لك الله يا كيا

**safwat_shawkt** · 15-03-2011 10:42 PM

اعتذر لكل من سيقرأ مشاركتى ويغضب منى ... لكن هذا هو الحق فأنا ملاحظ من بعض الساده الاعضاء مواصله حملتهم الشرسه بأظهار العيوب فى سيارة كيا سيراتو بل ولاحظت ايضا ان هناك من يكتب نفس الموضوع هنا وينقله بنفس الحرف فى منتدى اخر يحمل اسما مشابه لمنتدانا ويحاول اظهار عيوب للسيارة كأنها لا تمت للسيارات او لشركه عريقه مثل كيا والغريب ان اغلبهم ( وليس الكل ) يزم ويلعن السيارة بينما فى البروفيل الخاص به تجد انه محدد انه يمتلك سياره وطبعا ليست السيراتو ... عموما ايها الساده المحترمين من الواضح انكم تفوقتم على خبراء شركة كيا وخبراء السيارات العالمين والذى صنفو السيارة فى دول العالم بمراتب متقدمه واسقطو طبعا السيارات السيراتو المصريه من الحسبان ( لانها من دول العالم الثالث ) وكل الفيديوهات على اليوتيوب التى توضح تأثير الصدمات على السيارة من كافه الجهات كذب وخداع لانها سيارات مصنوعه للخارج وليست لمصر واخيرا من عجبته السياره اهلا ومن لم تعجبه لا يشتريها او يبيعها ان كانت معه .. فالله خلق لنا عقل نفكر ونحتكم اليه فالسيارة الصينيه الصنع افضل مليون مرة من السيراتو وأمنه عنها ... ارحمونا كى يرحمكم الله ... التمس منكم المعذرة ان كنت اسأت الى احد ولكن ما اراه بصراحه يحرق الدم من مدعى الخبرة والفهم

**shod90** · 15-03-2011 10:51 PM

الكلام مش وحش بس هيا فيها عيوب فعلا (طبعا مفيش عربية كاملة من مجاميعو .. فالكمال لله وحدة )
ولاكن فيها عيوب زيادة شوية عن المعتدات .. مثلا عندك
1) الطنطيط اللى بيحصل فى الكنبة اللى ورا لو مشيت على طريق مش مظبوط
2) نشوفية العفشة
3) الخامات جوة مش قد كدا اوى يعنى
و فى من دا كتير بقى :)

**ahmedhossam86** · 16-03-2011 10:04 AM

كنت عامل موضوع قبل ما المشاركات تروح... اسمه السيراتو اسوأ سيارة في مصر.. عشان كل الــ Anti-Cerato يهدوا.. و بالذات حبايبنا ملاك الفيرنا.. بافكر اعمله تاني...

**safwat_shawkt** · 16-03-2011 01:35 PM

المشاركة الأصلية كتبت بواسطة ahmedhossam86

كنت عامل موضوع قبل ما المشاركات تروح... اسمه السيراتو اسوأ سيارة في مصر.. عشان كل الــ Anti-Cerato يهدوا.. و بالذات حبايبنا ملاك الفيرنا.. بافكر اعمله تاني...

والله حلوة فكرة Anti-Cerato وكلامك صح اخ احمد , تشوف الفتايين على المنتدى نازلين اهانه في العربيه وكل واحد ماركبهاش و يقول لك دى عند صاحبي وهو اللى بيشتكى وكلام سخيف فأكتشفت ان ال 128 احلى وامتن من السيراتو و طبعا جميع السيارات الصينى بكافه فئاتها انظف بمراحل من السيراتو وان كان السعر متقارب نوعا ما فى بعض الفئات .... يا افنديه العربيه دى ( سيراتو ) مكتوب عليها صنع في كوريا بعكس سيارات اخرى يابانيه او اوروبيه المنشأ وتم تجميعها فى دول الايدى العامله الرخيصه
والمعروف ان النمور الاسيويه بتحاول تنافس الان والعربيه دى مش بورش او فيراري ولا لامبورجينى علشان نقارن الشد والتجميع ومن صفر لكام فى كذا ثانيه دى سيارة متواضعه للاسره اهتمو فيها بعوامل الرفاهيه المتاحه كذا عوامل الامان المعتمده دوليا .. والا كل واحد له رأى فيها هيلاقى ايميل شركه كيا موجود وسهل الوصول اليه يمكن يختاروه خبير في الشركه او مستشار

