زى ما بيعملوا الـLG و الـSamsung كده... أكل عيش يعنى مش interest فـ الصنعة أو حب التفوق..!
2- خبرة السباقات والرياضات الميكانيك, وللأسف دى برضه مش عندهم.. الـObsession بتاع الأوروبيين مثلا بالراليات والـFormula , لأن كل التقنيات المتقدمة اللى فـ عربياتنا النهاردة... أصلا حلبات السباق (هى الـTest bed)..!
طبعا احنا عمرنا ما شوفنا عربية كورى بتسابق ولا فـAuto-Cross حتى ...؟؟! ولا أيه
المشاركة الأصلية كتبت بواسطة safwat_shawkt
والغريب ان اغلبهم ( وليس الكل ) يزم ويلعن السيارة بينما فى البروفيل الخاص به تجد انه محدد انه يمتلك سياره وطبعا ليست السيراتو ...
ماهو مش كل الناس زى ماحضرتك بتقول "حاقدين" عـ السيراتو.. ههههههههههه
فيه ناس بتبقى متوقعة من العربية "كـ ركوبة وسواقة" أعلى من أداؤها الفعلى.. من كتر كلام اللى معاهم العربية + أن العربية أنتشرت بصراحة, رغم سعرها مش قليل..؟!
ولما يسوقها ويلاقيها عادية زى أى عربية كورى.. بتحاول تقرب من بعض اليابانى (زى الهوندا والمازدا)... طب أيه؟؟؟!!
قد يكون اللى بيقول رأيه ده.. أتعود على عربيات تانى, أو زى مابيقولوا "نازل من أيه" عشان تحكم ان ثباتها مش أوى مثلا..! وكده, أتمنى تكون فاهمنى.؟!
المشاركة الأصلية كتبت بواسطة safwat_shawkt
عموما ايها الساده المحترمين من الواضح انكم تفوقتم على خبراء شركة كيا وخبراء السيارات العالمين والذى صنفو السيارة فى دول العالم بمراتب متقدمه
عايز أقول لحضرتك أن ممكن تستقدم designer من شركة كبيرة.. يعملك أشكال جديدة..؟! زى الـTiger Nose بتاع شراير مثلا.
لكن ماتعرفش (كـ شركة) تستقدم "رئيس قسم تطوير أنظمة الـtransmission" مثلا, لأنه مش هيقدر يعملك Technology transfer لأنها بتبقى Patented أو مسجلة كـ براءات أختراع..!!!
عشان كده بيصنفوا كيا-هيونداى (صناعيا) على أنها شركة generic يعنى بتقلد, مش innovative زى الشركات المعروفة بـ التكنولوجيات المتقدمة.
المشاركة الأصلية كتبت بواسطة mostafaismail
هو معلش اسم "كيداهم" موجة لمين؟! يعنى هيا كايدا مين بالظبط؟!!
انا عمرى مشفت حد بيدافع عن العربية بتاعتوا الدفاع المستميت دة غير هنا فى مصر!!! ما انا معايا عربية واللى بيسالنى عنها بلعن واسب فيها فى حاجات وبشكر فى حاجات تانية علشان احساسى بالمسئولية تجاة السائل
أكيد أن من الأمانة والمسئولية أنك تقول المميزات والعيوب بصراحة.. للى يسألك..؟!
هو بس "بعض" اللى معاهم سيراتو.. تقييماتهم بتبقى غير واقعية لحاجات زى الهاندلينج والثبات والتسارع.. وكده يعنى.!
المشاركة الأصلية كتبت بواسطة yasso0101
هل الشعب المصري اهبل ؟
لأ طبعا مش أهبل؟؟!
بس بيشقى فـ فلوسه, وغالبا بيجيب العربية قسط ... فـ عشان كده بيشترى اللى ماشى فـ السوق.. اللانسر زمان, والألنترا بعديها.. والسيراتو دلوقتى..وكده, ثقافة يعنى..!!! مش معناه أنها أحسن ...لأ خالص.!
للأسف الناس بتشترى للى بيركب بعديه (اللى هيبيعهالوا بعد كده فـ re-sale).. مش لنفسه..؟؟؟!!
وبيراعى طبعا: قطع الغيار, الصيانة وأعادة البيع..! هو رأى؟؟!
أتمنى محدش يزعل منى.. ده رأيى الشخصى (بعض أجزاء, لكن فيه حقائق )
المفضلات