**ابو ليلى** · 16-03-2011 02:39 PM

فين الهجوم ده انا مش شايف حاجه

اللى بيحصل ده دلوقتى ميجيش واحد على عشرة من اللى كان بيحصل زمان او بمعنى
اصح من وقت العربية ما بدات تنزل ....يااااااااااه فكرتنى بالمجازر اللى كانت بتحصل هنا كان لاازم يكون فى كل موضوع حوالى اتنين على الاقل يحصل ليهم وقف وكل يوم لاازم نلاقى موضعين على الاقل بيشتمو فى العربية .

استلمو انتو بقى الرايا من بعدنا وكملو المسيرة فى الدفاع عن كيداهم .

**ابو ليلى** · 16-03-2011 04:05 PM

المشاركة الأصلية كتبت بواسطة safwat_shawkt

حلوة كيداهم دى ...

الاسم ده اختراع وحق حصرى للدكتور / احمد سامى وكان من اوائل الناس اللى اشترت الشيب الجديد فى المنتدى وكان متزعم حق الدفاع عن كيداهم وقبله المهندس / احمد اسماعيل ( احمد سو ) صاحب الشيب القديم والكبير بتاعنا المهندس / محمد غازى صاحب اسطورة السيراتو اللى اتقلبت والموضوع قعد سنة الناس تتكلم فيه .

القسم هنا ليه تاريخ كبير وكله مؤرخ لف لفه كده فيه هتلاقى كنوز.

**Mostafa.Ismail** · 16-03-2011 04:43 PM

هو معلش اسم "كيداهم" موجة لمين؟! يعنى هيا كايدا مين بالظبط؟!! :)
انا عمرى مشفت حد بيدافع عن العربية بتاعتوا الدفاع المستميت دة غير هنا فى مصر!!! ما انا معايا عربية واللى بيسالنى عنها بلعن واسب فيها فى حاجات وبشكر فى حاجات تانية علشان احساسى بالمسئولية تجاة السائل...

عندنا بقى كل واحد معاة عربية يبقى هيا احسن عربية فى العالم وكمان الموديل بتاعة تحديدا والسنة بتاعتة برضوا :(

**yasserelsayad** · 17-03-2011 03:31 AM

المشاركة الأصلية كتبت بواسطة abouleila

فين الهجوم ده انا مش شايف حاجه

اللى بيحصل ده دلوقتى ميجيش واحد على عشرة من اللى كان بيحصل زمان او بمعنى
اصح من وقت العربية ما بدات تنزل ....يااااااااااه فكرتنى بالمجازر اللى كانت بتحصل هنا كان لاازم يكون فى كل موضوع حوالى اتنين على الاقل يحصل ليهم وقف وكل يوم لاازم نلاقى موضعين على الاقل بيشتمو فى العربية .

استلمو انتو بقى الرايا من بعدنا وكملو المسيرة فى الدفاع عن كيداهم .

قولهم يا ابو ليلى .. دول مشفوش حاجة :)

الموضوع: لك الله يا كيا

LinkBack

أدوات الموضوع

عرض

-

-

-

-

-

المواضيع المتشابهه

الله المنتقم الجبار (كانوا يريدون إحراق القرأن فأحرقهم الله )

ويقول الله سبحانه وتعالى :... ( اسالوا اهل الذكر ان كنتم لاتعلمون ... صدق الله الع

صور وأسماء سيوف رسول الله صلى الله عليه وسلم ( التسعه )

يا جماعة الله يخليكو عايز ميكانيكي كويس مساعدة لوجه الله

الكلمات الدلالية لهذا الموضوع

المفضلات

المفضلات

ضوابط المشاركة